បុរាណវិទូប៉ូឡូញ រកឃើញ ផ្នូរកប់កូនបិសាចជញ្ជក់ឈាម

អ្នកបុរាណវត្ថុវិទូបានរកឃើញ “សាកសពកូនបិសាចជញ្ជក់ឈាម” អាយុកាល ៤០០ ឆ្នាំ នៅប្រទេសប៉ូឡូញ ប៉ុន្តែបើតាមការសិក្សាសពជារបស់ក្មេងអាយុ ៥-៧ ឆ្នាំប៉ុណ្ណោះ ។

ជាមួយគ្នានេះដែរ សពត្រូវគេចាក់សោកជើង និងដាក់ផ្កាប់មុខនៅក្នុងផ្នូរ ព្រោះមនុស្សជំនាន់នោះជឿថា “អាចការពារកូនខ្មោចមិនឲ្យរស់ឡើងវិញបាន” ។

កាលពីឆ្នាំមុន អ្នកបុរាណវិទូបានរកឃើញសាកសពស្ត្រីម្នាក់ដែលត្រូវគេដោតកណ្ដៀវចំក និងចាក់សោកជើងដូចគ្នា ស្ថិតនៅចម្ងាយ ២ ម៉ែត្រពីផ្នូរកូនក្មេងខាងលើ ។

ក្នុងវាលកប់ខ្មោចដដែល អ្នកស្រាវជ្រាវបានរកឃើញផ្នូរជាង ១០០ ហើយសុទ្ធតែមានរបៀបកប់ដើម្បីការពារការរស់ឡើងវិញនៃបិសាចជញ្ជក់ឈាម ។

អ្នកដឹកនាំប៉ាន់ស្មាន កាលនៅរស់ពួកគេប្រហែលជាមានជំងឺអ្វីម្យ៉ាងបណ្ដាលឲ្យរាងកាយប្រែប្រួល ឬអាកប្បកិរិយាមិនប្រក្រតី ទើបធ្វើឲ្យអ្នកស្រុកភ័យខ្លាចថាជាបិសាចជញ្ជក់ឈាម ហើយសម្លាប់ចោលតែម្ដង ។

យ៉ាងណាមិញការសម្លាប់ដោយសារបិសាចជញ្ជក់ឈាមនាសម័យមុនបានចាប់ផ្ដើមពីក្រុមគ្រួសាររបស់ពួកគេ បន្ទាប់មកអ្នកជិតខាង និងភូមិបន្ទាប់ បើតាមវិទ្យាសាស្ត្រសម័យទំនើបវាជាការឆ្លងជំងឺទេ ៕

ប្រែសម្រួល៖ វារី

ប្រភព៖ Insider

ចុចអាន៖ បុរាណវិទូប៉ូឡូញ អះអាង រកឃើញផ្នូរកប់បិសាចជញ្ជក់ឈាម ជាង៤០០នាក់