Connect with us

KPT+

ថតជាប់ផេនដាផឿកតែមួយគត់នៅចិន ព្យាយាមទាក់ទងជាមួយគ្រួសាររបស់វាវិញ (មានវីដេអូ)

បានផុស

នៅ

ខ្លាឃ្មុំផេនដាផឿកដែលមានតែមួយគត់លើលោក ត្រូវគេថតជាប់ពេលកំពុងព្យាយាមទាក់ទងផេនដាពីរក្បាលទៀតក្នុងឧទ្យានធម្មជាតិ Wolong នៃខេត្តស៊ីឈ័ន ប្រទេសចិន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងវីដេអូយើងឃើញថា ខ្លាឃ្មុំផេនដាពីរក្បាលជាម្ដាយនិងកូនកំពុងនៅសុខៗ ស្រាប់តែផេនដាផឿកដើរចូលមកយឺតៗទៅកាន់ពួកគេ ។ ផេនដាដែលនៅក្នុងដើមឈើជាកូនរបស់ផេនដាញីព្រោះវាទើបតែមានអាយុប្រហែល ១-២ ឆ្នាំប៉ុណ្ណោះ ចំណែកឯផេនដាផឿកវិញប្រហែលជាកូនបងរបស់វា ដោយសារតែទំហំធំសឹងតែប៉ុនមនុស្សពេញវ័យទៅហើយ ។

បន្ទាប់ពីផេនដាផឿកនៅស្ងៀមនិងសម្លឹងផេនដាក្នុងដើមឈើ ផេនដាជាម្ដាយបែរជាដេញវាឲ្យចេញឆ្ងាយពីគ្នាគួរឲ្យងឿងឆ្ងល់ ។ ដល់ពេលផេនដាទាំងពីរចេញផុត ផេនដាផឿកក៏ត្រឡប់មកហិតកន្លែងនោះតែម្នាក់ឯងយ៉ាងចម្លែក ។

ជាក់ស្ដែងផេនដាដ៏កម្រមួយក្បាលនេះ ត្រូវបានគេរកឃើញជាលើកដំបូងក្នុងខែមេសា ឆ្នាំ ២០១៩ បន្ទាប់ពីកាមេរ៉ាអ៊ីនហ្វ្រារ៉េដថតជាប់វាដើរកាត់តំបន់អភិរក្សធម្មជាតិ ដែលមានកម្ពស់ប្រហែល ២ ពាន់ម៉ែត្រលើនីវ៉ូទឹកសមុទ្រ ពេលនោះគេសន្និដ្ឋានថាផេនផឿកទើបតែមានអាយុយ៉ាងច្រើន ១-២ ឆ្នាំ ជាពិសេសមានតែមួយក្បាលគត់នៅលើពិភពលោក ។

យោងតាម WWF ដែលមានឡូហ្គោរូបផេនដាបានឲ្យដឹងថា បច្ចុប្បន្នខ្លាឃ្មុំផេនដាមាន ១៨៦៤ ក្បាលនៅក្នុងព្រៃ ហើយភាគច្រើនគឺរស់នៅទិសនិរតី ។ ដោយសារតែចំនួនផេនដាស្ទុះងើបឡើងវិញ ក្នុងឆ្នាំ ២០១៧ អង្គការអភិរក្សរាយការណ៍ថា ស្ថានភាពវាបានផ្លាស់ប្តូរពីគ្រោះថ្នាក់ទៅជាងាយរងគ្រោះវិញម្ដង ៕

ប្រែសម្រួល​ ៖ វារី

ចុចអាន ៖ ការសិក្សាថ្មី៖ មឹកចេះយល់សុបិនទាំងល្អនិងអាក្រក់ មិនខុសពីមនុស្ស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម