KPT+
ការស្គាល់ខ្លួនឯងច្បាស់នាំឱ្យសុខដុមភាពកើតមានក្នុងសង្គមខ្មែរ
ចូរស្គាល់ខ្លួនឯងឬការស្គាល់ខ្លួនឯង គឺជាសុភាសិតដ៏ល្បីល្បាញបំផុតមួយដែលត្រូវបានគេចារលើសិលាចារឹកមួយនៅក្នុងប្រទេសក្រិកបុរាណសម័យ។ សុភាសិតនេះ ត្រូវបានដកស្រង់និងវិភាគដោយអ្នកនិពន្ធជាច្រើនក្នុងប្រវត្តិសាស្ត្រ ហើយត្រូវបានគេផ្តល់ការអះអាងផ្សេងៗគ្នាជាច្រើន។
ទោះបីជាយ៉ាងនេះក៏ដោយ ក៏គេសន្មតថា សុភាសិតនេះ គឺជាលក្ខណៈសម្បត្តិរបស់វិញ្ញុជនទាំង៧នាក់(Seven Sages) ឬជនដែលមានគតិបណ្ឌិតទាំង៧នាក់ (Seven Wise Men)នៃប្រទេសក្រិច ពោលគឺ វាជាគោរមងារដែលត្រូវបានផ្តល់ឱ្យដោយប្រពៃណីក្រិកបុរាណជូនចំពោះទស្សនវិទូទាំង៧នាក់ ដែលជារដ្ឋបុរសនិងជាអ្នកបង្កើតច្បាប់នៃសតវត្សទី៧-៦ មុនគ.ស. ដែលល្បីល្បាញពីព្រោះតែគតិបណ្ឌិតរបស់ពួកគេ ហើយសុភាសិតនេះក៏អាចសំដៅលក្ខណៈសម្បត្តិផ្ទាល់របស់អាទិទេពអាប៉ូឡូ(Apollo)ដែរ។
អត្ថន័យសំខាន់នៃឃ្លានៅក្នុងអំណះអំណាងដើមរបស់សុភាសិតនេះ គឺ«ការដឹងពីដែនកំណត់របស់ខ្លួន» ពោលគឺ សំដៅដល់ ទាំងក្នុងអត្ថន័យនៃការដឹងពីទំហំនៃសមត្ថភាពរបស់មនុស្សម្នាក់ៗ ទាំងការស្គាល់ទីតាំងរបស់មនុស្សម្នាក់ៗនៅក្នុងច្បាប់សង្គម ឬការដឹងថាខ្លួនឯងជាមនុស្សរមែងស្លាប់។ ទោះបីជាយ៉ាងណាក៏ដោយ ក៏នៅសតវត្សទី៤មុនគ.ស. សុភាសិតនេះ ត្រូវបានបកស្រាយឡើងវិញដោយ ប្លាតុង ដែលគាត់យល់ថា វាមានន័យយ៉ាងទូលំទូលាយ ដែលសំដៅដល់ «ការស្គាល់ព្រលឹងរបស់ខ្លួន»។
នៅក្នុងស្នាដៃក្រោយៗមកស្ដីអំពីប្រធានបទនេះ មានប្រធានបទទូទៅមួយដែលអះអាងថា មនុស្សម្នាក់ៗអាចទទួលបានចំណេះដឹងអំពីខ្លួនឯងតាមរយ:ការសិក្សាអំពីចក្រវាល ឬការទទួលបានចំណេះដឹងអំពីចក្រវាលតាមរយៈការសិក្សាអំពីខ្លួនឯង។ លក្ខណៈនេះត្រូវបានពន្យល់ជាញឹកញាប់នៅក្នុងក្របខណ្ឌនៃការប្រៀបធៀបរវាងអតិសុខុមលោកនិងពិភពលោកទាំងមូល ពោលគឺជាគំនិតមួយដែលថា ភាវៈមនុស្សមានលក្ខណៈស្រដៀងគ្នាខាងរចនាសម្ព័ន្ធទៅនឹងចក្រវាល។ ប្រធានបទមួយទៀត ដែលអាចតាមដានត្រឡប់ទៅរកស្នាដៃមួយមានចំណងជើងថា «Platonic Alcibiades I» ដែលអះអាងថា មនុស្សម្នាក់អាចស្គាល់ខ្លួនឯងបានតែតាមរយ:ការសង្កេតមើលមនុស្សផ្សេងទៀតែបុណ្ណោះ។
ក្នុងអំឡុងសតវត្សទី១៩ និងទី២០ សុភាសិតនេះ ទទួលបានទំនាក់ទំនងថ្មីៗមួយចំនួនទៀត។ វាត្រូវបានដកស្រង់ជាញឹកញាប់នៅក្នុងទស្សនវិជ្ជានិងអក្សរសិល្ប៍អាល្លឺម៉ង់ ដោយអ្នកនិពន្ធនានា ដូចជា អ៊ីម៉ានុយអែល ខាន់ (Immaneul Kant), ហេហ្គែល (Hegel) និង យ៉ូហាន វ៉ុលហ្គែង វ៉ាន់ ហ្គឺថា (Johann Wolfgang von Goethe)។
ជារួម ក្នុងសម័យបច្ចុប្បន្ន សុភាសិត «ចូរស្គាល់ខ្លួនឯងឬការស្គាល់ខ្លួនឯង» ត្រូវបានគេប្រើក្នុងន័យជាច្រើន ដូចជា ការស្គាល់ដែលគំណត់ កំហុស ផលនៃទង្វើ សមត្ថភាព ធានធាន ចំណុចខ្លាំង ចំណុចខ្សោយរបស់ខ្លួន។ លើសពីនេះ ក៏សំដៅដល់ការស្គាល់អំពីតួនាទី ភារកិច្ច កាតព្វកិច្ច ការទទួលខុសត្រូវ របស់ខ្លួន ដែរ។
ឧទាហរណ៍ ក្នុងនាមជាប្ដី ប្រពន្ធ គ្រូបង្រៀន សិស្ស និស្សិត អ្នកបើកបរ អាជីវករ ពាណិជ្ជករ នគរបាល ទាហាន មេធាវី ចៅក្រម ព្រះរាជអាជ្ញា រដ្ឋមន្ត្រី ព្រះសង្ឃ ជាដើម តើអ្វីត្រូវធ្វើនិងអ្វីដែលមិនត្រូវធ្វើ តើអ្វីដែលគួរធ្វើនិងអ្វីដែលមិនគួរធ្វើ? តើអ្វីជាតួនាទី ភារកិច្ច កាតព្វកិច្ច ការទទួលខុសត្រូវ របស់ខ្លួន? ក្នុងក្របខណ្ឌរដ្ឋតើអ្នកដឹងនាំនិងប្រជាពលរដម្នាក់ៗ ត្រូវធ្វើអ្វីខ្លះនិងមិនត្រូវធ្វើអ្វីខ្លះ? តើអ្វីដែលគួរធ្វើនិងអ្វីដែលមិនគួរធ្វើ? តើអ្វីជាតួនាទី ភារកិច្ច កាតព្វកិច្ច ការទទួលខុសត្រូវ របស់ខ្លួន?
ប្រសិនបើ សមាសភាពនីមួយៗនៅក្នុងសង្គមខ្មែរ ស្គាល់ខ្លួនឯងច្បាស់ ដូចដែលបានរៀបរាប់ខាងនេះ នោះសង្គមខ្មែរនឹងមិនមានបញ្ហាស្មុគស្មាញដូចដែលយើងឃើញបច្ចុប្បន្ននេះទេ។ តាមរយៈតថភាពសង្គមដែលយើងបានឃើញបច្ចុប្បន្ន ទាំងក្នុងការបំពេញការងាររដ្ឋ ការងារក្នុងវិស័យឯកជន វិស័យសង្គមស៊ីវិល ទាំងការរស់នៅក្នុងគ្រួសារ និងបទល្មើសផ្សេងៗ ដូចជា បទល្មើសក្នុងវិស័យពាណិជ្ជកម្ម ការរំលោភដីធ្លី ចរាចរណ៍ ការជួញដូរគ្រឿងញៀន ការកាប់បំផ្លាញព្រៃឈើ ការនេសាទខុសច្បាប់ ការប្រើប្រាស់អំពើហិង្សា ជាដើម សុទ្ធសឹងកើតឡើងពីការមិនស្គាល់ខ្លួនឯងច្បាស់នេះឯង។ ជាពិសេស មិនដឹងថាអ្វីត្រូវ អ្វីខុស អ្វីគួរធ្វើ អ្វីមិនគួរធ្វើ។
ជារួម ការស្គាល់ខ្លួនឯងច្បាស់ ផ្ដល់ផលប្រយោជន៍ជាច្រើនដល់បុគ្គល គ្រួសារ ស្ថាប័ន និងសង្គមទាំងមូល ដូចជា ជួយធ្វើឱ្យបុគ្គលឬក្រុមមនុស្ស
-មានសីលធម៌ចំពោះខ្លួនឯងនិងសង្គម
-បង្កើនសមត្ថភាពអភិវឌ្ឍខ្លួននិងសង្គមហើយអាចរស់នៅបានសុខស្រួល
-មានវឌ្ឍនភាពនិងយុត្តិធម៌សង្គម
-ចេះធ្វើជាម្ចាស់លើខ្លួនឯង
-ចេះប្រមាណ គឺមិនមានអំនួតពេកឬបន្ថោកខ្លួនឯងពេក
-មិនចង់បានអ្វីហួសពីសមត្ថភាពដែលខ្លួនអាចធ្វើបាន
-ចេះយកសមត្ថភាពផ្ទាល់ខ្លួនទៅអភិវឌ្ឍសង្គមជាតិ
-មានសណ្តាប់ធ្នាប់សង្គម របៀបរបបល្អ មានតម្លាភាព យុត្តិធម៌ ចេះគោរពសិទ្ធិគ្នាទៅវិញទៅមក៕
ដោយ៖ បណ្ឌិត ឈត ប៊ុនថង អ្នកជំនាញទស្សនវិជ្ជា និងកិច្ចការសង្គមនៃរាជបណ្ឌិត្យសភាកម្ពុជា
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»