ព័ត៌មានជាតិ

ក្រសួងអប់រំប្រកាសប្រឡងឌីប្លូម នៅថ្ងៃទី១៥ វិច្ឆិកា និងប្រឡងបាក់ឌុបនៅថ្ងៃទី៦ធ្នូខាងមុខ

បានផុស

៥ years មុន

នៅ

ថ្ងៃព្រហស្បតិ៍ ១៧ មិថុនា ២០២១

ដោយ

ភ្នំពេញ ៖ ក្រសួងអប់រំយុវជននិងកីឡាបានកំណត់កាលបរិច្ឆេទប្រឡងសញ្ញាបត្រមធ្យមសិក្សាមធ្យមសិក្សាបឋមភូមិឬឌីប្លូម នៅថ្ងៃទី១៥ ខែវិច្ឆិកា ឆ្នាំ២០២១ និង ប្រឡងសញ្ញាបត្រមធ្យមសិក្សាទុតិយភូមិឬបាក់ឌុប នៅថ្ងៃទី០៦ ខែធ្នូ ឆ្នាំ២០២១ខាងមុខនេះ។

យោងតាមសេចក្តីជូនដំណឹងរបស់ក្រសួងអប់រំយុវជននិងកីឡាចុះថ្ងៃទី១៧មិថុនាបានឲ្យដឹងថាចំពោះការប្រកាសលទ្ធផលប្រឡងឌីប្លូមនឹងប្រព្រឹត្តិទៅនៅថ្ងៃទី២២ខែវិច្ឆិកាឆ្នាំ២០២១និងប្រកាសលទ្ធផលប្រឡងបាក់ឌុបវិញនៅថ្ងៃទី២៨និង២៩ខែធ្នូឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ថា កាលពីឆ្នាំ២០២០កន្លងទៅដោយសារតែវិបត្តិជំងឺកូវីដ ១៩ប្រមុខរដ្ឋាភិបាលកម្ពុជាសម្តេចតេជោហ៊ុន សែន បានសម្រេចឲ្យបេក្ខជនប្រឡងឌីប្លូមដែលមិនបានចូលប្រឡងនិងបេក្ខជនប្រឡងធ្លាក់និងបេក្ខជនដែលបានដាក់ពាក្យប្រឡងបាក់ឌុបទាំងអស់ឲ្យជាប់ដោយស្វ័យប្រវត្តិដោយមិនចាំបាច់ឆ្លងកាត់ការប្រឡងឡើយ។

លោក រស់ សុ វាចា អ្នកនាំពាក្យក្រសួងអប់រំយុវជននិងកីឡាបានលើកទឹកចិត្តសិស្សានុសិស្ស និងបេក្ខជនប្រឡងទាំងអស់បន្តខិតខំប្រឹងប្រែងរៀនសូត្រតាមអនឡាញ ថែរក្សាសុខភាព និងគាំទ្រគ្នាទៅវិញទៅមកខណៈពេលដែលកម្ពុជា និងពិភពលោកកំពុងប្រឈមនឹងកូវីដ-១៩នៅឡើយ។ លោក បានបញ្ជាក់ថា ក្រសួងអប់រំនៅតែបន្តលើកកម្ពស់គុណភាពអប់រំ និងគុណភាពប្រឡងឌីប្លូមនិងបាក់ឌុបដដែលបើទោះបីជាកម្ពុជាជួបប្រទះនឹងជំងឺកូវីដ-១៩ក៏ដោយ៕

ដោយ ៖ សំអឿន