កញ្ជ្រោងខ្មៅដ៏កម្រនៅ អង់គ្លេស ដើររសាត់អណ្ដែតតាមផ្លូវពីរសប្ដាហ៍មានអ្នកជួយសង្គ្រោះហើយ

សេវាកម្ម​សង្គ្រោះ​សត្វ Black Foxes UK ទទួលបានសេចក្ដីរាយការណ៍ជាច្រើនអំពីសត្វកញ្ជ្រោងប្រាក់ ដែលគេបោះបង់ចោលកាលពីថ្ងៃទី០៨ ខែមេសា ប៉ុន្តែគ្មានដំណឹងពីម្ចាស់របស់ពួកវាឡើយ ។

ក្រុមជួយសង្គ្រោះចាប់បានកញ្ជ្រោងខ្មៅមួយក្បាលដោយសុវត្ថិភាពនៅថ្ងៃទី២៤ ខែមេសា និងរកកន្លែងសមរម្យឲ្យវារស់នៅទៀតផង ។

កញ្ជ្រោងខ្មៅដែលចាប់បានគេដាក់ឈ្មោះឲ្យថា ស្យ៉ាដូ (Shadow) វាជាកញ្ជ្រោងឈ្មោលអាយុប្រហែល ២ ឆ្នាំ និងមានសុខភាពល្អធម្មតាគ្រាន់តែឈឺជើងមួយចំហៀងប៉ុណ្ណោះ ។ Black Foxes UK បានសន្និដ្ឋានថា Shadow ធ្លាប់ជាសត្វចិញ្ចឹមជាទីស្រលាញ់របស់មនុស្សហើយទើបវាមិនចេះខ្លាចឬផ្អើលនឹងមនុស្សសោះ ។

ប្រាកដណាស់កញ្ជ្រោងខ្មៅខាងលើមិនមែនរសាត់អណ្ដែតតែម្នាក់ឯងទេ ទើបក្រុមជួយសង្គ្រោះទាមទារឲ្យអ្នកដែលប្រទះឃើញកញ្ជ្រោងដទៃទៀតរាយការណ៍ជាដំណឹងផងដើម្បីសុវត្ថិភាពរបស់សត្វនិងមនុស្ស ៕

ប្រភព ៖ BBC

ចុចអាន ៖ មកដឹងស្ថានភាពក្ងោក ស ដែលមានតែមួយគត់នៅ អង់គ្លេស ក្រោយត្រូវរថយន្តបុក