ព័ត៌មានជាតិ

អាម៉េរិក នឹងផ្ដល់ជំនួយ៤៥ លានដុល្លារ ដល់ការអនុវត្តិកិច្ចព្រមព្រៀងសន្តិភាពរវាងកម្ពុជា-ថៃ

បានផុស

៦ ខែ មុន

នៅ

ថ្ងៃសុក្រ ៩ មករា ២០២៦

ដោយ

សហរដ្ឋអាម៉េរិក ប្រកាសពីការផ្ដល់ជំនួយចំនួន៤៥លានដុល្លារ ដើម្បគាំទ្រដល់ការអនុវត្តកិច្ចព្រមព្រៀងសន្តិភាពរវាងកម្ពុជា-ថៃ។ នេះបើតាមការប្រកាសរបស់អនុរដ្ឋមន្រ្តីការប្រទេសសហរដ្ឋអាមេរិកសម្រាប់កិច្ចការអាស៊ីខាងកើត និងប៉ាស៊ីហ្វិក Michael George DeSombre ថ្លែងនៅថ្ងៃទី ៩ ខែមករា ក្នុងសន្និសីទសារព័ត៌មានតាមអនឡាញពីទីក្រុងបាងកក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមលោក Michael George DeSombre សហរដ្ឋអាមេរិកនឹងផ្តល់ជំនួយចំនួន ៤៥ លានដុល្លារ ដោយក្នុងនោះបែងចែក ១៥ លានដុល្លារសម្រាប់ការស្ថិរភាពតាមព្រំដែន ១០ លានដុល្លារសម្រាប់ការសម្អាតមីន និងគ្រាប់រំសេវមិនផ្ទុះ និង ២០ លានដុល្លារសម្រាប់ការប្រយុទ្ធប្រឆាំងនឹងមជ្ឈមណ្ឌលឆរបោកតាមអនឡាញ និងការជួញដូរគ្រឿងញៀន។

អនុរដ្ឋមន្ត្រីការបរទេសអាម៉េរិកអះអាងថា ការទូតរបស់សហរដ្ឋអាមេរិក ក្រោមការដឹកនាំរបស់ប្រធានាធិបតី ដូណាល់ ត្រាំ និងរដ្ឋមន្រ្តីការបរទេស រូប៊ីយ៉ូ ផ្ដល់សារៈសំខាន់ក្នុងការស្ដារឡើងវិញនូវសន្តិភាព។

លោក សង្កត់ធ្ងន់ថា៖«យើងមានទំនុកចិត្តថា កិច្ចព្រមព្រៀងបទឈប់បាញ់ នឹងមានអត្ថប្រយោជន៍ដល់សេដ្ឋកិច្ចរបស់ប្រទេសទាំងពីអនុញ្ញាតឲ្យព្រំដែនបើកឡើងវិញ និងស្ដារឡើងវិញនូវសកម្មភាពពាណិជ្ជកម្មជាប្រក្រតី។ សហរដ្ឋអាមេរិក នៅតែផ្តោតលើការលើកកម្ពស់តំបន់ឥណ្ឌូ‑ប៉ាស៊ីហ្វិកឲ្យមានសុវត្ថិភាព និងសុភមង្គល ហើយយើងស្វាគមន៍តួនាទីកាន់តែច្រើនរបស់អាស៊ាន ក្នុងការរក្សាសន្តិភាព។»៕

ដោយ៖ ង៉ិល ណារ៉ាត់