ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ១១ ឧសភា

ពីមួយថ្ងៃទៅមួយថ្ងៃ មានរឿងច្រើនរាប់មិនអស់ បានកើតឡើងទូទាំងពិភពលោក ហើយរឿងខ្លះត្រូវបានគេចាត់ទុកថាជាព្រឹត្តិការណ៍ប្រវត្តិសាស្រ្តទៀតផង។

ចុះតើអ្នកដឹងទេ នៅថ្ងៃទី១១ខែឧសភា មានព្រឹត្តិការណ៍ប្រវត្តិសាស្រ្តអ្វីខ្លះ ត្រូវបានគេកត់ត្រាទុក? តោះទៅមើលជាមួយ កម្ពុជាថ្មី ទាំងអស់គ្នា!

ឆ្នាំ២០១០ – នាយករដ្ឋមន្ត្រីអង់គ្លេស លាលែងតំណែង

អ្នកនយោបាយអង់គ្លេសដើមកំណើតស្កុតឡេន លោក Gordon Brown បានលាលែងពីតំណែងនាយករដ្ឋមន្ត្រីចក្រភពអង់គ្លេសជាផ្លូវការ ដោយបញ្ចប់ការគ្រប់គ្រងរយៈពេល ១៣ ឆ្នាំរបស់គណបក្សការងារ។

ឆ្នាំ១៩៩៧ – ​ម្ចាស់​ជើង​ឯកអុក​ពិភពលោក​ ​ចាញ់​កុំព្យូទ័រ​

កុំព្យូទ័រលេងអុក Deep Blue របស់ IBM បានយកឈ្នះកីឡាករ Garry Kasparov ក្នុងការប្រកួតចុងក្រោយ។ នោះជា​លើក​ទី​មួយ​ហើយ ​ដែល​ម្ចាស់​ជើង​ឯកអុក​ពិភពលោក​ ​ចាញ់​ការ​ប្រកួត​ជាមួយ​កុំព្យូទ័រ​ក្រោម​លក្ខខណ្ឌ​នៃ​ការ​ប្រកួត។

ឆ្នាំ១៩៦០ – អតីតមន្ត្រីណាស៊ី Adolf Eichmann

ប្រហែល១៤ឆ្នាំក្រោយរត់គេចពីជំរំគុក អតីតមន្ត្រីណាស៊ី Adolf Eichmann ត្រូវបានចាប់ខ្លួនដោយភ្នាក់ងារស៊ើបការណ៍សម្ងាត់អ៊ីស្រាអែល នៅជិតទីក្រុង Buenos Aires នៃប្រទេស អាហ្សង់ទីន។ ក្រោយមកគាត់ត្រូវបានគេនាំទៅអ៊ីស្រាអែល ជាកន្លែងដែលគាត់ត្រូវបានកាត់ទោស និងប្រហារជីវិត។

ឆ្នាំ១៩៤៣ – សង្គ្រាមលោកលើកទី២ 

ក្នុងកំឡុងសង្គ្រាមលោកលើកទី២ កងទ័ពអាមេរិកបានលុកលុយ Attu ដែលជាកោះមួយក្នុងប្រជុំកោះ Aleutian ដែលត្រូវបានកាន់កាប់ដោយជប៉ុនក្នុងឆ្នាំ ១៩៤២។

ឆ្នាំ ១៨៤៧ – ប្រធានាធិបតីអាមេរិកលោក James K. Polk

ប្រធានាធិបតីអាមេរិកលោក James K. Polk បានស្នើឲ្យសភា ប្រកាសសង្គ្រាមលើប្រទេស ម៉ិកស៊ិក។

ឆ្នាំ១៨១១ -​ កូនភ្លោះជាប់គ្នា

កូនភ្លោះជាប់គ្នាឈ្មោះ Chang និង Eng ដែលទទួលបានកិត្តិនាមទូទាំងពិភពលោកក្នុងសតវត្សរ៍ទី១៩ កើតនៅប្រទេសថៃ។

ឆ្នាំ៣៣០ – ស្តេច Constantine ទី១

ស្តេច Constantine ទី១ បានសម្ពោធទីក្រុង Byzantium (Constantinople; បច្ចុប្បន្នជាទីក្រុង អ៊ីស្តង់ប៊ុល) ជារាជធានីថ្មីនៃចក្រភពរ៉ូមខាងកើត ដែលជាទង្វើមួយ បានជួយប្រែក្លាយទីក្រុងនេះទៅជាទីក្រុងឈានមុខគេមួយលើពិភពលោក៕

ប្រែសម្រួល៖ Vann Vann

ចុចអាន៖ ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ១០ឧសភា