បញ្ជូន​ទៅព្យាបាល​ភ្លាមៗ ​មន្ត្រីនគរបាល២រូប តេស្ត​មាន​​កូវីដ-១៩

ខេត្តបាត់ដំបង៖ យោងតាមរបាយការណ៍របស់លោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង ដែលបានរាយការណ៍ទៅអគ្គស្នងការនគរបាលជាតិបានបញ្ជាក់ថា នៅថ្ងៃទី២៩ ខែមិថុនា ឆ្នាំ២០២១ ក្រុមគ្រូពេទ្យបានរកឃើញមន្ត្រីនគរបាល២រូប ដែលបម្រើការនៅក្នុងការិយាល័យព្រហ្មទណ្ឌកម្រិតស្រាល មានផ្ទុកកូវីដ-១៩ ។

របាយការណ៍បានបន្តថា បុគ្គលទាំង២រូបគឺ ១.លោកអនុសេនីយ៍ទោ នូ ចន្ថា និងលោក ហេង និរុន ហើយក៏មានមន្ត្រីដែលពាក់ព័ន្ធចំនួន២៩រូប ដែលក្នុងនោះ ពាក់ព័ន្ធផ្ទាល់ចំនួន ១៣ រូប និងប្រយោលចំនួន ១៦ រូប។

ភ្លាមៗនោះដែរបុគ្គលទាំង២រូបបានបញ្ជូនទៅព្យាបាលនៅក្នុងមន្ទីរពេទ្យខេត្ត ដោយឡែកអ្នកពាក់ព័ន្ធ ក្រុមគ្រូពេទ្យបានធ្វើតេស្តគឺអវិជ្ជមានទាំងអស់ ដោយបច្ចុប្បន្ននេះបុគ្គលទាំង២៩រូប ត្រូវបានកំណត់អោយធ្វើចត្តាឡីស័កនៅក្នុងបន្ទប់ប្រចាំការនៃការិយាល័យព្រហ្មទណ្ឌកម្រិតស្រាលទាំងអស់៕

អត្ថបទ៖ សោ និយមរ័ត្ន