លោក ថាច់ សេដ្ឋា ត្រូវបានព្រះមហាក្សត្រផ្ដល់នីតិសម្បទាធ្វើនយោបាយឡើងវិញ

ភ្នំពេញ៖ លោក ថាច់ សេដ្ឋា អតីតតំណាងរាស្ត្រ គណបក្សសង្គ្រោះជាតិ ដែលត្រូវបានហាមឃាត់មិនឱ្យធ្វើសកម្មភាពនយោបាយសម្រាប់រយៈពេល៥ឆ្នាំតាមសាលក្រមតុលាការកំពូលនោះ ត្រូវបានព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជាបានផ្ដល់នីតិសម្បទាឡើងវិញនៅថ្ងៃទី១២ ខែមេសា ឆ្នាំ២០២១នេះ។

យោងតាមព្រះរាជក្រឹត្យចុះថ្ងៃទី១២ មេសានេះ បានផ្តល់ឱ្យឈ្មោះ ថាច់ សេដ្ឋា ភេទប្រុស កើតនៅថ្ងៃទី១៤ ខែឧសភា ឆ្នាំ១៩៥៣ ដែលត្រូវបានហាមឃាត់មិនឲ្យធ្វើសកម្មភាពនយោបាយសម្រាប់រយៈពេល៥ឆ្នាំតាមអំណាចសាលក្រម លេខ៣៤០ ចុះថ្ងៃទី១៦ ខែវិច្ឆិកា ឆ្នាំ២០២១៧ របស់តុលាការកំពូល។

សម្ដេចអគ្គមហាសេនាបតីជោ ហ៊ុន សែន នាយករដ្ឋមន្ត្រីនៃព្រះរាជានៃព្រះរាជាណាចក្រកម្ពុជាត្រូវទទួលបន្ទុកអនុវត្តព្រះរាជក្រឹត្យនេះចាប់ពីថ្ងៃឡាយព្រះហត្ថលេខាតទៅ៕

អត្ថបទ៖ សំអឿន