កីឡា

ហែមថុន វិទិនី សម្រេចបំណងបង្កើតឈ្មោះ Brand ខ្លួនឯងលើសម្ភារកីឡាហែលទឹក

បានផុស

៦ ម៉ោង មុន

នៅ

ថ្ងៃព្រហស្បតិ៍ ២៣ កក្កដា ២០២៦

ដោយ

គ្រូជម្រើសជាតិហែលទឹក កញ្ញា ហែមថុន វិទិនី បានសម្រេចក្ដីបំណងដែលចង់បង្កើកសម្ភារកីឡាហែលទឹក Brand ខ្លួនឯង និងកំពុងលក់ជូនអ្នកគាំទ្រ ឬអ្នកដែលនិយមកីឡាមួយនេះនាពេលបច្ចុប្បន្ន។

កញ្ញា ហែមថុន វិទិនី

គ្រូជម្រើសជាតិហែលទឹក កញ្ញា ហែមថុន វិទិនី បានលើកឡើងថា ការបង្កើតឲ្យមានជា Brand ឬមុខរបរដោយខ្លួនឯងនេះជាក្ដីបំណងរបស់ខ្លួនដែលមានជាយូរមកហើយ និងជាអ្វីដែលមិនទាន់លេចជារូបរាងអស់ជាច្រើនឆ្នាំកន្លងទៅ។ ដោយសារតែខ្លួនឃើញអ្នកកីឡាល្បីៗមានមុខរបរ Online ដោយខ្លួនឯង និងមានភាពជោគជ័យផងនោះទើបជំរុញទឹកចិត្តខ្លួនឲ្យចាប់ផ្ដើមនៅពេលណាមួយជាមិនខាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា ហែមថុន វិទិនី

វិទិនី ចាប់ផ្ដើមបំពេញក្ដីស្រមៃមួយនេះហើយតាមរយៈការបង្កើត Brand ផ្ទាល់ខ្លួនគឺ VHY ដែលជាឈ្មោះកាត់របស់ខ្លួនតែម្ដងលើផលិតផលនោះ។ គ្រូបង្វឹករូបនេះបានធ្វើលើមួកហែលទឹក វ៉ែនតាហែលទឹក ជើងទាសម្រាប់ហែលទឹកជាដើម។ សម្ភារទាំងនេះផងដែរគឺផ្ដោតលើគុណភាពប្រើប្រាស់ និងផ្ដោតតាមស្ដង់ដាត្រឹមត្រូវសម្រាប់អ្នកហែលទឹកតែម្ដង។ ឥលូវនេះកំពុងផ្ទុះការគាំទ្រច្រើនផងដែរពីសំណាក់អ្នកនិយមហែលទឹកដែលបានកុម្ម៉ង់ចង់យកទៅប្រើប្រាស់។

សម្ភាររបស់ កញ្ញា ហែមថុន វិទិនី

បញ្ជាក់ដែរថា កញ្ញា ហែមថុន វិទិនី បច្ចុប្បន្នជាគ្រូបង្វឹកជម្រើសជាតិហែលទឹកកម្ពុជា។ រូបគេជាអតីតកីឡាការិនីឆ្នើមមួយរូបនាពេលកន្លងមក និងជាគ្រូបង្វឹកដែលបានឆ្លងកាត់វគ្គសិក្សាជំនាញបង្ហាត់បង្រៀនផ្នែកកីឡាមួយនេះកម្រិតខ្ពស់ជាច្រើនប្រទេសផងដែរ៕

អត្ថបទដោយ៖ នួន ស៊ីណា

Related Topics:កីឡាហែលទឹក