ស្វាមីដែលធ្វើឱ្យភរិយាក្លាយជាមនុស្សស្រីមានសំណាងបំផុត
Connect with us
Helistar Cambodia - Helicopter Charter Services

KPT+

ស្វាមីដែលធ្វើឱ្យភរិយាក្លាយជាមនុស្សស្រីមានសំណាងដោយមិនចាំបាច់មានលុយកាក់ច្រើន

Published

on

ដើម្បីឲ្យជីវិតអាពាហ៍ពិពាហ៍មួយដើរទៅមុខបាន ពេញដោយសុភមង្គល និងនៅគង់វង្សបានយូររហូតដល់ចាស់កោងខ្នង ប្ដីប្រពន្ធត្រូវចេះយោគយល់គ្នា ស្មោះត្រង់ លះបង់ ព្រមទាំងបំពេញតម្រូវការឲ្យគ្នាទៅវិញទៅមក។ ភរិយាត្រូវចេះយល់ចិត្តស្វាមី ហើយស្វាមីក៏ត្រូវយល់នាងវិញដូចគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្មានចំណុចនេះ ជាតម្រូវការរបស់ប្រពន្ធដែលស្វាមីរាល់គ្នាគួរស្វែងយល់៖

ប្រាប់នាងថា “បងស្រលាញ់អូន”

ស្ត្រីគ្រប់រូបរមែងចង់ឲ្យដៃគូរបស់ខ្លួនបញ្ជាក់ពីស្នេហ៍ស្មោះអស់ពីចិត្តដោយស្ដាប់មិនចេះធុញទ្រាន់។  នាងតែងតែចង់ឭស្វាមីពោលពាក្យ “បងស្រលាញ់អូន” ព្រោះវាធ្វើឲ្យនាងមានអារម្មណ៍ស្រស់​ស្រាយពោពេញដោយភាពកក់ក្តៅ បើទោះបីមិននិយាយរាល់ថ្ងៃក៏ដោយចុះ។ ប្រហែលជាបុរសយល់ថា រៀបការរួច មានទាំងកូនទៀត តើនៅនិយាយពាក្យនេះដូចកាលជាសង្សារធ្វើអី? ការពិត នរណាៗក៏ចូលចិត្តពាក្យផ្អែមពិរោះដែរ កុំទៅឆ្ងល់ បើភរិយាចង់ឮវាពីមាត់ប្ដីនោះ។

អធ្យាស្រ័យឲ្យនាង

ធម្មតានោះទេ គូស្នេហ៍គ្រប់គូ សុទ្ធតែអាចធ្វើខុស។ ដូចគ្នាដែរ ស្ត្រីជាប្រពន្ធប្រាកដនឹងសាងកំហុសដោយប្រការណាមួយជាក់ជាពុំខាន ព្រោះគ្មាននរណាម្នាក់លើផែនដីនេះល្អគ្រប់ដប់ឡើយ។ ហេតុនេះ មានតែការយោគយល់ និងអធ្យាស្រ័យពីស្វាមីប៉ុណ្ណោះ ទើបធ្វើឲ្យចំណងអាពាហ៍ពិពាហ៍បន្តដំណើរទៅមុខទៀត ហើយក៏ជាអ្វីដែលភរិយារាល់គ្នាចង់បានពីប្ដីខ្លួន។

មានពេលវេលាឲ្យនាង

បុរសភាគច្រើនជាមេគ្រួសារ ត្រូវមានបន្ទុករកប្រាក់ផ្គត់ផ្គង់សមាជិកក្នុងផ្ទះ ដែលមានការងាររវល់ជាច្រើនត្រូវបំពេញ ដោយពេលខ្លះទៅដល់ផ្ទះយប់ជ្រៅក៏មាន។ យ៉ាងណាភរិយាក៏មានការងាររបស់នាង ឬធ្វើការងារផ្ទះដ៏មមាញឹកដូចគ្នាដែរ។ ដូច្នេះ ស្វាមីទាំងឡាយគួរឆ្លៀតពេលតាមដែលអាចធ្វើទៅបានជាមួយប្រពន្ធក៏ដូចជាកូនៗ ដើម្បីផ្តល់ភាពកក់ក្តៅឲ្យគ្នា។ ប្រពន្ធមិនត្រឹមតែជាម្តាយកូនៗរបស់អ្នកប៉ុណ្ណោះទេ តែក៏ជាភរិយាដែលសក្តិសមទទួលនូវពេលវេលាមើលថែរបស់អ្នកអស់ពីចិត្តពីថ្លើមដែរ។

ចេះជួយការងារគ្នា

ជាប្រពន្ធ ច្បាស់ណាស់ថា ការងារផ្ទះ មើលកូន បោកខោអាវ​ ធ្វើម្ហូបជាដើមជាបន្ទុករបស់នាង។ ប៉ុន្តែនាងក៏ចេះហត់ ចង់សម្រាកខ្លះដែរ។ ជាស្វាមីល្អគួរចេះដឹងសុខទុក្ខនាង ដោយកុំមើលបំណាំគ្នា ឬទម្លាក់បន្ទុកការងារកំប៉ិកកំប៉ុកក្នុងផ្ទះ និងការមើលថែទូន្មានកូនៗ ទុកឲ្យភរិយាជាអ្នករ៉ាប់រងតែឯងឲ្យសោះ។ អ្នកគួរគប្បីជួយធ្វើការកិច្ចការទាំងអស់នេះខ្លះ ដើម្បីឲ្យនាងបានទំនេរដៃទំនេរជើងមើលថែខ្លួននាងខ្លះផង។

ភាពចាស់ទុំ និងទទួលខុសត្រូវ

ទោះបីអ្នកទាំងពីរបានឆ្លងផុតដំណាក់កាលគូសង្សារ ឈានចូលដល់ជីវិតជាប្តីប្រពន្ធហើយក្ដី ក៏ភរិយានៅត្រូវការភាពអត់ធ្មត់ ចិត្តធ្ងន់ ក្នុងភាពចាស់ទុំរបស់ស្វាមីដែរ។  រីឯការទទួលខុសត្រូវក្នុងនាមជាប្ដីស្មោះត្រង់ ឪពុកគម្រូ និងមេគ្រួសារល្អក៏ជាគន្លឹះដែលនាំឲ្យជីវិតគូឈានទៅរកភាពជោគជ័យត្រចះត្រចង់៕

ប្រែសម្រួល៖ សន្យា

ប្រភព៖ THECONVERSATION

ចុចអាន៖ ក្រោយក្លាយជាប្ដីប្រពន្ធនឹងគ្នា មានទម្លាប់ខ្លះគួរឈប់ធ្វើដើម្បីគ្រួសារមានសុភមង្គល

ចុចអាន៖ មេរៀន​មួយ​ចំនួន​ដែល​ឪពុកម្ដាយ​ គួរតែ​ឆ្លៀត​បង្រៀន​កូន​អំពី​ប្រាក់

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ19 mins ago

រដ្ឋបាល​ខេត្តកណ្តាល​សម្រេច​ផ្អាក​ការលក់​គ្រឿង​ស្រវឹង​គ្រប់​ប្រភេទ​ជា​បណ្ដោះអាសន្ន​

ព័ត៌មានជាតិ1 hour ago

អភិបាល​ខេត្ត​ព្រៃវែង​ ចាត់​វិធានការ​ក្តៅ​ ក្រោយ​រក​ឃើញ​អ្នកវិជ្ជមាន​កូវីដ១៩ ចំនួន​៦នាក់​លួច​ចូល​ខេត្ត​

ព័ត៌មានជាតិ1 hour ago

​រដ្ឋបាល​រាជធានីភ្នំពេញ បង្ហាញ​អត្តសញ្ញាណ​អ្នកវិជ្ជមាន​កូវីដ១៩ ចំនួន១៩៨រូប ដើម្បី​ឲ្យ​អ្នកពាក់ព័ន្ធ​រួសរាន់​យក​សំណាក​ទៅធ្វើតេស្ត

ជីវិតកម្សាន្ដ2 hours ago

ចំណងស្នេហា​៤​ឆ្នាំ​របស់ វ៉ាន់ នី​ឡា មិន​ប្រែ​ព្រួល ទោះ​រង​ការ​សើចចំអក​ពី​អ្នកដទៃ​

ព័ត៌មានជាតិ3 hours ago

លោក គឹម សន្តិភាព ៖ អ្នក​ល្មើស​វិធានការ ហាមឃាត់​ការធ្វើដំណើរ ត្រូវ​ផ្ដន្ទាទោស​ពី ៣​ឆ្នាំ ទៅ​៥​ឆ្នាំ ឬ​ធ្ងន់​ជាង​នេះ

Sokha Hotels

ព័ត៌មានពេញនិយម

Helistar Cambodia - Helicopter Charter Services