ព័ត៌មានជាតិ
មិនទាន់មានគ្រូពេទ្យណាម្នាក់ ដកចេញពីក្របខណ្ឌ ក្រោយការព្រមានពីប្រមុខរដ្ឋាភិបាល
លោកជំទាវ យក់ សម្បត្តិ រដ្ឋលេខាធិការក្រសួងសុខាភិបាលបានបញ្ជាក់នៅព្រឹកនេះថា មកដល់ពេលនេះមិនទាន់មានគ្រូពេទ្យណាម្នាក់ត្រូវបានដកចេញពីក្របខណ្ឌ ក្រោយមានការព្រមានពីប្រមុខរដ្ឋាភិបាលសម្រាប់គ្រូពេទ្យមិនចូលរួមសកម្មភាពប្រយុទ្ធកូវីដ១៩។
ថ្លែងក្នុងសារពិសេស ដែលមានការផ្សាយផ្ទាល់ប៉ុន្មានថ្ងៃមុននេះ ប្រមុខរដ្ឋាភិបាលសម្តេចតេជោ ហ៊ុន សែន បានព្រមាននិងដាក់បញ្ជាឲ្យលុបក្របខ័ណ្ឌគ្រូពេទ្យណា ដែលគ្រាន់ដាក់ឈ្មោះប្រយុទ្ធជំងឺកូវីដ១៩ ដើម្បីបានតែឈ្មោះចូលក្របខ័ណ្ឌ។
ប្រមុខរដ្ឋាភិបាលបានថ្លែងព្រមានថា គ្រូពេទ្យដែលទទួលបានក្របខណ្ឌ មិនបានចូលរួមការងារប្រយុទ្ធកូវីដ ១៩ មានតែឈ្មោះអត់ធ្វើការ ត្រូវតែដកចេញពីក្របខណ្ឌក្រសួង។
សម្តេចបានថ្លែងថា លក្ខខណ្ឌទាល់តែអ្នកហ្នឹងស្ម័គ្រចិត្តធ្វើការនៅក្នុងក្របខ័ណ្ឌប្រយុទ្ធប្រឆាំងជំងឺកូវីដ១៩ ទើបឲ្យ ប្រសិនបើមិនព្រមលុបចេញពីក្របខ័ណ្ឌ បណ្តេញចេញពីគ្រូពេទ្យវិញ។
លោកស្រីយក់ សម្បត្តិបានលើកឡើងក្នុងឱកាសទទួលវ៉ាក់សាំងចិននៅព្រឹកនេះថា ក្រុមគ្រូពេទ្យដែលបានក្របខ័ណ្ឌត្រូវបំពេញការងារតាមគោលការណ៍ លក្ខខណ្ឌមន្រ្តីរាជការ និងភារកិច្ចដែលបានចាត់តាំង។ បើតាមការវាយតម្លៃរបស់លោកជំទាវ កន្លងទៅក្រុមគ្រូពេទ្យទាំងស្ម័គ្រចិត្ត និងក្របខណ្ឌបានបំពេញការងារបានយ៉ាងល្អទាំងថ្ងៃទាំងយប់ ប្រកបដោយទំនួលខុសត្រូវ។
ទាក់ទិនក្របខណ្ឌគ្រូពេទ្យនេះដែរ ឯកឧត្ដម ព្រុំ សុខា រដ្ឋមន្ត្រីក្រសួងមុខងារសាធារណៈបានបង្កើតក្រុមការងារត្រួតពិនិត្យ និងផ្ទៀងផ្ទាត់សំណុំលិខិតបេក្ខជន ខណៈមានបេក្ខជនស្ម័គ្រចិត្ដចូលរួមប្រយុទ្ធជាមួយជំងឺកូវីដ១៩ ជាង៤ពាន់នាក់ ត្រូវបានក្រសួងសុខាភិបាលដាក់សំណើទៅក្រសួងមុខងារសាធារណៈ ដើម្បីបញ្ចូលឈ្មោះក្នុងក្របខ័ណ្ឌមន្ត្រីរាជការ។
កាលពីឆ្នាំ ២០២០ ប្រមុខរដ្ឋាភិបាលបានណែនាំដល់ក្រសួងសុខាភិបាល បង្កើនចំនួនគ្រូពេទ្យបន្ថែមទៀតក្នុងបេសកកម្មប្រយុទ្ធជំងឺកូវីដ ១៩ ដោយផ្តល់អាទិភាពទាំងគ្រូពេទ្យស្ម័គ្រចិត្ត និងគ្រូពេទ្យកិច្ចសន្យាក្នុងការដាក់បញ្ចូលក្របខ័ណ្ឌ ដើម្បីបំពេញការងារប្រយុទ្ធប្រឆាំងនឹងការរាតត្បាតនៃជំងឺកូវីដ ១៩៕
អត្ថបទ៖ ប៊ុណ្ណារ៉ា
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៥ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ២ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៥ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៧ ថ្ងៃ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS