ព័ត៌មានអន្ដរជាតិ
បុរាណវិទូប៉ូឡូញ អះអាង រកឃើញផ្នូរកប់បិសាចជញ្ជក់ឈាម ជាង៤០០នាក់
ផ្នូរដ៏ធំ ដែលមានកប់នូវអ្វីដែលគេសន្មត់ថាជា បិសាចជញ្ជក់ឈាមជាង៤០០នាក់ ត្រូវបានរកឃើញក្នុងអំឡុង ការឈូសឆាយធ្វើផ្លូវនៅប្រទេសប៉ូឡូញ។

ចំពោះការរកឃើញនៅភូមិ Luzino ភាគឦសានប្រទេស, គេមានឃើញគ្រោងឆ្អឹងមួយចំនួនក្នុងចំណោម៤៥០ ត្រូវបានកាត់ក្បាល ហើយលលាដ៍របស់ពួកគេ បានដាក់នៅចន្លោះជើង និងកាក់មួយដាក់នៅក្នុងមាត់ទៀតផង។
ការអនុវត្តបែបនេះគឺជារឿងធម្មតាសម្រាប់តំបន់នេះ ក្នុងអំឡុងសតវត្សរ៍ទី១៩ ពាក់ព័ន្ធនឹងជំនឿថា ដើម្បីលុបបំបាត់បណ្តាសាបិសាច។


បុរាណវិទូឈ្មោះ Maciej Stromski បាននិយាយថា “យើងបានរកឃើញឧទាហរណ៍នៃជំនឿដែលថា អ្នកស្លាប់នឹងងើបចេញពីផ្នូរ ប៉ុន្តែគេអាចបញ្ឈប់បាន ដោយការកាត់ក្បាល។ គេជឿថា ប្រសិនបើក្រោយពិធីបុណ្យសព ហើយភ្លាមៗមានសមាជិកគ្រួសាររបស់អ្នក ត្រូវស្លាប់បន្តទៀតនោះ គាត់ឬនាងអាចក្លាយជាបិសាចជញ្ជក់ឈាម”។

បុរាណវិទូខាងលើបន្តថា “ដូច្នេះ ក្រោយពីបញ្ចុះសពរួច គេត្រូវជីកផ្នូរ ហើយកាត់ក្បាលអ្នកស្លាប់ ទៅដាក់នៅចន្លោះជើង”។ លោកបន្ថែមថា ប្រហែល៣០%ក្នុងចំណោមផ្នូរដែលប្រទះឃើញ អ្នកស្រាវជ្រាវក៏បានរកឃើញឥដ្ឋ ដាក់នៅជាប់ជើង ដៃ និងក្បាលរបស់គ្រោងឆ្អឹងផងដែរ។
ទោះបីជាយ៉ាងណាក៏ដោយ នេះគឺជាគ្រាន់តែជាការសន្មត់របស់បុរាណវិទូប៉ុណ្ណោះ ហើយការពិតដែលថា បិសាចជញ្ជក់ឈាម មានជាមែននោះ គឺគេមិនដឹងច្បាស់ឡើយ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ទាំងនេះជាប្រភេទខ្មោច-បិសាច ល្បីៗដែលគេនិយមក្នុងពិធីបុណ្យ Halloween

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ