ព័ត៌មានជាតិ
គ្រួសារអតីតយុទ្ធពិការមានជីវភាពខ្វះខាតទទួលបានផ្ទះថ្មីមួយខ្នង ជាអំណោយដ៏ថ្លៃថ្លាសម្ដេចតេជោ និងសម្តេចកិត្តិព្រឹទ្ធបណ្ឌិត
គ្រួសារអតីតយុទ្ធពិការ មានជីវភាពលំបាកខ្វះខាត គ្មានលទ្ធភាពសាងសង់ជម្រកស្នាក់នៅបានសមរម្យ ថ្ងៃនេះមានសំណាង គឺបានទទួលផ្ទះថ្មីមួយខ្នង ដែលជាខ្នងផ្ទះលើកទី១៩៣ និង ជាអំណោយដ៏ថ្លៃថ្លាសម្ដេចតេជោហ៊ុន សែន និងសម្តេចកិត្តិព្រឹទ្ធបណ្ឌិត ដែលត្រូវបានចុះប្រគល់ជូន ដោយ ឧត្តម សេនីយ៍ទោ សោម ស៊ុន ប្រធានសមាគមអតីតយុទ្ធជនកម្ពុជាខេត្តកំពង់ធំ រួមជាមួយនិងអាជ្ញាធរដែនដី នៅនៅភូមិចន្លុះ ឃុំបន្ទាយស្ទោង ស្រុកស្ទោង ខេត្តកំពង់ធំ នៅរសៀលថ្ងៃទី ០២ ខែកក្កដា ឆ្នាំ២០២១ ។
ផ្ទះខ្នងទី១៩៣ ត្រូវបានសាងសង់ឡើងដោយ គណៈកម្មាធិការសមាគមអតីតយុទ្ធជនកម្ពុជា ខេត្តកំពង់ធំ តាមរយះ ឯកឧត្តមទេសរដ្ឋមន្ត្រីនាយឧត្តមសេនីយ៍ គន់ គីម អគ្គលេខាធិការ សមាគមអតីតយុទ្ធជនកម្ពុជា ជូនលោក អនុសេនីយ៍ត្រី លឹង លាវ អាយុ៥៦ឆ្នាំ ជាបុរសពោះម៉ាយ ប្រពន្ធស្លាប់មានសមាជិកគ្រួសារនៅក្នុងបន្ទុកចំនួន៨នាក់ ចូលបម្រើក្នុងជួរនគរបាលជាតិនៅឆ្នាំ១៩៨៤ ស្រុកស្ទោង ខេត្តកំពង់ធំ ។
ឧត្តមសេនីយ៍ទោ សោម ស៊ុន បានឲ្យដឹងថា ផ្ទះថ្មីដែលប្រគល់ជូនគ្រួសារអតីតយុទ្ធជនពិការ ទំហំ៦ម X៤ម សាងសង់ខ្ពស់ផុតពីដី សសរបេតុង ឆ្អឹងដែក រនាបក្តា ដំបូលប្រក់ស័ង្កសីកិនភ្លី និងជណ្ដើរកាច់ និងបាននាំយកនូវអំណោយរបស់ឯកឧត្តម ឧត្តមសេនីយ៍ឯកហ៊ុន ម៉ាណែត និងលោកជំទាវពេជ្រ ចន្ទមុន្នី ផ្ដល់ជូនបន្ថែម មាន រទេះរុញ សម្រាប់ជនពិការ១គ្រឿង.អង្ករ៥០គីឡូក្រាម.មី២កេស.ត្រីខកំប៉ុង១យួរ.ទឹកត្រី១យួរ និងថវិកាមួយចំនួនផងដែរ ។
ឧត្តមសេនីយ៍ទោ សោម ស៊ុន បានពាំនាំនូវការផ្តាំ ផ្ញើសាកសួរសុខទុក្ខពីសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ដែលតែងតែគិតគូរអំពីសុខទុក្ខ និងជីវភាពរស់នៅរបស់បងប្អូនអតីតយុទ្ធជន នៅគ្រប់ទីកន្លែងនិងគ្រប់ពេលវេលា ព្រោះអតីតយុទ្ធជនបានរួមចំណែកយ៉ាងធំធេង ជាមួយសម្ដេចតេជោ ហ៊ុន សែន ក្នុងការអនុវត្ត នូវនយោបាយឈ្នះ ឈ្នះ ដើម្បីឲ្យប្រទេសជាតិ មានសុខសន្តិភាពពេញលេញដូចសព្វថ្ងៃនេះ បើគ្មានអតីតយុទ្ធជន ក៏មិនមានអ្វីៗគ្រប់យ៉ាងនៅថ្ងៃនេះដែរ ។
គ្រួសារអតីតយុទ្ធជនពិការ បានសូមគោរពថ្លែងអំណរគុណដ៏ជ្រាលជ្រៅជាទីបំផុតចំពោះសម្ដេចតេជោ ហ៊ុន សែន និងសម្ដេចកិត្តិ ព្រឹទ្ធ បណ្ឌិត ព្រមទាំងឯកឧត្តម ហ៊ុន ម៉ាណែត និង លោកជំទាវ ព្រមទាំងគណៈកម្មាធិការសមាគម អតីតយុទ្ធ ជនកម្ពុជាខេត្តកំពង់ធំ សូមបានជួបតែនឹង ពុទ្ធពរទាំងប្រាំប្រការកុំបីឃ្លៀងឃ្លាតឡើយ ៕
អត្ថបទ ៖ ប៊ុន រដ្ឋា
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២០ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ១៩ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»