អ្នកវិទ្យាសាស្ត្ររកឃើញព័ស្តុតាងបញ្ជាក់ថា មនុស្សលើលោកចេះថើបគ្នាតាំងពី ៤,៥០០ ឆ្នាំមុនមកម្ល៉េះ

អ្នកវិទ្យាសាស្ត្រនិយាយថា ពួកគេបានរកឃើញព័ស្តុតាងមនុស្សចាប់ផ្ដើមចេះថើបគ្នាកាលពី ៤៥០០ ឆ្នាំមុនមកម្ល៉េះ ពោលលឿនជាងការប៉ាន់ស្មានរបស់អ្នកវិទ្យាសាស្ត្ររហូតដល់ ១០០០ ឆ្នាំផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្ទាំងធ្វើពីដីឥដ្ឋដែលត្រូវបានគេរកឃើញក្នុងប្រទេសអ៊ីរ៉ាក់ និងស៊ីរីសម័យទំនើបបានបង្ហាញថា ការថើបគ្នាដំបូងបំផុតត្រូវបានមនុស្សអនុវត្តក្នុងសង្គមមីសូប៉ូតាមាន (Mesopotamian) ហើយវាក៏ប្រហែលជាហេតុនាំមានការឆ្លងជំងឺមួយចំនួនពីគ្នាផងដែរ ។

ចំណែកឯអ្នកស្រាវជ្រាវមកពីសាកលវិទ្យាល័យ Copenhagen របស់ប្រទេសដាណឺម៉ាកវិញជឿជាក់ថា ការថើបគ្នាជារឿងពេញនិយមសម្រាប់វប្បធម៌សឹងតែគ្រប់ទីកន្លែង មិនមែនចាប់ផ្ដើមពីទីតាំងជាក់លាក់ណាមួយឡើយ ។ ផ្ទុយគ្នាពីការប៉ាន់ស្មានចុងក្រោយដែលបានមកពីអក្សរបុរាណលើផ្ទាំងដីឥដ្ឋ ក៏បង្ហាញដែរថា ការថើបគ្នាមានដើមកំណើតពីអាស៊ីខាងត្បូងតាំងពី ៣៥០០ ឆ្នាំមុនមកម្ល៉េះ ។

ទន្ទឹមនេះ វេជ្ជបណ្ឌិត Troels Pank Arboll អ្នកជំនាញប្រវត្តិសាស្ត្រនៅសាកលវិទ្យាល័យ Copenhagen បានឲ្យដឹងថា “ផ្ទាំងដីឥដ្ឋរាប់ពាន់ផ្ទាំងដែលបានបន្សល់មកដល់បច្ចុប្បន្ននេះ មានផ្ទុកនូវឧទាហរណ៍ដ៏ច្បាស់លាស់ពីការថើបគ្នាដែលមនុស្សចាត់ទុកថាជាផ្នែកនៃភាពស្រើបស្រាលកាលពីសម័យបុរាណ” ។

ជាចុងក្រោយអ្នកស្រាវជ្រាវបញ្ជាក់ទៀតថា ការថើបគ្នា ក៏ជារបៀបនៃការចម្លងមេរោគទ្រង់ទ្រាយធំផងដែរដូចជា ជំងឺពងបែក HSV-1 និងជំងឺ Bushanu ដែលបង្កដំបៅជុំវិញមាត់ និងបំពង់ក នាសម័យបុរាណ ៕

ប្រភព ៖ Sky News

ចុចអាន ៖ មកស្គាល់អ្នកចម្បាំងស្រីសាហាវៗ ៥ នាក់ ប្រចាំប្រវត្តិសាស្ត្រទូទាំងពិភពលោក