ព័ត៌មានជាតិ
ដើមពោធិ៍ដួលរលំ មិនមែនជាដើមពោធិ៍ជើងខាល ប្រវត្តិស្នេហ៍ទុំទាវនោះទេ
រដ្ឋបាលខេត្តត្បូងឃ្មុំបានប្រកាសជូនសាធារណៈជនឲ្យដឹងថា ដើមពោធិ៍ដែលដួលរលំដោយសារខ្យល់កន្ត្រាក់កាលពីរសៀលថ្ងៃទី០៦ឧសភាឆ្នាំ២០២១នោះមិនមែនមិនមែនជាដើមពោធិ៍ជើងខាលប្រវត្តិស្នេហ៍ទុំទាវនោះទេ។
ដើមពោធិ៍ដែលដួលរលំនោះគឺជាដើមពោធិ៍លោកតាក្រហមកដែលមានចម្ងាយប្រមាណ៧០ម៉ែត្រ ពីដើមពោធិ៍ប្រវត្តិស្នេហាទុំទាវ ដែលស្ថិតនៅក្នុងភូមិជើងខាល ឃុំមង់រៀវ ស្រុកត្បូងឃ្មុំ ខេត្តត្បូងឃ្មុំ ដូចគ្នាប៉ុណ្ណោះ។
ការបំភ្លឺរបស់រដ្ឋបាលខេត្តត្បូងឃ្មុំនេះបានធ្វើឡើង បន្ទាប់ពីមានអ្នកលេងបណ្តាញសង្គមហ្វេប៊ុកមួយចំនួនបានស៊ែរតៗគ្នាថាដើមពោធិ៍មួយដើម ដែលត្រូវដួលរលំដោយសារខ្យល់កន្ត្រាក់ ហើយរំលេចនូវខ្លឹមសារយល់ច្រឡំថា ដើមពោធិ៍នោះជាដើមពោធិ៍ដែលមានប្រវត្តិទាក់ទងនឹងប្រវត្តិស្នេហាទុំទាវ កាលពីសម័យលង្វែក រាប់រយឆ្នាំមកហើយ។
រដ្ឋបាលខេត្តត្បូងឃ្មុំបានបញ្ជាក់ថា ដោយបានឃើញបានឃើញថានៅតាមបណ្ដាញព័ត៌មានសង្គមហ្វេសប៊ុកមានការផ្សព្វផ្សាយតៗគ្នានៅរូបភាពដួលរលំដើមពោធិ៍មួយដើម ដែលមានខ្លឹមសារថា«បន្ទាប់ពីមានភ្លៀងធ្លាក់ចំនួនពីមេធំៗគ្នាដោយលាយឡំជាមួយខ្យល់កន្ត្រាក់ផងនាល្ងាចថ្ងៃទី៦ ខែឧសភាឆ្នាំ២០២១វេលាម៉ោង៤និង៣០នាទីរសៀល បានបណ្តាលឱ្យដើមពោធិ៍ជើងខាលប្រវត្តិស្នេហ៍ទុំទាវ ស្ថិតនៅភូមិយើងថាឃុំមង់រៀវស្រុកត្បូងឃ្មុំខេត្តត្បូងឃ្មុំបានដួលរលំ»។
រដ្ឋបាលខេត្តបានបន្តថា ក្រោយពីទទួលបានព័ត៌មានខាងលើនេះភ្លាម រដ្ឋបាលខេត្ត បានចាត់តាមមន្ត្រីឲ្យចុះទៅពិនិត្យដល់ទីតាំងផ្ទាល់បានកត់សម្គាល់ឃើញថា ដើមពោធិ៍រដួលរលំនោះមិនមែនជាដើមពោធិ៍ជើងខាលប្រវត្តិស្នេហ៍ទុំទាវនោះទេ។ ក្នុងន័យនេះរដ្ឋបាលខេត្ត សូមប្រកាសបដិសេធនិងច្រានចោលទាំងស្រុងនូវរាល់ការចុះផ្សាយព័ត៌មានទាំងនេះ។
សូមបញ្ជាក់ជូនថា ដើមពោធិ៍ដែលបានដួលរលំខាងលើមានឈ្មោះថា«ដើមពោធិ៍លោកតាក្រហមក»ដែលមានចម្ងាយប្រមាណ ៧០ម៉ែត្រពីដើមពោធិ៍ជើងខាលប្រវត្តិស្នេហ៍ទុំទាវ។ ហេតុដូចនេះទើបបណ្ដាលឱ្យមានសាធារណៈជនមានការភ័ន្តច្រឡំ។
រដ្ឋបាលខេត្តបានបញ្ជាក់ថាប៉ុន្តែទោះបីជាយ៉ាងនេះក្តីរដ្ឋបាលខេត្តសហការជាមួយមន្ត្រីជំនាញនិងរៀបចំដើមពោធិ៍នេះឡើងវិញស្របតាមលក្ខណៈបច្ចេកទេសត្រឹមត្រូវដើម្បីថែរក្សាការពារបរិស្ថានបៃតងនិងរក្សាប្រពៃណីជំនឿសាសនារបស់លោកតាខ្មែរ។
គួរបញ្ជាក់ថានៅរសៀលថ្ងៃទី៦ខែឧសភាម្សិលមិញនេះមិនថាតែនៅខេត្តត្បូងឃ្មុំនោះទេនៅតាមបណ្តាខេត្តមួយចំនួនទៀតពិសេសនៅរាជធានីភ្នំពេញក៏មានខ្យល់កន្ក្រាក់ផដែរដែលបណ្តាលឲ្យរលំផ្ទាំងប៉ាណូនិងកាត់ផ្តាច់អគ្គិសនីនៅតំបន់មួយចំនួនផងដែរ៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ