KPT+

ចៅហ្វាយរូបណាដែលនិយាយពាក្យទាំងនេះ មិនទាន់សក្ដិសមនឹងតួនាទីនៅឡើយ

បានផុស

៥ years មុន

នៅ

ថ្ងៃសុក្រ ៥ មីនា ២០២១

ដោយ

«ខ្ញុំហត់នឹងរឿងកំប៉ិកកំប៉ុកអស់ហ្នឹងណាស់!»« ខ្ញុំគ្មានពេលសម្រាប់រឿងល្អិតល្អោចអស់ហ្នឹងទេ!»
ពេលខ្លះសូម្បីតែអ្នកគ្រប់គ្រងល្អបំផុត ក៏អស់ទឹកចិត្តបាន ចូរចងចាំថា អ្នកអាចប្រាប់ថាហត់នឿយ តែអ្នកកុំត្អូញត្អែរ បន្ទោសបង្អាប់ ឲ្យសោះ។ បើអ្នកមិនទាន់ត្រៀមលក្ខណៈ អ្នកកុំទាន់ចង់ដឹកនាំ ឬគ្រប់គ្រងអ្នកដទៃ។

ចុះនិយាយបែបណាវិញ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅគ្រប់ពេលវេលានៃជីវិតមេដឹកនាំម្នាក់ៗ គេត្រូវចំណាយជាមួយ ពេលវេលានៃការច្នៃប្រឌិត បង្កើតទំនុកចិត្តនិងដើម្បីលើកទឹកចិត្តបុគ្គលិក។ នេះគឺជាបច្ចេកទេសលើកទឹកចិត្ត មួយចំនួនដែលអ្នកអាចសាកល្បងជាមួយនិយោជិករបស់អ្នក៖

១ ឲ្យពួកគេដឹងថា អ្នកទុកចិត្តពួកគេ

បើឲ្យពួកគេទទួលអារម្មណ៍ថាអ្នកទុកចិត្តនិលើពួកគេ ការបំពេញការងារនិងអាចរួចឆាប់ជាងការគិត។ ទំនុកចិត្តអាចដើរបានយូរជាងពាក្យបញ្ជោរ ហើយពួកគេកម្រនឹងធ្វើឲ្យអ្នកខកចិត្ត។ តួនាទីអ្នកគឺ បង្កើតគោលដៅតូចៗ ដើម្បីរក្សាមនុស្សឲ្យសកម្មហើយទទួលបានលទ្ធផលជានិច្ច។កុំបង្កើតការស្រមៃដែលធំពេកបានត្រឹមនិយាយ មិនឃើញស្រមោលអ្វី។ពួកគេចង់ឃើញថា គោលដៅរបស់អ្នក គឺប្រាកដនិយមហើយមនុស្សគ្រប់គ្នា ទទួលបានអត្ថប្រយោជន៍ពីការខិតខំ ឃើញពិតៗនឹងភ្នែក។

២ ស្តាប់ក្តីស្រមៃ

លើកទឹកចិត្តបុគ្គលិកដោយចង់ដឹងនិងយកចិត្តទុកដាក់ពីគោលបំណងដល់ពួកគេ។ ពេលយល់ពីចក្ខុវិស័យជីវិតម្នាក់ៗ យើងអាចបញ្ចូលលទ្ធផលនៃទស្សនវិស័យក្រុមហ៊ុន ត្រូវរ៉ូវជាមួយការស្រមៃទំាងនោះ ដែលកាន់តែជុំរុញប្រតិបត្តិបានកាន់តែខ្លាំងក្លាថែមទៀត។

៣ លើកកម្ពស់តម្លាភាព

ចូរបើកចំហជាមួយនិយោជិកអំពីអ្វីដែលកំពុងកើតឡើង ហើយមនុស្សគ្រប់គ្នាមានឱកាសសួរសំណួរនិងផ្តល់យោបល់។ បុគ្គលិកនឹងមានអារម្មណ៍ថា បានរួមបញ្ចូលនៅក្នុងការសម្រេចចិត្តធំ ៗ និងប្តេជ្ញាចិត្តចំពោះទិសដៅដែលក្រុមហ៊ុន ដែលប្រការនេះបានជួយទ្រទ្រង់ការលើកទឹកចិត្តនិងបង្កើនភាពស្មោះត្រង់និងមោទនភាពចំពោះក្រុមហ៊ុន ក្នុងបេះដូងខ្យល់ដង្ហើមរបស់ពួកគេ ។

៤ កុំត្អូញត្អែរ

រអ៊ូរទំាត្អូញត្អែរ ដង្ហើមធំ ជារោគសញ្ញានៃវិបត្តិផ្លូវចិត្ត។ បើទឹកចិត្តអ្នកមិនទាន់ភ្លឺស្វាង កុំទាន់ចង់មកគ្រប់គ្រងអ្នកដទៃ វាគ្មានអ្វីក្រៅតែអំពីចម្លងជម្ងឺនេះដល់ក្រុមទំាងមូលតែម្តង៕

ប្រែសម្រួល៖ស្រស់