វិស័យអប់រំតាមថ្នាក់វិទ្យាល័យត្រូវបានពង្រឹង ដើម្បីបង្កើតបានមូលធនមនុស្សស្របយុគ្គសម័យអភិវឌ្ឍន៍របស់ជាតិ

លោក យិន អ៊ាង នាយករងនៃវិទ្យាល័យបាក់ទូក បានឲ្យដឹងថា៖ វិស័យអប់រំគឺជាវិស័យសំខាន់ និង ឋិតក្នុងគោលនយោបាយអាទិភាពបំផុតរបស់ រាជរដ្ឋាភិបាលកម្ពុជាអាណត្តិទី៧ នេះដោយក្នុងនាមគណៈគ្រប់គ្រងវិទ្យាគឺ ចាំបាច់ក្នុងការដើរតួនាទីចែករំលែក និង ផ្តល់នូវចំណេះដឹងនិងបច្ចេកវិទ្យាថ្មីៗ ទៅកាន់សិក្សានុសិស្សកម្ពុជា ដើម្បីបណ្តុះនូវធនធានមនុស្សឲ្យក្លាយជាធនធានដែល មានសក្តានុពលខ្ពស់ក្នុងសង្គមជាតិនាថ្ងៃអនាគត់ខាងមុខ។

លោក យិន អ៊ាង នាយករងនៃវិទ្យាល័យបាក់ទូក

លោកនាយករងបន្តថា៖ បើក្រឡេកទៅកាន់អតីតកាលកាលពីជិត៥០ឆ្នាំមុនវិញ នោះធនធានមនុស្សដែលជាអ្នកចេះដឹងជាច្រើន ត្រូវបានសម្លាប់មិនរើសមុខក្នុងរបបវាលពិឃាតដ៏សែនឃោរឃៅ ដែលធ្វើឲ្យវិស័យអប់រំមានការធ្លាក់ចុះ។ ក៏ប៉ុន្តែដោយសារ ការលះបង់ដ៏ធំធេងគ្មានអ្វីអាចកាត់ថ្លៃបានរបស់ សម្តេចតេជោ ហ៊ុន សែន ដែលបានយកជីវិតធ្វើដើមទុនស្វះស្វែងរកសន្តិភាពនេះ ទើបកម្ពុជាអាចមានឱកាសអភិវឌ្ឍន៍ប្រទេស និង អភិវឌ្ឍន៍ធនធានមនុស្សបានដូចសព្វថ្ងៃនេះ។

ក្នុងនាមជាទំពាំស្នងឫស្សីក៏ដូចជា អ្នកបន្តវេនជំនាន់ក្រោយប្អូនៗ ជាសិស្សានុសិស្សក៏បានប្តេជ្ញាចិត្ត ក្នុងការខិតខំប្រឹងប្រែងរៀនសូត្រអភិវឌ្ឍន៍សមត្ថភាពរបស់ខ្លួនឲ្យបានខ្លាំង ដើម្បីក្លាយជាមូលធនមនុស្សដ៏ល្អសម្រាប់ខ្លួនឯងគ្រួសារនិងសង្គមជាតិទាំងមូលផងដែរ។ វិស័យអប់រំនៅតាមកម្រិតសិក្សាថ្នាក់វិទ្យាល័យ ត្រូវបានពង្រឹងដើម្បីជាថ្នាលបង្កើតបាននូមូលធនមនុស្ស ស្របតាមយុគ្គសម័យអភិវឌ្ឍន៍របស់ប្រទេសជាតិ។

គួរបញ្ជាក់ថា៖ កាលពីពេលថ្មីៗកន្លងទៅនេះ សម្តេចធិបតី ហ៊ុន ម៉ាណែត នាយករដ្ឋមន្ត្រីធ្លាប់បានប្រសាសន៍ថ្លែងថាវិស័យអប់រំសុខាភិបាល និង ធនធានមនុស្សនៅតែជាកិច្ចការងារ អាទិភាពទី១ របស់រាជរដ្ឋាភិបាលដែលដឹកនាំដោយគណបក្សប្រជាជនកម្ពុជា៕ អត្ថបទ៖ សុភា