ព័ត៌មានជាតិ

អាជ្ញាធរខេត្តឧត្ដរមានជ័យ សម្រេចផ្អាកទីតាំងអាជីវកម្ម៧កន្លែង ក្រោយជាប់ពាក់ព័ន្ធករណីកូវីដ-១៩

បានផុស

៥ years មុន

នៅ

ថ្ងៃសុក្រ ១៨ មិថុនា ២០២១

ដោយ

ទីតាំងអាជីវកម្មចំនួន៧កន្លែង ត្រូវបានអាជ្ញាធរខេត្តឧត្ដរមានជ័យ សម្រេចបិទជា បណ្តោះអាសន្ន កាលពីថ្ងៃទី១៧ ខែមិថុនា ឆ្នាំ២០២១ ក្រោយមានជាប់ពាក់ព័ន្ធជាមួយអ្នកវិជ្ជមានកូវីដ១៩។

រដ្ឋបាលខេត្តឧត្ដរមានជ័យ មានកិត្តិយសសូមជម្រាបជូនបងប្អូនប្រជាពលរដ្ឋ និងសាធារណជនឲ្យបានជ្រាបថា យោងតាមសេចក្ដីសម្រេចរបស់រដ្ឋបាលខេត្តឧត្ដរមានជ័យ ទីតាំងចំនួន ៧កន្លែង ត្រូវបានបិទខ្ទប់ជាបណ្តោះអាសន្ន ស្ថិតនៅក្រុងសំរោង ខេត្តឧត្តរមានជ័យ ចាប់ពីថ្ងៃទី ១៧ ខែមិថុនា ឆ្នាំ២០២១នេះ រហូតដល់មានការសម្រេចជាថ្មី ដោយមូលហេតុ ទីតាំងមានការពាក់ព័ន្ធនឹងករណីអ្នកជំងឺកូវីដ-១៩ ឈ្មោះ ជា វីរៈ ភេទប្រុស អាយុ ២៩ឆ្នាំ មានអាសយដ្ឋាន ស្ថិតនៅភូមិបុរីរដ្ឋបាល សង្កាត់សំរោង ក្រុងសំរោង ធ្វើជាជាងទង ធ្វើការនៅតូបឈ្មោះ ជា ស៊ន ក្នុងផ្សារសំរោង ដូចខាងក្រោម៖

១. ផ្ទះរបស់ឈ្មោះ ជា វីរៈ ភេទប្រុស អាយុ ២៩ឆ្នាំ ស្ថិតនៅភូមិឈូក សង្កាត់សំរោង

២. ផ្ទះរបស់ឈ្មោះ រស់ ងំ ភេទស្រី អាយុ ៤៣ឆ្នាំ ស្ថិតនៅភូមិបុរីរដ្ឋបាល សង្កាត់សំរោង (ត្រូវជា

ម្តាយរបស់ឈ្មោះ ជា វីរៈ)

៣. ផ្ទះរបស់ឈ្មោះ ឆាន ឈួន ភេទប្រុស អាយុ ៥៥ឆ្នាំ ស្ថិតនៅភូមិបុរីរដ្ឋបាល សង្កាត់សំរោង

៤.ផ្ទះលក់គុយទាវរបស់ឈ្មោះ ស៊ុន គុយ ភេទប្រុស អាយុ ៦៣ឆ្នាំ ស្ថិតនៅភូមិកំណប់ សង្កាត់

បន្សាយរាក់

៥. ទីតាំងលក់កាហ្វេឈ្មោះ ដេរ កាហ្វេ ស្ថិតនៅភូមិត្នោត សង្កាត់សំរោង

៦. ផ្ទះរបស់ឈ្មោះ សេម ជឿន ភេទស្រី អាយុ ៤៨ឆ្នាំ ស្ថិតនៅភូមិឈូក សង្កាត់សំរោង

៧. ផ្ទះរបស់ឈ្មោះ វុត ធី ភេទប្រុស អាយុ ៤២ឆ្នាំ ស្ថិតនៅភូមិបុរីរដ្ឋបាល សង្កាត់សំរោង ខេត្តឧត្តរមានជ័យ។

រដ្ឋបាលខេត្តឧត្តរមានជ័យ សង្ឃឹមយ៉ាងមុតមាំថា បងប្អូនប្រជាពលរដ្ឋទាំអស់នៅក្នុងខេត្ត ចូលរួមអនុវត្តឲ្យបានម៉ឺងម៉ាត់ និងអនុវត្តនូវវិធានការការពាររបស់រាជរដ្ឋាភិបាលនិងការណែនាំរបស់ក្រសួងសុខាភិបាល៕

អត្ថបទ៖ ៖ចាន់ ធី

សូមចុចអាន៖ ខេត្តកំពង់ធំរកឃើញអ្នកឆ្លងកូវីដថ្មីចំនួន៥៣នាក់ និងជាសះស្បើយចំនួន១៦នាក់