ព័ត៌មានជាតិ

២៤អង្គភាពហើយ ដែលជាប់ពាក់ព័ន្ធ នឹងព្រឹត្តិការណ៍០៣ វិច្ឆិកា

បានផុស

៥ years មុន

នៅ

ថ្ងៃព្រហស្បតិ៍ ១២ វិច្ឆិកា ២០២០

ដោយ

លោក រស់ សុវាចា អ្នកនាំពាក្យក្រសួងអប់រំ យុវជននិងកីឡា បានមានប្រសាសន៍នៅព្រឹកថ្ងៃទី១២វិច្ឆិកាថា គិតត្រឹមយប់ថ្ងៃទី១១ ខែវិច្ឆិកា ២០២០នេះ ក្រសួងអប់រំបានរកឃើញមាន អង្គភាពក្រោមឱវាទក្រសួង ដែលពាក់ព័ន្ធនឹងព្រឹត្តិការណ៍០៣ វិច្ឆិកា សរុបមានចំនួន២៤ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក រស់ សុវាចា បានបន្តថា អង្គភាពក្រោមឱវាទក្រសួង ដែលពាក់ព័ន្ធនឹងព្រឹត្តិការណ៍០៣ វិច្ឆិកា សរុបមានចំនួន២៤ គឺ៖ គ្រឹះស្ថានសិក្សាសាធារណៈចំនួន៩ គ្រឹះស្ថានសិក្សាឯកជនចំនួន១០ មន្ទីរអប់រំ យុវជន និងកីឡាខេត្តចំនួន០៤ និងក្លឹបហាត់កីឡាចំនួន១ នៅពហុកីឡដ្ឋានជាតិអូឡាំពិក។

លោកបន្តទៀតថា អង្គភាពទាំងនេះ បានចាត់ចែងអនុវត្តវិធានការតាមការណែនាំ របស់ក្រសួងសុខាភិបាលយ៉ាងខ្ជាប់ខ្ជាន់។ ក្រសួងបានផ្អាកដំណើរការសិក្សាក្នុងថ្នាក់រៀន ជាបណ្ដោះអាសន្នរយៈពេល០២សប្តាហ៍ និងបន្តការសិក្សាតាមអនឡាញនៅរាជធានីភ្នំពេញ ទីរួមខេត្តកណ្តាល និងទីតាំងគោលដៅ។ ក្រសួងអប់រំ យុវជន និងកីឡា បានផ្អាកដំណើរការជាបណ្តោះអាសន្ន នៅពហុកីឡដ្ឋានជាតិអូឡាំពិក រហូតដល់មានការជូនដំណឹងជាថ្មី។

ក្រសួងអប់រំ យុវជន និងកីឡា សូមអំពាវនាវដល់អ្នកពាក់ព័ន្ធ ក្រោមឱវាទក្រសួងអប់រំ យុវជន និងកីឡាទាំងអស់ មេត្តាបន្តរាយការណ៍ ជូនក្រសួងតាមរយៈលេខទូរស័ព្ទ០១២៣៣៥៩៩៩។ ចំពោះមុខនេះ អង្គភាពក្រោមឱវាទក្រសួង គណៈគ្រប់គ្រងគ្រឹះស្ថានសិក្សា លោកគ្រូ-អ្នកគ្រូ បុគ្គលិកអប់រំ សិស្សានុសិស្ស មាតាបិតា និងគ្រប់ភាគីពាក់ព័ន្ធ ត្រូវបន្តការអនុវត្តយ៉ាងខ្ជាប់ខ្ជួន នូវវិធានការសុវត្ថិភាពសុខភាព តាមគោលការណ៍ប្រតិបត្តិស្តង់ដារ របស់ក្រសួងអប់រំ យុវជន និងកីឡា និងតាមការណែនាំរបស់ក្រសួងសុខាភិបាល៕

អត្ថបទ៖ សំអឿន

សូមចុចអាន៖ ធ្វើចត្តាឡីស័ក ១០ ថ្ងៃ រដ្ឋមន្រ្តីការបរទេស ប្រាក់ សុខុន ប្រាប់ពីស្ថានភាពសុខភាព

Related Topics:ក្រសួងអប់រំ យុវជន និងកីឡា