ព័ត៌មានជាតិ
ប្រទេសជាតិកំពុងមានទុក្ខ ឆ្លៀតលក់អាល់កុលក្លែងក្លាយ បង្ក្រាបបានជាង ៤០០ លីត្រ
ព្រៃវែង៖ នៅរសៀលថ្ងៃទី២៦ខែមេសា ឆ្នាំ២០២១ លោក អ៊ុត សុភាព ប្រធានសាខាការពារអ្នកប្រើប្រាស់ ការប្រកួតប្រជែងនិងបង្ក្រាបការក្លែងបន្លំខេត្តព្រៃវែង ដោយមានការសហការពីមន្ទីរពាណិជ្ជកម្មខេត្ត និងអាជ្ញាធរដែនដី បានចុះត្រួតពិនិត្យគុណភាពទំនិញយុទ្ធសាស្រ្តមានអាល់កុល ម៉ាស់ និងទំនិញប្រើប្រាស់មួយចំនួនទៀតនៅតាមបណ្តាឱសថស្ថាន តូប ក្នុងផ្សារក្រុងព្រៃវែង ខេត្តព្រៃវែង។
ក្រោយពីទទួលបានព័ត៌មានស៊ើបអង្កេត ដោយបានសហការជាមួយអាជ្ញាធរដែនដី ជាពិសេសព្រះរាជអាជ្ញាអមសាលាដំបូងខេត្តព្រៃវែង បានចុះទៅបង្ក្រាបកន្លែងលក់និងចែកចាយអាល់កុលក្លែងក្លាយ ១ កន្លែង មានទីតាំងនៅផ្ទះសំណាក់ណាវី ស្ថិតនៅភូមិ ៥ សង្កាត់កំពង់លាវ ក្រុងព្រៃវែង ខេត្តព្រៃវែង។
ជាលទ្ធផលមន្ត្រីជំនាញ បានរកឃើញអាល់កុលដែលជាមេតាណុលសរុបចំនួន ១២ កាន និង ១៦៣ ដប ស្មើនឹង ៤៥០,៥ លីត្រ និងទំនិញខូចគុណភាពហួសកំណត់ថ្ងៃប្រើប្រាស់មួយចំនួនទៀត ដូចជា មីកញ្ចប់ ត្រីខកំប៉ុង ទឹកម្ទេស ទឹកខ្មេះ ជាដើមសរុបចំនួន ៨,6 គីឡូក្រាម ត្រូវបានដកហូតយកមករក្សាទុកដើម្បីកំទេចចោល ។
ក្នុងការចុះបង្ក្រាប មន្រ្ទីជំនាញបានសំណូមពរដល់អាជីវករកុំឆ្លៀតឱកាសលក់ផលិតផលម៉ាស់ អាល់កុល សម្រាប់លាងសំអាតដៃ កឹបកេងយកផលចំណេញហួសហេតុ និងណែនាំដល់ប្រជាពលរដ្ឋ កុំទិញផលិតផល អាល់កុលណាដែលគ្មានស្លាកសញ្ញា និងប្រភពច្បាស់លាស់ ដើម្បីជៀសវាងការទិញផលិតផលក្លែងក្លាយ ឬគ្មានគុណភាព យកមកប្រើប្រាស់នាំឱ្យប៉ះពាល់ដល់សុខភាព និងអាយុជីវិត៕
អត្ថបទ៖ សៅគ្រី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ