ព័ត៌មានជាតិ

មួយប៉ប្រិចភ្នែក កុមារពីរនាក់ ផ្លាស់ប្តូរវាសនា បំផុសទឹកចិត្តមនុស្សគ្រប់គ្នាឲ្យតស៊ូ កុំចុះចាញ់

បានផុស

៤ years មុន

នៅ

ថ្ងៃសៅរ៍ ២១ វិច្ឆិកា ២០២០

ដោយ

ក្នុងសម្លៀកបំពាក់មិនរៀបរយ គ្មានស្បែកជើង ជិះកង់កញ្ចាស់ ធ្វើឲ្យមនុស្សគ្រប់គ្នាអាសូរចិត្តពេកក្រៃ។ នេះជារូបភាពកុមារពេជ្រ ធារ៉ា ដែលបានចូលរួមព្រឹត្តិការណ៍ប្រណាំងកង់មួយ។

កើតក្នុងគ្រួសារក្រីក្រ មានឪពុកជាកម្មករសំណង់និងម្តាយកំពុងមានជំងឺប្រចាំកាយ មានបងប្អូនរហូតដល់៥នាក់ កុមារម្នាក់នេះបានក្លាយជាតួអង្គដែលបំផុសទឹកចិត្តមនុស្សគ្រប់គ្នាឲ្យតស៊ូ កុំចុះចាញ់វាសនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយរូបភាពដ៏កម្សត់គួរឲ្យអាណិតអាសូររបស់ពេជ្រ ធារ៉ា ត្រូវបង្ហោះពេញបណ្តាញសង្គមហ្វេសបុក មានឧកញ៉ា និងមនុស្សជាច្រើនបានជួយឧបត្ថម្ភគាំទ្រដើម្បីផ្លាស់ប្តូរវិថីជីវិតរបស់ក្មេងប្រុសម្នាក់នេះ។

ពេលសួរពីគោលបំណងទៅថ្ងៃអនាគត ពេជ្រ ធារ៉ា និយាយយ៉ាងមុតមាំថា ចង់ធ្វើទាហាន ដើម្បីបម្រើជាតិមាតុភូមិ។

ដោយឡែកកុមារីម្នាក់ទៀត មានសម្បុរស្រអែមរស់នៅភូមិភាគឦសាន យ៉ង ស្រីនីត អាយុ១១ឆ្នាំ ក៏កំពុងមានការចាប់អារម្មណ៍ខ្លាំងនៅលើបណ្តាញសង្គម។

ទំនេរពីការសិក្សា ជួយលក់ដូរចេកឆាបឪពុកម្តាយនៅក្នុងសហគមន៍ដាក់ដាំក្នុងខេត្តមណ្ឌលគិរី កុមារីសម្បុរស្រអែមស្រស់ប្រិមប្រិយនេះ ដុងពីកំណើតមានសំនៀងពីរោះ និងតែងប្រើប្រាស់ទឹកដមសំឡេងរបស់ខ្លួនច្រៀងឲ្យភ្ញៀវទេសចរស្ដាប់។ នាងមានក្តីស្រម័យមួយ គឺចង់ក្លាយជាអ្នកចម្រៀង និងគ្រូបង្រៀន។

ដោយមើលឃើញពីសមត្ថភាព និងលក្ខណៈសម្បត្តិពីធម្មជាតិ លោក ឧកញ៉ា ស្រី ចាន់ថន បានសម្រេចចិត្តជ្រើសរើសយកស្រីនីត ចូលក្នុងផលិតកម្ម( ជេតប្រូដាកសិន jet Production ) និងឧបត្ថម្ភឲ្យរៀនចប់ដូចក្តីប្រាថ្នា ដើម្បីក្លាយជាគ្រូបង្រៀន និងជាតារាចម្រៀងក្នុងវិស័យសិល្បះនាថ្ងៃអនាគត៕

Related Topics:បណ្ដាញសង្គម