ព័ត៌មានជាតិ

បញ្ជូនជនសង្ស័យ២នាក់ បញ្ចូលទៅតុលាការពាក់ព័ន្ធករណីជួញដូរគ្រឿងញៀន និងលាក់អាវុធ

បានផុស

៥ years មុន

នៅ

ថ្ងៃពុធ ១៤ កក្កដា ២០២១

ដោយ

ជនសង្ស័យ២នាក់ ត្រូវបានសមត្ថកិច្ចបញ្ជូនខ្លួនដល់តុលាហើយ ក្រោយពីសមត្ថកិច្ចចុះឃាត់ខ្លួនជនសង្ស័យយកមកសាកសួរស្រាវជ្រាវ និងកសាងសំណុំរឿងរួចរាល់ពាក់ព័ន្ធចំនួន២បទល្មើសជួញដូររក្សាទុកសារធាតុញៀនចំនួន៦ថង់ កាំភ្លើងខ្លីច្នៃ១ដើម ដែលបានប្រព្រឹត្តក្នុងភូមិសាស្ត្រស្រុកមោងឬស្សី ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯកសុខ.និមលនាយការិយាល័យប្រឆាំងគ្រឿងញៀននៃស្នងការនគរបាលខេត្តបាត់ដំបងបានប្រាប់ឲ្យដឹងនៅថ្ងៃទី១៤ខែកក្កដានេះថា ការងារបង្ក្រាបរក្សាទុកជួញដូរឬដឹកជញ្ជូនដោយខុសច្បាប់នូវសារធាតុញៀនខាងលើនេះបានធ្វើឡើងកាលពីថ្ងៃទី១២ ខែកក្កដា ឆ្នាំ២០២១ ត្រង់ចំណុចទី០៦ក្នុងភូមិចាមរអា ឃុំព្រៃស្វាយ ស្រុកមោងឬស្សី ខេត្តបាត់ដំបង។

លោកបន្តថា ករណីខាងលើនេះ សមត្ថកិច្ចបង្ក្រាបក្នុងបទល្មើសជាក់ស្តែង កម្លាំងជំនាញបានឃាត់ខ្លួនជនសង្ស័យចំនួន២នាក់រួមមាន៖ ទី១. ឈ្មោះ ហូយ លឿប ភេទប្រុស អាយុ៣៧ឆ្នាំ និងទី២. ឈ្មោះ រិន ទូច ភេទប្រុស អាយុ៣២ឆ្នាំ បច្ចុប្បន្នរស់នៅក្នុងឃុំព្រៃស្វាយ ស្រុកមោងឬស្សី ខេត្តបាត់ដំបង។

ក្រោយឃាត់ខ្លួនជនសង្ស័យទាំង២នាក់ សមត្ថកិច្ចបានឆែកឆេររកឃើញវត្ថុតាងល្មើស ដែលនៅជាប់នឹងខ្លួនជនសង្ស័យមានដូចជា ថ្នាំញៀនប្រភេទមេតាំហ្វេតាមីនហៅ(ម៉ាទឹកកកice)ចំនួន០៦កញ្ចប់ មានទម្ងន់៥០,០០ក្រាម និងកាំភ្លើងខ្លីច្នៃចំនួន១ដើម រួមទាំងវត្ថុតាងបម្រើឲ្យការជួញដូរសារធាតុមួយចំនួនទៀតផង។ លោកនាយការិយាល័យបន្តថា បច្ចុប្បន្នជនសង្ស័យទាំង២នាក់រួមនិងវត្ថុតាង ត្រូវបានកម្លាំងការិយាល័យប្រឆាំងគ្រឿងញៀន បានកសាងសំណុំរឿងបញ្ជូនដល់ដៃតុលាការហើយដើម្បីអនុវត្តនីតិវិធី៕

អត្ថបទ៖ សៅ សារិទ្ធ

Related Topics: