ស្ងាត់ៗប្រេស៊ីល កើនអ្នកស្លាប់ដោយសារកូវីដដល់ជាង ៤២៥,៥០០ នាក់ហើយ

ចំនួនអ្នកស្លាប់ ដោយសារជំងឺកូវីដ ១៩ នៅប្រទេសប្រេស៊ីល បានកើនឡើងដល់ ៤២៥,៥៤០ នាក់ហើយ កាលពីថ្ងៃអង្គារ បន្ទាប់ពីក្រសួងសុខាភិបាល បានរាយការណ៍ថា មានមនុស្សស្លាប់ចំនួន ២,៣១១ នាក់បន្ថែមទៀត ពីរោគរាតត្បាតមួយនេះ ក្នុងរយៈពេលមួយថ្ងៃ ។

ក្នុងរយៈពេល ២៤ ម៉ោងចុងក្រោយ ប្រទេសប្រេស៊ីល ក៏បានរកឃើញករណីឆ្លងថ្មីចំនួន ៧២,៧១៥ ករណីផងដែរ ។ ប្រទេសប្រេស៊ីល មានចំនួនអ្នកស្លាប់ ដោយសារជំងឺកូវីដ ១៩ ខ្ពស់បំផុតទី ២ លើពិភពលោក បន្ទាប់ពីសហរដ្ឋអាមេរិក ។ គិតត្រឹមថ្ងៃចន្ទ ប្រទេសប្រេស៊ីល បានចាក់វ៉ាក់សាំងការពារជំងឺកូវីដ ១៩ ចំនួន ៥៣.៩ លាននាក់ហើយ ក្នុងនោះអ្នកចាក់ដូសដំបូងមានចំនួន ៥៣.៩ លាននាក់ ពោលស្មើនឹង ១៦.៩៦ ភាគរយនៃចំនួនប្រជាជន ខណៈអ្នកចាក់ពេញ ២ ដូសមានចំនួន ១៨ លាននាក់ ស្មើនឹង ៨.៥៤ ភាគរយនៃចំនួនប្រជាជន ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA