Connect with us

ព័ត៌មានជាតិ

រដ្ឋបាល​រាជធានី​ភ្នំពេញ ស្ដារ​ប្រឡាយ​បឹង​ហា​រួចរាល់​១០០​ភាគរយ​ហើយ ដើម្បី​រំដោះ​ជំនន់​ទឹកភ្លៀង​នៅ​រដូវវស្សា​នេះ​

បានផុស

នៅ

ការស្ដារ​ប្រឡាយ​បឹង​ហា ដែល​មាន​ប្រវែង​ជាង​២​គីឡូម៉ែត្រ ចាប់ពី​ស្ពានថ្ម​ផ្លូវ​ព្រៃ​ស ដល់​ស្ថានីយ​បូម​ទឹកលូ​ប្រាំ ស្ថិត​ក្នុង​សង្កាត់​ដង្កោ ខណ្ឌ​ដង្កោ រាជធានី​ភ្នំពេញ ពេលនេះ​រដ្ឋបាល​រាជធានី​ភ្នំពេញ​ បាន​ធ្វើ​សកម្មភាព​ស្តារ​រួចរាល់​១០០​ភាគរយ​ហើយ ដើម្បី​រំដោះ​ជំនន់​ទឹកភ្លៀង​នៅ​រដូវវស្សា​នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក ម៉ៅ ប៊ុនធឿន ប្រធាន​មន្ទីរ​ធនធានទឹក​និង​ឧតុនិយម​រាជធានី​ភ្នំពេញ បាន​មានប្រសាសន៍​ឲ្យ​ដឹង​នៅ​ព្រឹក​ថ្ងៃទី​០៣​មិថុនា​នេះ​ថា ក្រោម​ការណែនាំ​របស់លោក ​ឃួ​ង ស្រេង ​អភិបាល​នៃ​គណៈ​អភិបាល​រាជធានី​ភ្នំពេញ បើ​ទោះ​បី​រាជធានី​ភ្នំពេញ​បាន​នឹង​កំពុង​រីក​រាលដាល​នៃ​ជំងឺ​កូ​វីដ​-១៩​ក៏ដោយ ក៏ប៉ុន្តែ​អាជ្ញាធរ​រាជធានី​ភ្នំពេញ​នៅតែ​បន្តធ្វើ​សកម្មភាព​ស្តារ​និង​អភិវឌ្ឍ​មូលដ្ឋាន​រាជធានី​ដដែល មានន័យថា ដៃ​ម្ខាង​ធ្វើការ​អភិវឌ្ឍ​និង​ដៃ​ម្ខាង​ទៀត បង្ការ​និង​ទប់ស្កាត់​ជំងឺ​កូ​វីដ​-១៩​។

ជាក់ស្តែង នៅពេលនេះ អាជ្ញាធរ​រាជធានី​ភ្នំពេញ​បាន​ស្ដារ​ប្រឡាយ​បឹង​ហា រួចរាល់​១០០​ភាគរយ​ហើយ ដើម្បី​រំដោះ​ជំនន់​ទឹកភ្លៀង​នៅ​រដូវវស្សា​នេះ។ ប្រឡាយ​បឹង​ហា ត្រូវ​បាន​ក្រុមការងារ​នៃ​មន្ទីរ​ធនធាន​ទឹក​និង​ឧតុនិយម​រាជធានី​ភ្នំពេញ​ធ្វើការ​ស្តារ​កាលពី​ថ្ងៃទី​២៧ ខែ​មិនា ឆ្នាំ​២០២១ ដោយ​ប្រើប្រាស់​រយៈពេល​ជាង​២​ខែ ហើយ​គិត​មកដល់​ថ្ងៃ​ទី​០៣ មិថុនា​នេះ ការដ្ឋាន​ទាំងមូល​បានបញ្ចប់​រួចរាល់​១០០​ភាគរយ​ហើយ​។

​លោក​បញ្ជាក់​ថា ប្រឡាយ​បឹង​ហា​នេះ មាន​ប្រវែង ២៥៨០​ម៉ែត្រ ទទឹង ២៥​ម៉ែត្រ​ទៅ​៣០​ម៉ែត្រ ដោយ​ចាប់ពី​ស្ពានថ្ម​ផ្លូវ​ព្រៃ​ស ដល់​ស្ថានីយ​បូម​ទឹក​លូ​ប្រាំ ស្ថិត​ក្នុង​សង្កាត់​ដង្កោ​ខណ្ឌ​ដង្កោ រាជធានី​ភ្នំពេញ​។ លោក ម៉ៅ ប៊ុនធឿន បាន​បញ្ជាក់​ផង​ដែរ​ថា ប្រឡាយ​បឹង​ហា​នេះ ពិត​ជាមាន​តួនាទី​យ៉ាង​សំខាន់​ក្នុង​ការ​រំដោះ​ទឹក​ពី​ភូមិឋាន​ប្រជាពលរដ្ឋ ដោយ​បាន​រំដោះ​ទឹកភ្លៀង​មួយផ្នែក​ខ្លះ​នៃ​ភូមិសាស្ត្រ​ខណ្ឌ​ដង្កោ ខណ្ឌ​ពោធិ​សែន​ជ័យ​និង​ខណ្ឌ​មានជ័យ៕

អត្ថបទ៖ ​ស្រីរ័ត្ន

សូមចុចអាន៖ ​ផ្លូវ​ជាតិលេខ ៣ រលោងស្រិល សូម​កុំ​ឲ្យ​មាន​ភក់ជ្រាំ​តាម​ដង​ផ្លូវ ក្រសួង​ទទូច​បង​ប្អូន ជួយ​ថែរក្សា​​អនាម័យ​​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៤ នាទី មុន

យីហោល្បីៗសម្រុកផ្ដាច់កុងត្រាពាណិជ្ជកម្មគ្មានសល់ ​ក្រោយ Han So Hee ចម្រូងចម្រាសស្នេហាត្រីកោណ

ព័ត៌មានជាតិ២២ នាទី មុន

ឯកឧត្ដម ហ៊ុន ម៉ានី អញ្ជើញបើកវគ្គបណ្ដុះបណ្ដាលស្ដីពី «ភាពជាអ្នកដឹកនាំ និងនវានុវត្តន៍ ជំនាន់ទី ៦»

ព័ត៌មានអន្ដរជាតិ២៧ នាទី មុន

ថៃ មិនទាន់មានលុយគ្រប់ ៤៧០ លានដុល្លារទិញនាវាមុជទឹក

ព័ត៌មានជាតិ២ ម៉ោង មុន

រដ្ឋមន្ត្រីក្រសួងសាធារណការ​ចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាម​ដងផ្លូវ

សន្តិសុខសង្គម២ ម៉ោង មុន

អាវុធហត្ថខេត្តបាត់ដំបង ឃាត់ខ្លួនជនសង្ស័យ​២នាក់ ករណីប្រើប្រាស់ឯកសណ្ឋាន និងក្លែងបន្លំឯកសារកងទ័ព

Sokha Hotels

ព័ត៌មានពេញនិយម