Connect with us

ជីវិតកម្សាន្ដ

បែកគ្នាជិត២០ឆ្នាំ! ទីបំផុត ទុំ-ទាវ បានជួបគ្នាម្តងទៀតធ្វើឲ្យផ្ញើលអ្នកគាំទ្រ

បានផុស

នៅ

រំលឹកដល់រឿង”ទុំទាវ”អ្នកគាំទ្រគ្រប់មជ្ឈដ្ឋានច្បាស់ជាបានដឹងគ្រប់គ្នាហើយថា ភាពយន្តខ្មែរដ៏ល្បីល្បាញមួយនេះកន្លងមក គឺត្រូវបានថតសម្តែងឡើងវិញដោយក្នុងនោះមានតួអង្គរប្រុសលោក ស៊ុក សុភា និងអ្នកនាង ដាញ់ ម៉ូនីកា ជាតួឯកយ៉ាងស័ក្តិសមជាមួយគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីភាពយន្តខ្មែរដ៏ល្បីរន្ទឺមួយនេះ ត្រូវបានផលិតឡើង ហើយចាក់បញ្ចាំង ទទួលបានការគាំទ្រ និងមានប្រជាប្រិយភាពកាលពីអំឡុងប្រមាណ១០ឆ្នាំមុននោះ ស្រាប់តែតួឯកប្រុស-ស្រីក្នុងរឿង ទុំទាវ គឺលោក ស៊ុក សុភា និងអ្នកនាង ដាញ់ ម៉ូនីកា ក៏បានឃ្លាតឆ្ងាយពីវិស័យសិល្ប:អស់មួយសន្ទុះធំ ព្រោះពួកគេត្រូវរៀបការសាងសុភមង្គលគ្រួសាររៀងៗខ្លួននៅឯក្រៅប្រទេស។

ដោយសារហេតុផលនេះ ទើបតារាសម្តែងទាំង២រូបខាងលើ ពុំមានវត្តមានក្នុងវិស័យសិល្បៈ ឬជួបគ្នាតា មរយ:ការសម្តែង និងដោយផ្ទាល់។ យ៉ាងណាក៏ដោយ ក្រោយបែកគ្នាប្រមាណជិត២០ឆ្នាំក្នុងវិស័យ​ភាព​យន្ត គឺថ្មីៗនេះអតីតតារាសម្ដែងប្រុស-ស្រីទាំង២ដួងនេះ បានធ្វើឱ្យមហាជន និងអ្នកគាំទ្រចាប់អារម្មណ៍ម្តងទៀត បន្ទាប់ពីឃើញលោក ស៊ុក សុភា និងអ្នកនាង ដាញ់ ម៉ូនីកា បង្ហាញរូបភាពថតជាមួយគ្នានាទឹកដីអូស្រ្តាលី។

តាមរយ:រូបភាពនេះដែរ លោក ស៊ុក សុភា លើកឡើងដោយខ្លីថា«ទុំទាវជួបគ្នានារាត្រីដ៏សែនមនោរម្យ» ។ ចំណែក អ្នកនាង ដាញ់ ម៉ូនីកា ភ្លាមៗនោះ ក៏បាននិយាយឆ្លើយតបវិញថា«យូរៗបានជួបគ្នាម្ដងជាមួយលោកបងទុំ។ អរគុណបងប្អូនដែលនៅចងចាំស្រឡាញ់គាំទ្រការសម្ដែងរបសយើងខ្ញុំទាំងពីរនាក់»។

គេចាំបានថា លោក ស៊ុក សុភា និងអ្នកនាង ដាញ់ ម៉ូនីកា ដែលជាអតីតតារាសម្ដែងខ្មែរដ៏ល្បី ហើយក៏ជាដៃគូដ៏ស័ក្តិសមក្នុងការសម្ដែងភាពយន្តខ្មែរ ជាពិសេស ស្នាដៃសម្ដែងរបស់អ្នកទាំងពីរក្នុងសាច់រឿងបុរាណខ្មែរ«ទុំទាវ»ដែលជាភាពយន្តល្បីល្បាញរន្ទឺ និងដក់ជាប់ក្នុងចិត្តមហាជនមកដល់សព្វថ្ងៃ៕

ដោយ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម