ព័ត៌មានជាតិ

ព្រះមហាក្សត្រយាងនិវត្តន៍មកដល់កម្ពុជាវិញនៅរសៀលថ្ងៃទី១២ ខែតុលា

បានផុស

៩ ខែ មុន

នៅ

ថ្ងៃអាទិត្យ ១២ តុលា ២០២៥

ដោយ

ព្រះមហាក្សត្រកម្ពុជា សម្ដេចព្រះបរមនាថ នរោត្តម សីហមុនី និងព្រះវររាជមាតាសម្ដេចព្រះមហាក្សត្រី នរោត្តម មុនិនាថ សីហនុ ស្ដេចយាងត្រលប់មកដល់មាតុភូមិវិញហើយនៅរសៀលថ្ងៃទី១២ ខែតុលា ឆ្នាំ២០២៥នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះទីនាំងយន្តហោះពិសេសនៃរាជរដ្ឋាភិបាលកម្ពុជាបានថ្វាយដំណើរព្រះមហាក្សត្របានចុះចតនៅព្រលានយន្តហោះអន្តរជាតិតេជោនៅម៉ោងប្រមាណ៤រសៀលថ្ងៃអាទិត្យនេះដោយមានវត្តមានមន្ត្រីជាន់ខ្ពស់រាជរដ្ឋាភិបាលជាច្រើនរូបបានមកទទួលស្វាគមន៍ព្រះមហាក្សត្រផងដែរ។

គួរឱ្យដឹងផងដែរថាព្រះមហាក្សត្រតែងតែយាងទៅពិនិត្យព្រះរាជសុខភាព២ដងក្នុងមួយឆ្នាំនៅប្រទេសចិន។ ព្រះអង្គស្ដេចយាងទៅពិនិត្យព្រះរាជសុខភាពលើកទី២នៅឆ្នាំនេះកាលពីថ្ងៃទី២៣ ខែសីហា កន្លងទៅ។

ក្រៅយាងពិនិត្យព្រះរាជសុខភាព ព្រះមហាក្សត្រ និងសម្តេចព្រះវររាជមាតាបានយាងជាព្រះកិត្តិយសក្នុងពិធីរំឭកខួបលើកទី៨០ ទិវាជ័យជម្នះនៃសង្គ្រាមតស៊ូរបស់ប្រជាជនចិន ប្រឆាំងនឹងការឈ្លានពានរបស់ពួកហ្វាស៊ីស ដែលបានប្រារព្ធឡើងនៅទីក្រុងប៉េកាំង កាលពីថ្ងៃទី៣ ខែកញ្ញា ឆ្នាំ២០២៥ កន្លងទៅផងដែរ៕

អត្ថបទដោយ ហ៊ុន សិរីវឌ្ឍន៍