ព័ត៌មានជាតិ

ព័ត៌មានលម្អិត ពីចំនួនអាជីវករមានហានិភ័យខ្ពស់ ដែលបានយកសំណាក នៅផ្សារចាស់

បានផុស

៥ years មុន

នៅ

ថ្ងៃអង្គារ ១៣ មេសា ២០២១

ដោយ

អាជ្ញាធរខណ្ឌដូនពេញ បានលម្អិតព័ត៌មានច្បាស់ការ នៅចំនួនសរុប ដែលបានយកសំណាកនៅបរិវេណផ្សារចាស់ ដែលអ្នកមានហានិភ័យខ្ពស់ចំនួន ១២៦នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះបើតាមអាជ្ញាធរខណ្ឌដូនពេញបានបញ្ជាក់ថា នៅថ្ងៃចន្ទទី១២ ខែមេសា ឆ្នាំ២០២១នេះ វេលាម៉ោង០៨និង៣០នាទី ដល់ម៉ោង១៧និង០០នាទី លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានដឹកនាំគណៈបញ្ជាការឯកភាពរដ្ឋបាល ខណ្ឌដូនពេញ សម្របសម្រួលជូនក្រុមគ្រូពេទ្យ TYDA យកសំណាក ( លើកទី១ ) អាជីវករលក់ដូរ ដែលពាក់ព័ន្ធនឹងព្រឹត្តិការណ៍ ២០កុម្ភៈ ស្ថិតនៅក្នុងទីរួមផ្សារចាស់ សង្កាត់វត្តភ្នំ ខណ្ឌដូនពេញ។

អាជីវករចំនួន ១០៦៥នាក់ ក្នុងនោះអាជីវករលក់ដូរក្នុងផ្សារចំនួន ៩១៤នាក់ និងអាជីវករលក់បន្លែសាច់ខាងក្រៅផ្សារ ដែលមានហានិភ័យខ្ពស់ចំនួន ១២៦នាក់ ថ្នាក់ដឹកនាំមន្ត្រីបុគ្គលិកនិងគណៈគ្រប់គ្រងផ្សារចំនួន ២៥នាក់ ។

ជាលទ្ធផល ក្រុមគ្រូពេទ្យ TYDA បានយកសំណាកអាជីវករលក់ដូរនៅទីតាំងផ្ទាល់សរុបចំនួន ៣៣៦នាក់ ( ស្រី ៣៣០នាក់ ) ក្នុងនោះអ្នកប៉ះពាល់ផ្ទាល់ចំនួន ០៤នាក់ ស្រី ០៣នាក់ អ្នកប៉ះពាល់ប្រយោលចំនួន ៣៣២នាក់ ស្រី ២២៧នាក់ ( អាជីវករផ្សារចំនួន ៣១៥នាក់ និងបុគ្គលិកនិងគណៈគ្រប់គ្រាន់ផ្សារចំនួន ២៥នាក់ )។ ជាមួយគ្នានោះដែររដ្ឋបាលខណ្ឌដូនពេញ បានសម្រេចបិទទីរួមផ្សារចាស់ទាំងស្រុង ដើម្បីទប់ស្កាត់ការាលដាលជំងឺកូវីដ-១៩ ក្រោយទទួលបានគោលការណ៍ដឹកនាំរបស់សាលារាជធានីភ្នំពេញ ៕

អត្ថបទ៖ រស្មី

សូមចុចអាន៖ កម្ពុជាទើបរកឃើញអ្នកឆ្លងកូវីដ-១៩ ចំនួន១៨១នាក់ ដោយ៣នាក់មកពីក្រៅប្រទេស