ព័ត៌មានជាតិ

ឃាត់រថយន្ត២៧គ្រឿងយកមករក្សាទុក ក្រោយពីជូនដំណឹងហើយមិនស្តាប់

បានផុស

១ ខែ មុន

នៅ

ថ្ងៃសៅរ៍ ១២ មិថុនា ២០២១

ដោយ

បន្ទាប់ពីទុកឱកាសឲ្យ៣ថ្ងៃហើយនោះនៅតែហ៊ានដាក់តាំងលក់រថយន្តកួកជេបែបអនាធិបតេយ្យទៀតនោះទើបអាជ្ញាធរខណ្ឌដូនពេញចាប់ផ្តើមលេងធម៌ក្តៅដោយចាប់ឃាត់រថយន្តបាន២៧គ្រឿងយករក្សាទុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនៅថ្ងៃសៅរ៍ទី១២ ខែមិថុនា ឆ្នាំ ២០២១នេះកម្លាំងគណៈបញ្ជាការឯកភាពខណ្ឌដូនពេញដឹកនាំដោយ លោក សុខ ពេញវុធ អភិបាល នៃគណៈអភិបាលខណ្ឌដូនពេញ សហការជាមួយកម្លាំងស្នងការដ្ឋាននគរបាលរាជធានីភ្នំពេញ ដឹកនាំដោយ ឯកឧត្តម ឧត្តមសេនីយ៍ទោ ចេវ ហាក់ ស្នងការរងនគរបាលរាជធានីភ្នំពេញ បានចុះរៀបចំសណ្តាប់ធ្នាប់ របៀបរៀបរយសាធារណៈរថយន្តកួកជេ និងរថយន្ត ដែលបានមកចតចោលនៅលើទ្រូងផ្លូវ និងចិញ្ចើមផ្លូវ និងទ្រូងផ្លូវសាធរណៈបណ្តាលអោយបាត់បង់សណ្តាប់ធ្នាប់ របៀបរៀបរយសាធារណ: បង្ករការកកស្ទះចរាចរណ៍និងសោភណ្ឌភាពរាជធានីភ្នំពេញ។

ក្នុងប្រតិបត្តិការនោះដែរជាលទ្ធផល កម្លាំងចម្រុះបានឃាត់រថយន្តចំនួន ២៧គ្រឿង ដោយត្រូវបានស្ទូច និងដកហូតយកមករក្សាទុកនៅរដ្ឋបាលខណ្ឌដូនពេញរួមមាន៖

១/រថយន្តកួកជេចំនួន ១៧គ្រឿង

២/រថយន្តសំចតសម្រាប់ជួលចំនួន០៥គ្រឿង ។

៣/រថយន្តប្រជាពលរដ្ឋចំនួន ០៥គ្រឿង ។

លោកសុខ ពេញវុធ អភិបាលនៃគណៈអភិបាលខណ្ឌដូនពេញបញ្ជាក់ថាដើម្បីធានាបាននូវប្រសិទ្ធភាពនៃការអនុវត្តនូវវិធានការរដ្ឋបាលនេះ កម្លាំងចម្រុះនឹងបន្តចុះអនុវត្តការងារនេះជាបន្តទៀត នៅវេលាម៉ោង១៤៖៣០នាទីរសៀលនេះជាបន្តទៀត៕

អត្ថបទ៖ រស្មី