កុំកសាងជញ្ជាំងក្នុងបេះដូង រារាំងខ្លួនឯងពីពិភពលោកនេះ

ជំងឺធ្លាក់ទឹកចិត្តអាចជាភាពឯកោនិងមានសភាព​កាចសាហាវមិនគួរឱ្យជឿទេ។

មនុស្ស​ជាច្រើន​កំពុង​តស៊ូជាមួយ​ការឯកានៃផ្នត់គំនិត​ការមិនដឹងថាខ្លួនឯងចង់បានអ្វី ឬកំពុងសោកសៅព្រោះរឿងអ្វី។

កុំចុះចាញ់ កុំធុញទ្រាន់។

អារម្មណ៍​កង្វះអត្ថន័យនៅក្នុងជីវិតរបស់យើង ​អាចនឹងបាត់ទៅវិញបានពិតមែន ប្រសិន​បើយើង​មានឆន្ទៈយកឈ្នះ​វា។ រោគសញ្ញាទាំងអស់នេះ ត្រូវការ​សេចក្តីក្លាហានក្នុងការ​ប្រឈមមុខ​ ផ្លាស់ប្តូរ និងចាប់យករបស់ថ្មីៗមកក្នុងជីវិត​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីបញ្ឆេះផ្កាភ្លើងថ្មី ដែលនឹងមានពន្លឺគ្រាន់​ចូលមក​បំភ្លឺជីវិតយើងឱ្យកាន់តែមានអត្ថន័យ ស៊ីជម្រៅ ជក់ចិត្ត ទូលំទូលាយនិងបំពេញបានលទ្ធផល​ច្រើនជាងអ្វីដែលធ្លាប់មាន ធ្វើរឿងមួយភ្លាម​គឺផ្តួលរំលំជញ្ជាំងទាំងបួននេះ​ចេញពីបេះដូងយើង៖

១. ជញ្ជំាង​ដែលធ្លាប់តែរឹង មិនហ៊ាន​ទទួលយកការផ្លាស់ប្តូរ

ពេលខ្លះការចាប់ផ្តើមមានន័យថា ទទួលយកថា យើងនេះលែងជាមនុស្សដែលគេធ្លាប់ឃើញ ធ្លាប់ស្គាល់កន្លងមកនោះ​ ទៀតហើយ។ កុំទាក់ទាញបាន​ដោយវត្ថុឬមនុស្សដដែលៗ ! លែងត្រូវបានជំរុញទឹកចិត្ត​ដោយគោលដៅតែមួយ។ លែង​បន្ទោសខ្លួន ព្រោះ​យើង​ស្គាល់ជីវិតច្បាស់ វាស្ថិតក្នុងកណ្តាប់ដៃយើង។

២. ជញ្ជំាង​ដែលធ្លាប់តែរារាំងយើងឱ្យទ័លច្រក

គ្រាន់តែចាកចេញមិនស្លាប់ទេ។ ឈប់ពីការងារគួរឱ្យធុញទ្រាន់ បំភ្លេច​ទំនាក់ទំនងស្នេហា​មិនស្មើភាព បំភ្លេច​សត្រូវនិងទំនាស់ ការ​រំលោភបំពានកាលពី​អតីតកាល ចាប់យកអ្វីដែលយើងមិនធ្លាប់ស្គាល់វិញ។ ជំហានដំបូងត្រូវតែថ្មី ហើយ​សស្អាត បានទេ? រាល់ការធ្វើដំណើរចាប់ផ្តើមត្រឹមតែមួយជំហានទីមួយ​នេះឯង បោះបង់ចោលអារម្មណ៍​ថា ធ្លាប់​ជាប់ទាក់ទងនឹងនរណាម្នាក់ដែលធ្វើឱ្យកម្លាំងចិត្តនិងតម្លៃយើង​ធ្លាក់ចុះ។

៣. ជញ្ជាំង​ដែលធ្លាប់តែ​បាំងភ្នែកយើងមិនឱ្យឃើញមនុស្សថ្មី

ជាញឹកញាប់យើងច្រានចោលមនុស្ស​ថ្មីល្អៗ ​ព្រោះមាន​បទពិសោធន៍​នឹងមនុស្សមិនល្អ។ ដោយមិនដឹងខ្លួន យើង​បណ្តោយ​ឱ្យអ្នកដែលធ្លាប់ធ្វើឱ្យយើងឈឺចាប់ មកកាត់ផ្តាច់ភាពរួសរាយ​រាក់ទាក់របស់យើង ទៅនឹង​សង្គម​ថ្មី កុំធ្វើដូចច្នេះ ព្រោះយើង​ជាអ្នកខាតបង់។

៤. ជញ្ជាំងដែលធ្លាប់តែសង្កត់ឱ្យយើង​មាក់ងាយខ្លួនឯង

ទទួលយកបរាជ័យនិងជ័យជម្នះជារឿងធម្មតានៃជីវិតមនុស្ស​។ រឿង​កន្លងមករបស់យើងទុកជាមេរៀន។ ​អ្នកណាក៏មាន​អតីតកាលដែរ។  ទទួលយករាល់កំហុសពីមុនបង្កើតការសម្រេចចិត្តដ៏អស្ចារ្យទៅអនាគត។ អតីតកាលច្នៃប្រឌិតអនាគតកាល។ ក្រឡេកមើលវាហើយស់ចលេង​ហួសចិត្ត​ចុះ គ្រប់គ្នា​សុទ្ធតែធ្លាប់ជាកូនក្មេង យើងធ្លាប់មានកំហុស!

ប្រែសម្រួល៖ ស្រស់

ចុចអាន៖ សមាធិពេលព្រឹកមានប្រសិទ្ធភាពជាងកាហ្វេ ហើយជួយពេញមួយថ្ងៃ

ចុចអាន៖ ច្បាប់សម្រាប់ជីវិតជោគជ័យ មានមនុស្សភាគច្រើនបានដឹង តែមិនសូវអើពើ