ស្រា​វីស្គី​​​ផលិត​ពីការបិទ​គ្រាប់​ធញ្ញជាតិដូចជា barley, ពោត, rye, និងស្រូវសាលីដែលពេញនិយមជាងគេបង្អស់ ចំណែកតម្លៃ​ស្រា​វីស្គី​កំណត់​ដោយ​អាយុ គុណភាព រសជាតិ​ និងសំបកដប​​ ។ ខាងក្រោមនេះជាស្រាវីស្គីមានតម្លៃថ្លៃបំផុតលើពិភពលោក ៤ ដប ៖

១. Isabella’s Islay តម្លៃ ៦,២០០,០០០ ដុល្លារ

ស្រា Isabella’s Islay ជាផលិតផលរបស់ក្រុមហ៊ុនភេសជ្ជៈប្រណិតនៃចក្រភពអង់គ្លេស វាមានតម្លៃថ្លៃកប់ពពកមកពីការរចនានៃដបស្រាដែលធ្វើពីមាសស ដាំពេជ្រសុទ្ធ ៨,៥០០ គ្រាប់ និងត្បូងទទឹម ៣០០ គ្រាប់ ។

២. The Emerald Isle Collection តម្លៃ ២ លានដុល្លារ

ស្រា The Emerald Isle Collection បង្កើតឡើងដោយគ្រួសារ Bradley ជនជាតិអៀរឡង់ ហើយលក់ចេញកាលពីខែកុម្ភៈ ឆ្នាំ២០២១ ក្នុងប្រអប់មានវត្ថុ ៧ យ៉ាងសំខាន់ៗធ្វើពីមាសសុទ្ធនិងត្បូងមរកត ។

៣. The Macallan ១៩២៦ តម្លៃ ១,៩ លានដុល្លារ

ក្នុងឆ្នាំ ២០១៩ ស្រា The Macallan ត្រូវដាក់ដេញថ្លៃនៅ Sotheby’s ក្រោមតម្លៃ ១,៩ លានដុល្លារអាមេរិក នេះគឺជាដបដំបូងដែលបង្ហាញពីការរចនាគូរដោយដៃរបស់វិចិត្រករ Michael Dillon ជនជាតិអៀរឡង់ និងជាផ្នែកមួយនៃខូឡិចសិន “The Macallan Fine and Rare” ។

៤. The Macallan Michael Dillon ១៩២៦ តម្លៃ ១,៥៣ លានដុល្លារ 

ដបស្រាវីស្គីអាយុ ៦០ ឆ្នាំខាងលើគូរដោយវិចិត្រករ Michael Dillion ត្រូវបានចេញផ្សាយក្នុងឆ្នាំ ១៩៩៩ ហើយដាក់ដេញថ្លៃនៅ Christie ក្នុងខែវិច្ឆិកា ឆ្នាំ ២០១៨ ។

ម៉្យាងទៀតស្រាវីស្គីមានកម្រិតសារធាតុ ប៉ូលីហ្វីណុល ខ្ពស់ដែលអាចប្រឆាំងអុកស៊ីតកម្មមានមូលដ្ឋានលើរុក្ខជាតិជួយកាត់បន្ថយហានិភ័យនៃជំងឺបេះដូងយ៉ាងមានប្រសិទ្ធភាព ៕

ប្រែសម្រួល ៖ វារី

ចុចអាន ៖ ស្រាវីស្គីដបធំជាងគេបំផុតលើពិភពលោក ដាក់ដេញថ្លៃហើយ