ព័ត៌មានជាតិ

បិទផ្សារសាលាលេខ៥បណ្ដោះអាសន្ន បន្ទាប់ពីរកឃើញវិជ្ជមានកូវីដ១៩ អាជីវករ៤នាក់

បានផុស

៥ years មុន

នៅ

ថ្ងៃសៅរ៍ ២៤ មេសា ២០២១

ដោយ

នៅព្រឹកថ្ងៃទី២៤ ខែមេសា នេះ ផ្សារសាលាលេខ៥ ស្ថិតនៅបណ្ដោយផ្លូវជាតិលេខ៥ ក្នុងភូមិសាលាលេខ៥ ឃុំអូរឫស្សី ស្រុកកំពង់ត្រឡាច ត្រូវបានបិទជាបណ្ដោះអាសន្ន បន្ទាប់ពីរកឃើញអាជីវករលក់មាស៤នាក់ មានវិជ្ជមានកូវីដ-១៩ កាលពីយប់ថ្ងៃទី២៣ ខែមេសា ។ នេះបើតាមការបញ្ជាក់ពីអាជ្ញាធរស្រុកកំពង់ត្រឡាច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត ប្រាក់ វ៉ុន បានបញ្ជាក់ប្រាប់ថា អាជីវករទាំង៤នាក់នោះជាស្ត្រី មានទីលំនៅក្នុងភូមិសាលាលេខ៥ ឃុំអូរឫស្សី ស្រុកកំពង់ត្រឡាច ពួកគាត់ឆ្លងជំងឺកូវីដ-១៩ មកពីបងប្រុសរបស់គេនៅផ្សារចាស់ រាជធានីភ្នំពេញ ខណៈដែលពួកគេបានទៅលេងបងប្រុសរបស់គេកន្លងមក។

នៅព្រឹកថ្ងៃនេះ ផ្សារសាលាលេខ៥ ត្រូវបានបិតជាបណ្ដោះអាសន្ន ដោយត្រូវប្រមូលអាជីវករដែលមានការពាក់ព័ន្ធជាមួយស្ត្រីទាំង៤នាក់ខាងលើទាំងផ្ទាល់ និងប្រយោលមកយកសំណាក។

លោកវេជ្ជបណ្ឌិតបានអំពាវនាវដល់បងប្អូនប្រជាពលរដ្ឋទាំងអស់ ទាំងអាជីវករលក់ដូរក្នុងផ្សារសាលាលេខ៥ ទាំងបងប្អូនប្រជាពលរដ្ឋនៅក្នុងមូលដ្ឋាន ដែលមានការពាក់ព័ន្ធជាមួយនឹងស្ត្រីអាជីវករលក់មាសទាំង៤នាក់ខាងលើនេះ សូមបងប្អូនមេត្តាមកយកសំណាក នៅព្រឹកថ្ងៃទី២៤ខែមេសានេះកុំបីអាក់ ខានឡើយ។

ចំណែកស្ត្រីទាំង៤នាក់ ជាអាជីវករលក់មាសក្នុងផ្សារសាលាលេខ៥ ដែលមានផ្ទុកមេរោគកូវីដ-១៩ គឺ១ ឈ្មោះ ផេង ម៉ាលីស អាយុ៤៧ឆ្នាំ ២ ឈ្មោះ សូត្រ ស្រីពៅ អាយុ៣០ឆ្នាំ ៣ ឈ្មោះភុំ រតនា អាយុ ១៦ឆ្នាំ និង ៤ ឈ្មោះ សំរិទ្ធ សៀវម៉ី អាយុ២៧ឆ្នាំ ៕

អត្ថបទ ៖ ឈៀងថារិទ្ធ

Related Topics:ខេត្តកំពង់ឆ្នាំង