ព័ត៌មានជាតិ

ព្រឹត្តិការណ៍សហគមន៍២០កុម្ភៈ ខេត្តបន្ទាយមានជ័យមានអ្នកឆ្លងកូវីដ ជិត៧០០នាក់ហើយ

បានផុស

៥ years មុន

នៅ

ថ្ងៃចន្ទ ៣ ឧសភា ២០២១

ដោយ

បន្ទាយមានជ័យ ៖ ក្នុងព្រឹត្តិការណ៍សហគមន៍២០កុម្ភៈ ប្រកាសថ្ងៃទី៣ ខែឧសភាឆ្នាំ ២០២១ នេះមានអ្នកឆ្លងកូវីដ.១៩សរុបជិត៧០០នាក់ហើយ មកទល់ពេលនេះ គ្មានអ្នកស្លាប់ គ្មានអ្នកជា កំពុងព្យាបាលនេះ បើយោងតាមអនុគណៈកម្មការស្រាវជ្រាវជំងឺកូវីដ.១៩ នៃក្រសួងសុខាភិបាល ប្រកាសថ្ងៃទី៣ខែឧសភា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហគមន៍២០កុម្ភៈរបស់ក្រសួងសុខាភិបាល ប្រកាសនៅថ្ងៃទី៣ ខែឧសភា ឆ្នាំ២០២១ បានឲ្យដឹងថា ទូទាំងប្រទេស បានរកឃើញអ្នកឆ្លងកូវីដ.១៩ថ្មីចំនួន ៨៤១នាក់ជាសះស្បើយ៦១នាក់ និងស្លាប់៤នាក់ ក្នុងនោះ ភ្នំពេញ៥២៥នាក់ បន្ទាយមានជ័យ១៥៣នាក់ ព្រះសីហនុ៦២នាក់ កណ្តាល៣៣នាក់ កំពង់ចាម២១នាក់ កំពង់ធំ១៥នាក់ តាកែវ៩នាក់ ត្បូងឃ្មុំ៩នាក់ សៀមរាប៧នាក់ កំពង់ស្ពឺ៦នាក់ និងព្រៃវែង១នាក់ ។ចំណែកលោកអ៊ុ រាត្រី អភិបាលខេត្តបន្ទាយមានជ័យបានប្រាប់អ្នកយកព័ត៌មានឲ្យដឹងថា ថ្ងៃទី៣ខែឧសភានៅក្រុងប៉ោយប៉ែតបានរកឃើញអ្នកជំងឺកូវីដ.១៩ ចំនួន៥១៥ នាក់ ភាគច្រើនជាជនជាតិឥណ្ឌូនេស៊ីនិងកម្ពុជាក្រៅពីនោះមានជនជាតិចិន ថៃ ហើយបើបូកសរុបលទ្ធផលវិភាគសំណាក ចេញប្រកាសថ្ងៃទី៣ខែឧសភា រកឃើញថ្មី ចំនួន១៥៣នាក់ នាំឲ្យអ្នកជំងឺកូវីដ១៩ ក្នុងខេត្តសរុបមានជិត៧០០នាក់ ហើយ។

លោកអ៊ុ រាត្រី ក៏បានប្រាប់ថា ទ្រោលសភាពការណ៍រដ្ឋបាលខេត្តខិតខំពង្រឹងគ្រប់គ្រងតំបន់បិទខ្ទប់ តំបន់ក្រហម ការនាំអ្នកសង្ស័យដែលប៉ះពាល់ដោយផ្ទាល់និងដោយប្រយោលមកយកវត្ថុសំណាករកមេរោគកូវីដ.១៩ ការនាំអ្នកវិជ្ជមានឬអ្នកជម្ងឺកូវីដ១៩ ទៅថែទាំព្យាបាលនៅកន្លែងបានកំណត់អស់ហើយផងដែរ។ ក្នុងនោះ រដ្ឋបាលខេត្តនិងមន្ទីរសុខាភិបាល ក៏ដូចអ្នកពាក់ព័ន្ធបាននឹងកំពុងរៀបចំ ដំណើរការនូវមន្ទីរពេទ្យនិងមណ្ឌលព្យាបាលអ្នកជម្ងឺកូវីដ.១៩ ក្នុងខេត្តបន្ទាយមានជ័យកើន១០កន្លែងឯណោះ៕
ដោយ ៖ វ៉ាន់ ណាង