ព័ត៌មានជាតិ
កំពង់ផែតម្លៃ១.៥លានដុល្លានឹងជួយលើកស្ទួយសេដ្ឋកិច្ចខេត្តកោះកុង ក្រោយសាងសង់ ចប់នៅឆ្នាំ២០២២
គម្រោងអភិវឌ្ឍន៍ស្ថាបនាផែសមុទ្រថ្មីនៅខេត្តកោះកុង ដែលគ្រោងចំណាយថវិកាសរុបប្រមាណ១.៥លានដុល្លារ បានបើកការដ្ឋានសាងសង់កាលពីព្រឹកថ្ងៃទី១៣ ខែឧសភា ឆ្នាំ២០២១នេះ ហើយត្រូវគេរំពឹឹងថានឹងជួយលើកស្ទួយសេដ្ឋកិច្ចក្នុងតំបន់ ក្រោយសាងសង់ចប់នៅឆ្នាំ២០២២ខាងមុខដោយប្រើរយៈពេល២ឆ្នាំ។
លោកជំទាវ មិថុនា ភូថង អភិបាលខេត្តកោះកុង មានប្រសាសន៍ថា នៅពេលកំពង់ផែដ៏ថ្មីស្រឡាងនេះស្ថាបនារួចរាល់ វានឹងជួយលើកស្ទួយវិស័យសេដ្ឋកិច្ចបានមួយកម្រិតថែមទៀតដែលនឹងបម្រើដល់ប្រយោជន៍ជីវភាពរស់នៅរបស់ប្រជាពលរដ្ឋទូទៅនៅក្នុងខេត្តកោះកុង។
លោកជំទាវ មិថុនា ភូថង បានបន្តថា ជាមួយនឹងកំពង់ផែថ្មីនេះ ខេត្តកោះកុងនឹងអាចបង្កើនទំហំពាណិជ្ជកម្មជាមួយតំបន់ផ្សេងៗទៀតនៅក្នុងប្រទេសកម្ពុជា និងប្រទេសជិតខាងកាន់តែមានភាពងាយស្រួល ដែលអាចកាត់បន្ថយការចំណាយលើការដឹកជញ្ជូនបានកាន់តែច្រើនជាងមុន។
ឯកឧត្តម ម៉ក់ ស៊ីដេត មន្រ្តីជាន់ខ្ពស់នៃអគ្គនាយកដ្ឋានដឹកជញ្ចូនផ្លូវទឹក ផ្លូវសមុទ្រ និងកំពង់ផែរបស់ក្រសួងសាធាណការ បង្ហាញសុទិដ្ឋិនិយមថា ២ឆ្នាំក្រោយកំពង់ផែទំនិញរាយ និងទេសចរណ៍តម្លៃ១.៥លានដុល្លារនៅក្រុងខេមរភូមិន្ទសង់រួចរាល់ ខេត្តកោះកុងនឹងកាន់តែមានសក្កានុពលស្រូបយកវិស័យសេដ្ឋកិច្ចពាណិជ្ជកម្មពីបណ្តាខេត្តផ្សេងៗ។
ឯកឧត្តម ម៉ក់ ស៊ីដេត បញ្ជាក់ថា បច្ចុប្បន្នរាជរដ្ឋាភិបាលកំពុងសម្រួចការធ្វើផ្លូវពីខេត្តបាត់ដំបង ខេត្តពោធិសាត់ឆ្ពោះត្រង់មកខេត្តកោះកុងតែម្តង ដែលជាសក្កានុពលដ៏ខ្លាំងក្លាមួយ ខាងផ្នែកសេដ្ឋកិច្ចពាណិជ្ចកម្មបន្ថែមលើវត្តមានកំពង់ផែថ្មីនេះ ដោយសម្រួលដល់ដឹកជញ្ចូនទំនិញផ្សេងៗរបស់ពលរដ្ឋបន្តទៅប្រទេសថៃ ឬវៀតណាមបានយ៉ាងងាយស្រួលជាងមុន។
យោងតាមរបាយការណ៍របស់ មន្ទីរសាធារណការ និងដឹកជញ្ចូនខេត្តកោះកុង គម្រោងសាងសង់កំពង់ផែថ្មីនេះ ជាប្រភេទបេតុងអាមេមានប្រវែង៦៩ម៉ែត្រ និងទទឹង១៦.៥ម៉ែត្រ ស្ពានបេតុងភ្ជាប់ទៅផែប្រវែង២៨ម៉ែត្រ ទទឹង៨ម៉ែត្រ ចំនួន២កន្លែង។
លោក អន ដាវុធ ប្រធានមន្ទីរសាធារណការ និងដឹកជញ្ចូនខេត្តកោះកុង បញ្ជាក់ថា ផ្លូវបេតុងចេញចូលផែទំហំ ១៦២២.៨ម៉ែត្រការ៉េ កម្រាស់០.២៣ម៉ែត្រ រីឯផ្លូវដើរទំហំ១០០.៨ម៉ែត្រការ៉េ កម្រាស់០.២ម៉ែត្រ ព្រមទាំងប្រព័ន្ធលូមុខកាត់០,៨ម៉ែត្រ ប្រវែង២៧៤ម៉ែត្រ និងអណ្តូងលូចំនួន១០កន្លែង។
អត្តបទ៖ សិរីវឌ្ឍនៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ