កុមារីវ័យ៨ឆ្នាំម្នាក់ ឆ្លងកូវីដពីឪពុក ត្រូវបានក្រុមគ្រូពេទ្យយកទៅព្យាបាល ជួបជុំជាមួយឪពុកហើយ

កុមារីរ័យ៨ឆ្នាំម្នាក់ ដែលបានឆ្លងកូវីដ-១៩ពីឪពុករបស់ខ្លួន ត្រូវបានក្រុមគ្រូពេទ្យកងទ័ពជើងទឹក យកទៅព្យាបាលនៅមណ្ឌលព្យាបាលជំងឺកូវីដ-១៩ កងទ័ពជើងទឹក ជាមួយឪពុករបស់កុមារីរូបនេះហើយ។

កងទ័ពជើងទឹក បានឲ្យដឹងថា នៅថ្ងៃទី៦ ខែកក្កដា ឆ្នាំ២០២១ ដោយសណ្តានចិត្តសណ្តោសប្រណី ពីលោកនាយឧត្តមនាវី ទៀ វិញ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងទឹក និងជាអគ្គលេខា​ធិការ នៃគណៈកម្មាធិការជាតិសន្តិសុខលម្ហសមុទ្រ បានចាត់តាំងដឹកនាំដោយលោកឧត្តមនាវីឯក វណ្ណ ប៊ុនលៀង មេបញ្ជាការរង និងជានាយសេនាធិការកងទ័ពជើងទឹក ចាត់ក្រុមគ្រូពេទ្យកងទ័ពជើងទឹក ទៅទទួលយកកុមារីអាយុ៨ឆ្នាំ មកជួបជុំជាមួយឪពុកដែលមានវិជ្ជមានកូវីដ-១៩។

កុមារីរូបនេះបានឆ្លងកូវីដ-១៩ពីឪពុករបស់ខ្លួន គឺលោកវរនាវីទោ ម៉ិច ប៊ុនធឿន ហើយត្រូវបានយកមកសង្រ្គោះព្យាបាល នៅមណ្ឌលព្យាបាលជំងឺកូវីដ-១៩ កងទ័ពជើងទឹកជាមួយឪពុក៕  (ដោយ)៖ ឃួន សុភ័ក្រ