ព័ត៌មានជាតិ
វត្តអារាមនៅភ្នំពេញផ្អាកសមាទានសុំសីល២សប្តាហ៍
ភ្នំពេញ៖ វត្តអារាមនៅក្នុងរាជធានីភ្នំពេញបានផ្អាកការសមាទានសុំសីលរយៈពេលពីរសប្តាហ៍ដើម្បីចូលរួមជាមួយរាជរដ្ឋាភិបាលក្នុងការទប់ស្កាត់ជំងឺកូវីដ-១៩។
ជាក់ស្តែងនៅថ្ងៃទី១៩ មេសានេះ ត្រូវជាថ្ងៃទី៨កើត ខែពិសាខ ជាថ្ងៃសមាទនសីល ប៉ុន្តែនៅតាមអារាមនានាក្នុងរាជធានីភ្នំពេញមានសភាពស្ងប់ស្ងាត់ដោយព្រះសង្ឃគង់នៅតាមកុដិរៀងៗខ្លួន និងមិនមានពុទ្ធបរិស័ទធ្វើដំណើរទៅសមាទានសីលដូចសព្វមួយដងទេដើម្បីចូលរួមអនុវត្តតាមសេចក្តីសម្រេចរបស់រាជរដ្ឋាភិបាលក្នុងការបិទខ្ទប់រាជធានីភ្នំពេញសំដៅទប់ស្កាត់ការឆ្លងរាលដាលជំងឺកូវីដ-១៩ ដែលកំពុងផ្ទុះយ៉ាងធ្ងន់ធ្ងរ។
ព្រះតេជគុណ ឃឹម សន ព្រះមេគុណរាជធានីភ្នំពេញបានមានសង្ឃដីកានៅថ្ងៃនេះថា ការផ្អាកការសមាទានសុំសីល២សប្តាហ៍នេះដើម្បីចូលរួមជាមួយរាជរដ្ឋាភិបាលក្នុងការបិទខ្ទប់នៅរាជធានីភ្នំពេញដោយសារពុទ្ធបរិស័ទនៅតាមភូមិមិនត្រូវបានអនុញ្ញាតឱ្យចេញពីផ្ទះហើយព្រះសង្ឃនៅតាមទីវត្តអារាមត្រូវគង់នៅក្នុងវត្តរៀងៗខ្លួនមិនអនុញ្ញាតឱ្យនិមន្តទៅក្រៅដែរ។
ព្រះតេជគុណបានមានសង្ឃដីកាបន្តថា ទន្ទឹមនឹងកំឡុងពេលបិទខ្ទប់នេះ ព្រះសង្ឃនៅតាមទីអារាមត្រូវដាំចង្ហានឆាន់ដោយអង្គឯង ដោយសារពុទ្ធបរិស័ទក៏ត្រូវបានហាមឃាត់មិនឱ្យចេញក្រៅដែរ។ ដូចនេះនៅក្នុងវត្តមានចង្ហាន់អ្វីឆាន់សិនដើម្បីដោះស្រាយឱ្យរួចក្នុងកំឡុងដ៏លំបាកនេះ។
យ៉ាងណាក៏ដោយព្រះតេជគុណបានមានសង្ឃដីកាបន្ថែមថា នៅតាមវត្តអារាមខ្លះអាចមាននៅសល់អង្ករ និងចង្ហាន់ក្រៀមៗមួយចំនួនដូចជា ត្រីខ មី ទឹកត្រីខ្លះដែលពុទ្ធបរិស័ទមួយចំនួនបានយកមកប្រគេនព្រះសង្ឃនៅមុនពេលដែលរដ្ឋាភិបាលចេញសេចក្តីសម្រេចបិទខ្ទប់រាជធានីភ្នំពេញ។
គួរបញ្ជាក់ថារាជរដ្ឋាភិបាលបានសម្រេចបិទខ្ទប់នៅភូមិសាស្ត្រារាជធានីភ្នំពេញ និងក្រុងតាខ្មៅនៃខេត្តកណ្តាលរយៈពេល១៤ថ្ងៃ គឺចាប់ពីម៉ោងសូន្យថ្ងៃទី១៥រហូតដល់ថ្ងៃទី២៨ ខែមេសាឆ្នាំ២០២១៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន