តារាខ្មែរអបអរសាទរខួបលើកទី១៣ នៃការដាក់បញ្ចូលប្រាសាទព្រះវិហារជាសម្បត្តិ​បេតិកភណ្ឌ​ពិភព​លោក​
Connect with us
Helistar Cambodia - Helicopter Charter Services

ព័ត៌មានជាតិ

តារាខ្មែរអបអរសាទរខួបលើកទី១៣ នៃការដាក់បញ្ចូលប្រាសាទព្រះវិហារជាសម្បត្តិ​បេតិកភណ្ឌ​ពិភព​លោក​

បានផុស

នៅ

នាឱកាស​ខួប​លើក​ទី​១៣​ នៃ​ការដាក់​ប​ញ្ចូល​ប្រាសាទព្រះវិហារ​ជា​បេ​តិក​ភណ្ឌ​ពិភពលោក​(០៧ ខែកក្កដា​២០០៨-០៧ កក្កដា​២០២១)​ គេ​ឃើញប្រជាពលរដ្ឋ​ខ្មែរ​ទូទាំងប្រទេស​បា​នប​ង្ហោះ​សារ​ចូលរួម​អបអរ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក​សម្រាប់​តារា​ប្រុស​-​ស្រី​ល្បីៗ​របស់​ខ្មែរ​ជាច្រើន​ទៀត ​ក៏​មិន​ខុសគ្នា​ដែរ​ គឺ​ពួកគេ​ក៏បាន​បង្ហាញ​សារ​ចូលរួម​អបអរ​ផងដែរ​។ ​ជាក់ស្តែង​តារា​សម្តែង​និង​ចម្រៀង​៤​រូបនេះ​ ក៏បាន​ថ្លែង​សារ​ចូលរួម​អបអរ​ផង​ដែរ​។​

១.​តារាចម្រៀង ពេជ្រ សោភា បានលើកឡើង​ថា ​អប​អរ​សារ​ទរ​ខួប​១៣​ឆ្នាំ ​នៃ​ការដាក់បញ្ចូល​ប្រាសាទ ព្រះវិហារ​ ជា​សម្បត្តិ​បេ​តិក​ភណ្ឌ​ពិភពលោក​។ ក្នុងនាម​ជា​ខ្មែរ​សូម​បងប្អូន​ជនរួមជាតិ​ចូលរួម​អបអរសាទរ​ទាំងអស់គ្នា​ ជាពិសេសសូមបន្តថែរក្សាការពារ និងអភិរក្សប្រាង្គ​ប្រាសាទ​របស់​ខ្មែរ ជា​កេរ្តិ៍​តំណែ​ល​ដ៏​មាន​តម្លៃ​ពុំ​អាច​កាត់ថ្លៃ​បាន ​ដែល​បុព្វបុ​រស​ដូនតា​យើ​ង​បាន​បន្សល់ទុក​សម្រាប់​កូន​ខ្មែរ​ជំនា​ន់​ក្រោយ ។​

២.​តារា​សម្ដែង នី មុន្នីនាថ បាន​បង្ហោះ​សារ​អបអរ​ថា ​អបអរសាទរ​ខួប​១៣​ឆ្នាំ​ ហើយ​ដែល​សម្បត្តិ​វប្ប​ធម៌​ដ៏​មានតម្លៃ​របស់​កម្ពុជា ប្រាសាទព្រះវិហារ ​ត្រូវ​បាន​អង្គការ ​យូណេស្កូ​ សម្រេច​ដាក់​ជា​សម្បត្តិ​បេ​តិក​ភណ្ឌ​ពិភពលោក​(៧​កក្កដា​២០០៨-៧​កក្កដា​២០២ ១)​។​

៣.​តារា​សម្តែង ស៊ឹម ស្រី​និ​ច ​បានលើកឡើង​ដែរ​ថា ​អបអរសាទរ​ខួប​លើក​ទី​១៣​ នៃ​ការចុះបញ្ជី​ប្រា​សាទ​ព្រះវិហារ​ជា​បេ​តិក​ភណ្ឌ​ពិភពលោក​។​ ថ្ងៃនេះ​គឺជា​ខួប​លើក​ទី​១៣​ នៃ​ការចុះបញ្ជី “​ប្រាសាទព្រះវិហារ​” ជា​បេតិកភណ្ឌ​ពិភពលោក​។​ សូម​ចូលរួម​ថែរក្សា​ការពារ​ប្រាសាទ​បុរាណ​ទាំងអស់​នៅ​ទូទាំងប្រទេស​ឲ្យបាន​គង់វង្ស ដើម្បី​កូនចៅ​ខ្មែរ​គ្រប់​ជំនាន់​។​

៤.​តារាចម្រៀង​ប្រុស ឆុន បា​លូ បាន​បង្ហោះ​សារ​ដែរ​ថា ​អបអរសាទរ​ខួប​លើក​ទី​១៣​ នៃ​ការចុះបញ្ជី​ប្រាសាទ​ព្រះវិហារ​ជា​បេ​តិក​ភណ្ឌ​ពិភពលោក​។​

សូមជម្រាបថា​ ព្រឹត្តិការណ៍​ដែល​កើតឡើង​កាលពី​ថ្ងៃទី​០៧ ​ខែ​កក្កដា​ឆ្នាំ​២០០៨​ ត្រូវបាន​ចាត់ទុកជា​ព្រឹត្តិការណ៍​ប្រវត្តិសាស្ត្រ​ថ្មី​មួយ ​បើ​គិត​ចាប់តាំងពី​កម្ពុជា​ទទួលបាន​ប្រាសាទ​ដ៏​ពិសិដ្ឋ​មួយ​នេះ​ក្រោយ​ឈ្នះក្តី​លើ​ប្រទេស​ថៃ​នៅ​តុលាការអន្តរជាតិ​ក្រុងឡាអេ នា​ថ្ងៃទី​១៥​ ខែមិថុនា ឆ្នាំ​១៩៦២​។​

ប្រាសាទព្រះវិហារ​ ជា​ប្រាសាទ​ដ៏​ពិសិដ្ឋ​របស់​កម្ពុជា​ដែល​ស្ថិតនៅលើ​ភ្នំ​ដងរែក​ ត្រូវបាន​ចុះបញ្ជី​ជាស​ម្បត្តិ​បេតិកភណ្ឌ​ពិភពលោក​ នា​កិច្ចប្រជុំ​ទី​៣២​ របស់​គណៈកម្មាធិការ​បេតិកភណ្ឌ​ពិភពលោក​របស់​អង្គការ​យូណេស្កូ (UNESCO) កាលពី​ថ្ងៃទី​៧ ខែ​កក្កដា ឆ្នាំ​២០០៨​ នៅ​ទីក្រុង​កេបិ​ច​ប្រទេស​កាណាដា​៕

អត្ថបទ ៖ ចាន់​រ៉ា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ នាទី មុន

កងកម្លាំងក្រុងសៀមរាបបន្តចុះល្បាតតំបន់ក្រហមទាំងភ្លៀង និងដកហូតមធ្យោបាយធ្វើដំណើរល្មើសបម្រាម

ជីវិតកម្សាន្ដ៣០ នាទី មុន

សម្រស់តារាស្រី ៤ដួងក្នុងឈុតប្រពៃណីនារដូវបុណ្យភ្ជុំបិណ្ឌ ពិតជាស្រស់ស្អាតមិនចាញ់គ្នាទេ

ចរាចរណ៍៤៨ នាទី មុន

យុវជនម្នាក់ បានរងរបួសធ្ងន់បន្ទាប់ពីជិះបុករថយន្ត១គ្រឿង នៅក្រុងបានលុង

ជីវិតកម្សាន្ដ៤៨ នាទី មុន

វីដេអូទាំង ៤ របស់បេក្ខនារីសៀករហ័ស្សកម្ម ដ៏មានប្រជាប្រិយលើឆាក AGT ធ្វើឱ្យទស្សនិកជនពេញចិត្តខ្លាំង

ព័ត៌មានជាតិ១ ម៉ោង មុន

សមត្ថកិច្ចខេត្តកែប ឃាត់ខ្លួនក្រុមក្មេងទំនើងជាច្រើននាក់ ខណៈផឹកស៊ីល្មើសនឹងវិធានការសុខាភិបាល

Sokha Hotels

ព័ត៌មានពេញនិយម

Helistar Cambodia - Helicopter Charter Services