KPT+

៦ កន្លែងលើលោក ត្រូវគេបោះបង់ចោល និងក្លាយជាវាលរហោស្ថានគួរឲ្យខ្លាច

បានផុស

៤ years មុន

នៅ

ថ្ងៃអង្គារ ២២ មីនា ២០២២

ដោយ

ប្រសិនបើអ្នកចូលចិត្តបរិយាកាសនៃវិមាន ដែលហ៊ុមព័ទ្ធដោយភាពស្ងប់ស្ងាត់ ទីក្រុងទាំង ៦ នេះ អាចជាកន្លែងក្ដីស្រមៃ នៃការផ្សងព្រេងក៏ថាបាន។ ទីកន្លែងទាំងនេះ មានចាប់ពីកោះឧស្សាហកម្មដែលធ្លាប់តែរីកចម្រើន រហូតដល់គុកចាស់ដ៏គួរឲ្យភ័យខ្លាច។

១ កោះ Hashima នៅ Nagasaki ប្រទេសជប៉ុន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កោះ Hashima ត្រូវបានគេស្គាល់ថា ជា “កោះសមរភូមិ” ដោយសារតែវាស្រដៀងទៅនឹងនាវាចម្បាំង។ សាងសង់ក្នុងទស្សវត្សរ៍ឆ្នាំ ១៨០០ វាធ្លាប់ជាធ្យូងថ្មទឹកជ្រៅនៅឆ្នេរសមុទ្រណាហ្គាសាគី។ កោះនេះជាកន្លែងរស់នៅរបស់កម្មករចំនួន ៥០០០ នាក់ ប៉ុន្តែសព្វថ្ងៃមានអគារចាស់ទ្រុឌទ្រោម។ ព្រោះប្រជាជនត្រូវបានជម្លៀសចេញទាំងស្រុង នៅពេលដែលអណ្ដូងរ៉ែត្រូវបានបិទ។ កោះនេះត្រូវបានបង្ហាញពីមុន នៅក្នុងខ្សែភាពយន្ត Skyfall ហើយឥឡូវនេះ ដំណើរទេសចរណ៍ពីកំពង់ផែ Nagasaki នាំអ្នកទស្សនា ទៅកាន់កោះដាច់ស្រយាលនេះបាន។

២ Pripyat នៅភាគខាងជើងអ៊ុយក្រែន

ការផ្ទុះរោងចក្រថាមពលនុយក្លេអ៊ែរ Chernobyl នៅថ្ងៃទី ២៦ ខែមេសា ឆ្នាំ ១៩៨៦ ត្រូវបានចូលទៅក្នុងការចងចាំរបស់ពិភពលោកទាំងមូល។ មនុស្សជិត ៥០,០០០ នាក់ត្រូវជម្លៀសចេញពីតំបន់នោះ រួមទាំងទីក្រុងជិតខាង Pariyat ដែលជាលទ្ធផលនៃឧប្បត្តិហេតុនេះ។ សព្វថ្ងៃនេះ ទីក្រុងទាំងមូលបានក្លាយទៅជាទីក្រុងដែលគេបោះបង់ចោល។ មានសួនកុមារ មន្ទីរពេទ្យ ផ្ទះ និងសាលារៀន ដែលចាស់ និងទ្រុឌទ្រោមតាមពេលវេលា។ សព្វថ្ងៃនេះ ដំណើរទេសចរណ៍ដែលបានណែនាំមាននៅជុំវិញតំបន់ខ្លះៗ ទោះបីជាវិទ្យុសកម្មនុយក្លេអ៊ែរ នៅតែខ្ពស់ជាងធម្មតាក៏ដោយ។

៣ ពន្ធនាគាររដ្ឋខាងកើត នៅរដ្ឋ Pennsylvania សហរដ្ឋអាមេរិក

ធ្លាប់ជាគុកដ៏ល្បីល្បាញបំផុត ព្រោះជាគុករបស់ Al Capone សម្រាប់ដាក់ឧក្រិដ្ឋជនដ៏ល្បីល្បាញ ប៉ុន្តែសព្វថ្ងៃវាស្ថិតក្នុងសភាពទ្រុឌទ្រោម ព្រោះត្រូវបានគេបោះបង់ចោលយូរមកហើយ។ ទោះជាយ៉ាងនេះក្តី អតីតពន្ធនាគារនេះ នៅតែបើកជារៀងរាល់ថ្ងៃ ចាប់ពីម៉ោង ១០:០០ ព្រឹក ដល់ ៥:០០ ល្ងាច សម្រាប់ភ្ញៀវទេសចរទស្សនា នៅរូបភាពដ៏រន្ធត់ក្នុងគុក។

៤ Auradu-sur-Glan នៅប្រទេសបារាំង

ទីក្រុងតូចមួយនេះ មានចម្ងាយប្រហែល ២០ គីឡូម៉ែត្រពី Limoges គឺជាឧក្រិដ្ឋកម្មសង្រ្គាមដ៏អាក្រក់បំផុតមួយរបស់ណាស៊ី នៅក្នុងប្រទេសបារាំង។ នៅពេលដែលកងទ័ពអាល្លឺម៉ង់បានចូល និងសម្លាប់មនុស្សចំនួន ៦៤២នាក់ រួមទាំងកុមារ ១៩៣ នាក់ មានតែស្ត្រីម្នាក់ និងបុរស ៥ នាក់ប៉ុណ្ណោះ ដែលនៅរស់រានមានជីវិតនៅថ្ងៃនោះ។ តាំងពីពេលនោះមក ទីក្រុងនេះមិនដែលមានអ្នកណារស់នៅ ហើយក៏មានផ្លូវរថភ្លើង បង្គោលខ្សែកាបអគ្គិសនី ដែលខូចរថយន្តច្រេះផងដែរ ។

៥ ស្ថានីយ៍ Dorasan នៅកូរ៉េខាងត្បូង

អគារស្ថានីយរថភ្លើងនេះ ស្ថិតនៅចម្ងាយប៉ុន្មានរយម៉ែត្រពីព្រំដែនរវាងកូរ៉េខាងជើង និងខាងត្បូង។ ហើយជានិមិត្តរូបរបស់ កូរ៉េទាំងពីរ អាចនឹងជួបគ្នាវិញនៅថ្ងៃណាមួយ។ ការទៅទស្សនាស្ថានីយនេះ គឺជាផ្នែកមួយនៃដំណើរទេសចរណ៍ DMZ ដែលដំណើរការដោយក្រុមហ៊ុនឯកជនប៉ុណ្ណោះ។

៦ ភូមិនេសាទ Houtouwan ក្នុងប្រទេសចិន

ស្ថិតនៅចម្ងាយប្រហែល ៤០ ម៉ាយពីទីក្រុងសៀងហៃ វាធ្លាប់ជាភូមិនេសាទដ៏រីកចម្រើន និងស្រស់ស្អាតនៅពេលដែលអ្នកភូមិបានសាងសង់ផ្ទះតម្រង់ជួរភ្នំ។ វាអាចមើលឃើញឈូងសមុទ្រនៅខាងមុខ ប៉ុន្តែនៅទីបំផុតភូមិនេះត្រូវបានបោះបង់ចោល នៅពេលដែលប្រជាជនជាង ៣,០០០ នាក់បានផ្លាស់ទៅទីក្រុងកំពង់ផែធំជាង។ សព្វថ្ងៃនេះ ភូមិទាំងមូលត្រូវបានគ្របដណ្ដប់ដោយដើមវល្ល៍ខៀវស្រងាត់ វាបានក្លាយជាទិដ្ឋភាពដ៏ចម្លែក និងស្រស់ស្អាត ប៉ុន្តែលាក់បាំងយ៉ាងជ្រៅ ដែលពុំសូវមានអ្នកទៅដល់ឡើយ៕

ប្រែសម្រួល៖ សាង ស្រីល័ក្ខ

ចុចអាន៖មកស្គាល់ប្រវត្តិបិតានុយក្លេអ៊ែរ និងរូបមន្តផលិតអាវុធប្រល័យលោក J. Robert Oppenheimer

ចុចអាន៖មកដឹងពីប្រភេទសត្វល្មោភដេក និងមិនចូលចិត្តដេកទាល់តែសោះ

Related Topics:ពិភពលោក កន្លែងបោះបង់ចោល

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា