ព័ត៌មានជាតិ
ប្រទេសកំពុងវឹកវរកូវីដ មានជនឆ្លៀតលក់អាល់កុលក្លែងក្លាយ សមត្ថកិច្ចចូលចាប់ដល់ក្នុងផ្ទះ
ខេត្តបាត់ដំបង៖ មន្រ្តីការពារអុ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) សហការជាមួយមន្រ្តីមន្ទីរពាណិជ្ជកម្ម និងអាជ្ញាធរដែនដីចុះត្រួតពិនិត្យម្ហូបអាហារ និងទំនិញដែលមានដាក់តាំងលក់នៅតាមផ្ទះមុនចូលឆ្នាំខ្មែរជាពិសេសតាមឱសថស្ថានរងនានា បានរកឃើញ និងរឹបអូសអាល់កុលក្លែងក្លាយចំនួន៨៤៦លីត្រដាក់លក់នៅក្រុងបាត់ដំបង។
ក្នុងការត្រួតពិនិត្យនេះកម្លាំងជំនាញបានរកឃើញអាល់កុលក្លែងក្លាយដែលមានសារធាតុ (មេតាណុល) មានចំនួន៨៤៦លីត្រដែលបានដាក់តាំងលក់នៅឱសថស្ថានទិព្វ១ ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។
លោក ហាក់ សុខរិន ប្រធានសាខា ក.ប.ប ខេត្តបាត់ដំបងបានឱ្យដឹងថា ក្នុងប្រតិបត្តិការនេះកម្លាំងរបស់លោកបានត្រួតពិនិត្យ និងធ្វើតេស្តអាល់កុលដែលបានដាក់លក់នៅតាមឱសថស្ថានរងនានាចំនួន៥ទីតាំងនៅក្រុងបាត់ដំបងមានរួមមានទីតាំងទី១ឱសថស្ថានសង់ត្រាល់ ទីតាំងទី២ឱសថស្ថានមហាទេព ទីតាំងទី៣ឱសថស្ថានទិព្វ១ ទីតាំងទី៤ឱសថស្ថានសង្កែ និងទីតាំងទី៥ឱសថស្ថានឌីយ៉ាម៉ង់។
លោកប្រធានបន្តថា លទ្ធផលនៃការត្រួតពិនិត្យបានរកឃើញអាល់កុលក្លែងក្លាយដែលមានសារធាតុ (មេតាណុល)បានដាក់លក់នៅឱសថស្ថានទិព្វ១ដែលមានអាស័យដ្ឋានភូមិព្រែកមហាទេព សង្កាត់ស្វាយប៉ោ ចំនួន២៧កានស្មើនឹង៨១០លីត្រ និង៧២ដបស្មើនឹង៣៦លីត្រ សរុបចំនួន៨៤៦លីត្រ។
ស្របពេលនេះដែរលោក ហាក់ សុខរិន បានអំពាវនាវដល់អាជីវករលក់ដូរ និងអ្នកផលិតផលិតផលក្លែងក្លាយត្រូវបញ្ឈប់ជាបន្ទាន់ ព្រោះវាធ្វើឱ្យប៉ះពាល់សុខភាពអ្នកប្រើប្រាស់ ហើយអាល់កុលក្លែងក្លាយនោះមិនបានសម្លាប់មេរោគពិតប្រាកដនោះទេដែលជាមូលហេតុធ្វើមានការឆ្លងរោគដោយមិនដឹងខ្លួនចំពោះអ្នកប្រើប្រាស់ទៅវិញ។
ក្រោយពីបង្ក្រាប និងដកហូតអាល់កុលក្លែងក្លាយខាងលើ មន្រ្តីជំនាញបានយកទៅរក្សាទុកដើម្បីដុតបំផ្លាញចោលនៅពេលក្រោយ៕
អត្ថបទ៖ សៅ សារិទ្ធ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៦ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ