ព័ត៌មានជាតិ

ក្រសួងអប់រំ ផ្តល់ឧបត្ថម្ភថវិកាដល់បុគ្គលិកអប់រំរស់នៅតំបន់ក្រហមចំនួន១២៩នាក់

បានផុស

៥ years មុន

នៅ

ថ្ងៃចន្ទ ១០ ឧសភា ២០២១

ដោយ

ភ្នំពេញ ៖ ក្រសួងអប់រំយុវជននិងកីឡាបានឧបត្ថម្ភថវិកាដល់បុគ្គលិកអប់រំចំនួន១២៩នាក់រស់នៅតំបន់ក្រហមដោយក្នុងម្នាក់ៗទទួលថវិកាចំនួន៣០ម៉ឺនរៀល។

លោក បណ្ឌិត សភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំយុវជននិងកីឡាបានឲ្យដឹងនៅថ្ងៃទី១០ខែឧសភាថា បុគ្គលិកអប់រំបម្រើការងារនៅថ្នាក់ជាតិចំនួន១២៩នាក់ ស្រី៣១នាក់មានទីលំនៅក្នុងតំបន់ក្រហមនៃការអនុវត្តវិធានការរដ្ឋបាល ដើម្បីទប់ស្កាត់ការឆ្លងរាលដាលនៃជំងឺកូវីដ១៩សម្រាប់រយៈពេលប្រាំពីថ្ងៃចាប់ពីថ្ងៃទី៦ខែឧសភា ដល់ថ្ងៃទី១២ ខែឧសភា ឆ្នាំ២០២១។

លោករដ្ឋមន្ត្រីរដ្ឋមន្ត្រីក្រសួងអប់រំបានបញ្ជាក់ថា ក្រសួងអប់រំបានសម្រេចផ្តល់ថវិកាចំនួន៣០ម៉ឺនរៀលក្នុងម្នាក់ៗសម្រាប់ឧបត្ថម្ភបុគ្គលិកអប់រំនៃអង្គភាពក្រោមឱវាទក្រសួង ដែលកំពុងជូបការលំបាកក្នុងជីវភាពរស់នៅ ក្នុងកំឡុងពេលអនុវត្តវិធាននេះ ក្នុងគោលដៅកាត់បន្ថយការលំបាកនិងសម្រាលបន្ទុកដែលកំពុងជួបប្រទះ៕

ដោយ ៖ សំអឿន