សុភាសិត អង់គ្លេស ដាស់តឿនជីវិតពិតរស់នៅក្នុងសង្គម

សុភាសិតអង់គ្លេសជាច្រើនបានឆ្លុះបញ្ចាំងនូវទិដ្ឋភាពពិតក្នុងការរស់នៅ និងបទពិសោធជាសង្ខេបក្នុងអត្ថន័យសាមញ្ញខ្លីងាយយល់ ដូច្នេះប្រិយមិត្តអាចស្វែងយល់បានតាមរយៈសម្រង់សុភាសិតអង់គ្លេសមួយចំនួនដូចខាងក្រោមនេះ៖

១. No man is an island. មានន័យថា ៖ មនុស្សមិនអាចរស់នៅដោយឯកោដូចកោះបានទេ។

២. One man’s trash is another man’s treasure. មានន័យថា ៖ ជួនកាលសំរាមរបស់មនុស្សម្នាក់ជាទ្រព្យរបស់មនុស្សម្នាក់ទៀត ។

៣. Nothing ventured, nothing gained មានន័យថា ៖ បើមិនហ៊ានចំណាយ ម្តេចឡើយនឹងបានផលចំណេញ ។

៤. Only real friends will tell you when your face is dirty. មានន័យថា ៖ មានតែមិត្តពិតប្រាកដទេទើបជួយប្រាប់ថាមុខយើងប្រឡាក់ត្រង់ណា ។

៥. Spare the rod and spoil the child. មានន័យថា ៖ មិនប្រដៅកូនខូច ធ្វើឲ្យខូចកូន ។

៦. The early bird catches the worm. មានន័យថា ៖ អ្នកណារហ័សរហួនស្រវាស្រទេញនឹងការងារ អ្នកនោះនឹងទទួលបានឱកាសល្អច្រើន។

៧. The first step is the hardest. មានន័យថា ៖ ជំហានដំបូងបំផុតច្រើនជារឿងពិបាកបំផុត។

៨. The mouse that has but one hole is quickly taken. មានន័យថា ៖ ធ្វើអ្វីកុំពឹងតែមួយច្រកត្រូវចេះរកផ្លូវដោះស្រាយទុកជាមុន។

៩. The tongue wounds more than a lance. មានន័យថា ៖ ពាក្យប្រមាថអាចធ្វើឲ្យមនុស្សឈឺចាប់ជាងការវាយប្រហារលើរូបកាយ។

១០. Waste not, want not. មានន័យថា ៖ ចេះសន្សំទុកដាក់ មិនពិបាកដើររក។

១១. What a man says drunk, he thinks sober. មានន័យថា៖ ពាក្យមនុស្សស្រវឹងតែងស្តែងការពិតដែលមាននៅក្នុងចិត្ត។

១២. Worry often gives a small thing a big shadow. មានន័យថា ៖ អ្នកមានកង្វល់តែងយល់រឿងតូចជារឿងធំ ៕

ដោយ៖ មាន រតនា