ព័ត៌មានជាតិ

អាជ្ញាធររាជធានីភ្នំពេញ បន្តចែកម៉ាសជូនបងប្អូនកម្មករសំណង់នៅក្នុងបុរីជាង៧០០នាក់ ដើម្បីការពារការឆ្លងជំងឺកូវីដ-១៩

បានផុស

៦ years មុន

នៅ

ថ្ងៃសុក្រ ១៣ វិច្ឆិកា ២០២០

ដោយ

ភ្នំពេញ ៖ អាជ្ញាធររាជធានីភ្នំពេញ ដឹកនាំដោយលោកឃួង ស្រេង ជាអភិបាលនៅល្ងាចថ្ងៃទី១៣ខែវិច្ឆិកា ឆ្នាំ២០២០នេះបានបន្តយកម៉ាស់ទៅចែកជូនបងប្អូនកម្មករសំណង់នៅក្នុងបុរីជាង៧០០នាក់ ដើម្បីការពារការឆ្លងជំងឺកូវីដ-១៩។

កម្មករសំណង់ជាង៧០០នាក់នេះ ជាកម្មករដែលបាននឹងកំពុងបំពេញការងារនៅក្នុងបុរីមួយកន្លែង ស្ថិតនៅក្នុងសង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ ដោយក្នុងកម្មករម្នាក់ទទួលបានម៉ាសរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាចំនួន២បន្ទះ ដែលជាប្រភេទម៉ាសដែលអាចបោកទឹកបាននិងប្រើប្រាស់បានយូរ។

លោកឃួង ស្រេង បានមានប្រសាសន៍លើកឡើងថា អនុវត្តទៅតាមការណែនាំរបស់សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា គឺបានឲ្យអាជ្ញាធរបន្តចែកម៉ាសជូនបងប្អូនប្រជាពលរដ្ឋដែលក្រីក្រមិនមានលទ្ធភាពក្នុងការទិញម៉ាសយកមកប្រើប្រាស់ក្នុងការការពារជំងឺកូវីដ-១៩។

លោកបញ្ជាក់ដែរថា កម្មករដែលត្រូវប្រគល់ជូននៅពេលនេះ ជាកម្មករក្រៅប្រព័ន្ធដែលយើងត្រូវតែយកចិត្តទុកដាក់ខ្ពស់និងត្រូវតែចែកម៉ាសជូនពួកគាត់។

លោកបន្តថា សម្ដេចតេជោតែងតែគិតគូរពីសុខទុក្ខរបស់បងប្អូនប្រជាពលរដ្ឋមិនថាប្រជាពលរដ្ឋក្រីក្រឬមានទ្រព្យនោះទេ សំខាន់ ធ្វើយ៉ាងណាឲ្យប្រជាពលរដ្ឋមានសុខភាពល្អ ពិសេស ក្នុងតំណាក់កាលនេះ ជៀសអោយផុតជំងឺកូវីដ-១៩។

គួរបញ្ជាក់ថា តាមរយៈរដ្ឋមន្ត្រីក្រសួងសុខាភិបាល សម្ដេចតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា កាលពីប៉ុន្មានថ្ងៃមុននេះ បានប្រគល់ម៉ាស់ក្រណាត់ចំនួន២លានបន្ទះ ជូនមកសាលារាជធានីភ្នំពេញ ដើម្បីយកទៅប្រគល់ជូនដល់ប្រជាពលរដ្ឋក្រីក្រដែលមិនមានលទ្ធភាពក្នុងការទិញម៉ាសយកមកប្រើប្រាស់ ខណៈដែលជំងឺកូវីដ-១៩បាននឹងកំពុងកើតមាននៅក្នុងរាជធានីភ្នំពេញ៕
ស្រីរ័ត្ន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Related Topics:

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា