ចាប់ពីថ្ងៃនេះ មហាជនអាចទស្សនាភាពយន្តល្បី ខ្មែរ និងអន្តរជាតិ ជាង ១៤០ រឿង មិនគិតថ្លៃ

សាធារណជនជាតិ និងអន្តរជាតិ ពិសេសអ្នកស្នេហាវិស័យភាពយន្ត អាចទស្សនាភាពយន្តខ្មែរ និងអន្តរជាតិ ជាង ១៤០ រឿង លើផ្ទាំងសំពត់ស ក្នុងរោងភាពយន្ត និងទីតាំងនានាសរុប ១៥ កន្លែង ក្នុងរាជធានីភ្នំពេញ ដោយមិនគិតថ្លៃ ចាប់ពីថ្ងៃនេះ ថ្ងៃទី២៩ ខែមិថុនា រហូតដល់ថ្ងៃទី ៣ ខែកក្កដា ឆ្នាំ ២០២២ នេះ។

មហោស្រពភាពយន្តអន្តរជាតិកម្ពុជាលើកទី ១១ នេះ ចាប់ផ្ដើមដំណើរការវិញ បន្ទាប់ពីអាក់ខានរយៈពេល ២ ឆ្នាំ ដោយសារបង្ការការរីករាលដាល ជំងឺកូវីដ-១៩។ ខ្សែភាពយន្តជាតិ និងអន្តរជាតិជាង ១៤៤ ចំណងជើង មកពី ២៤ ប្រទេសជុំវិញពិភពលោក រួមមានភាពឯកសារ ភាពយន្តគំនូរជីវចល ភាពយន្តខ្នាតខ្លី និងស្នាដៃ​ភាពយន្ត​ខ្នាតធំ នឹងមានវត្តមានក្នុងមហោស្រពភាពយន្តអន្តរជាតិកម្ពុជា នេះ។

ក្នុងនោះស្នាដៃភាពយន្ត​របស់កម្ពុជា​ចំនួន ៦២ ​ចំណងជើង ដែលផលិតដោយយុវផលិតករ​​វ័យក្មេងកម្ពុជា ព្រមទាំងយុវជនដែលទទួលបានការបណ្តុះ​បណ្តាល​ជំនាញផលិតភាពយន្ត​នៅ​មជ្ឈមណ្ឌល​ធនធានសោតទស្សន៍បុប្ផាណា ក៏នឹងត្រូវចាក់បញ្ចាំង​ជូន​ប្រជាពលរដ្ឋ​ចូលទស្សនា​ដោយសេរី នៅតាមទីតាំងជាច្រើនក្នុងរាជធានីភ្នំពេញ។

ជាពិសេស ស្នាដៃភាពយន្តរឿង “គ្រប់យ៉ាង​នឹងប្រសើរ” (Everything will be OK) របស់លោក ប៉ាន់ រិទ្ធី ដែលបានទទួលពាន​រង្វាន់ខ្លាឃ្មុំប្រាក់ នៅក្នុងមហោស្រពភាពយន្តទីក្រុង Berlin ២០២២, រឿង “ប៊ូឌីញ ស” (White building) របស់លោក នាង កាវិច ដែលបានទទួលពានរង្វាន់នៅមហោស្រពភាពយន្តទីក្រុងVenice, និងស្នាដៃភាពយន្តរបស់ផលិតករកម្ពុជា​ផ្សេងទៀត។

ដោយសារកៅអី ក្នុងរោងភាពយន្តនីមួយៗមានកំណត់ ទស្សនិកជនគួរមកមុនម៉ោងបញ្ចាំង ១ ម៉ោង ដើម្បីទទួលសំបុត្រ ឬបង្ការអស់សំបុត្រ ព្រោះ អ្នកមកមុន នឹងទទួលបានមុន រហូតអស់សំបុត្រ នៃចំនួនកៅអីក្នុងម៉ោងបញ្ចាំងនីមួយៗ។

ព័ត៌មានពាក់ព័ន្ធ៖ រដ្ឋមន្ត្រីក្រសួងវប្បធម៌៖ CIFF ជួយជំរុញ និងលើកកម្ពស់ ឧស្សាហកម្មភាពយន្តកម្ពុជា ទៅកាន់ពិភពលោក

ខាងក្រោមនេះ ជាកាលវិភាគ និងទីតាំង នៃការបញ្ជាំងភាពយន្តទាំងនោះ៖