ព័ត៌មានជាតិ

កម្ពុជានិងម៉ាកាវ ចុះកិច្ចព្រមព្រៀងរួមគ្នាលើការលុបបំបាត់ការយកពន្ធត្រួតគ្នា ពន្ធលើប្រាក់ចំណូលនិងការបង្ការការគេចវេះពន្ធ

បានផុស

៥ years មុន

នៅ

ថ្ងៃសុក្រ ១១ មិថុនា ២០២១

ដោយ

ភ្នំពេញ ៖ រាជរដ្ឋាភិបាលកម្ពុជានិងរដ្ឋាភិបាលនៃតំបន់រដ្ឋបាលពិសេសម៉ាកាវនៃសាធារណៈសាធារណរដ្ឋប្រជាមានិតចិនបានចុះហត្ថលេខាលើកិច្ចព្រមព្រៀង ស្តីពីការលុបបំបាត់ការយកពន្ធត្រួតគ្នាពាក់ព័ន្ធនឹងពន្ធពាក់ព័ន្ធពន្ធលើប្រាក់ចំណូលនិងការបង្ការការគេចវេះពន្ធនិងការជៀសវាងពន្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាម អគ្គនាយកដ្ឋានពន្ធដារនៃក្រសួងសេដ្ឋកិច្ចនិងហិរញ្ញវត្ថុបានបញ្ជាក់ថាការចុះកិច្ចព្រមព្រៀងរវាងរដ្ឋាភិបាលកម្ពុជានិងរដ្ឋាភិបាលនៃតំបន់រដ្ឋបាលពិសេសម៉ាកាវ នេះត្រូវបានចុះហត្ថលេខាដោយឯកឧត្តមបណ្ឌិតសភាចារ្យអូនព័ន្ធមុនីរ័ត្ន ឧបនាយករដ្ឋមន្ត្រីរដ្ឋមន្ត្រីក្រសួងសេដ្ឋកិច្ចហិរញ្ញវត្ថុក្នុងនាមរដ្ឋាភិបាលកម្ពុជាកាលពីថ្ងៃទី ២៣ ខែមេសា ឆ្នាំ២០២១ នៅរាជធានីភ្នំពេញ និង លោកឡី វ៉ៃ នុង រដ្ឋមន្ត្រីសេដ្ឋកិច្ចនិងហិរញ្ញវត្ថុក្នុងនាមជារដ្ឋាភិបាលតំបន់រដ្ឋបាលពិសេសម៉ាកាវនៅថ្ងៃទី២៤ខែកុម្ភៈ ឆ្នាំ២០២១ នៅទីក្រុងម៉ាកាវ។

អគ្គនាយកដ្ឋានពន្ធដារបានបន្តថា កិច្ចព្រមព្រៀងនេះជាកិច្ចព្រមព្រៀង ឌីធីអេទី ១០ដែលប្រទេសកម្ពុជាបានចុះហត្ថលេខាជាមួយយុត្តាធិការដៃគូហើយកិច្ចព្រមព្រៀងនេះផ្ដល់អត្ថប្រយោជន៍ដល់ភាគីហត្ថលេខីលើកិច្ចការពង្រឹងកិច្ចសហប្រតិបត្តិការទ្វេភាគីធ្វើឲ្យប្រាកដប្រជាក្នុងការកំណត់សិទ្ធិនៃការយកពន្ធកំណើនមូលដ្ឋានគិតពន្ធតាមរយៈការទាក់ទាញវិនិយោគដោយផ្ទាល់រំហូរមូលធន ការផ្ទេរបច្ចេកវិទ្យានិងជំនាញពីបរទេស ការការពារនិងវាសនជនប្រព្រឹត្តិមិនត្រឹមត្រូវពាក់ព័ន្ធនឹងពន្ធនិងការការពារចំណូលពន្ធក្នុងស្រុកតាមរយៈកិច្ចសហប្រតិបត្តិការប្រយុទ្ធប្រឆាំងនឹងការគេចវេះពន្ធរវាងយុត្តាធិការទាំងពីរ។

អគ្គនាយកដ្ឋានពន្ធដារបានបន្ថែមទៀតថា កិច្ចព្រមព្រៀងនេះនឹងចូលជាធរមាននៅពេលដែលយុត្ថាធិការទាំងពីរបានបញ្ចប់នីតិវិធីក្នុងស្រុកវៀងៗខ្លួន។

អគ្គនាយកដ្ឋានពន្ធដារបានចាត់ទុកកិច្ចព្រមព្រៀងនេះជាសមិទ្ធផលថ្មីមួយទៀតក្នុងចំណោមសមិទ្ធផលធំៗជាច្រើនដែលរដ្ឋាភិបាលនីតិកាលទី៦សម្រេចបានហើយកម្ពុជាបានកំពុងចរចាលើកិច្ចព្រមព្រៀងដូចគ្នានេះជាមួយដៃគូមួយចំនួនទៀតដូចជាហ្វីលីពីនឡាវជប៉ុននិងតួកគីជាដើម៕

ដោយ ៖ សំអឿន