ព័ត៌មានជាតិ
ថ្ងៃទី២ នៃការឃោសនាបោះឆ្នោត ជ្រើសរើសក្រុមប្រឹក្សាក្រុងបូកគោ មានគណបក្ស២ បានចាក់មេក្រូឃោសនា
ថ្ងៃទី១៧ ខែកក្កដា ឆ្នាំ២០២១ គឺជាថ្ងៃទី២ នៃការឃោសនាបោះឆ្នោត ជ្រើសរើសក្រុមប្រឹក្សាក្រុងបូកគោ នៃខេត្តកំពត ដោយមានគណបក្សនយោបាយចំនួន២ ក្នុងចំណោមគណបក្សនយោបាយចំនួន៤ បានចាក់មេក្រូឃោសនា នៅតាមទីស្នាក់គណបក្សរបស់ខ្លួន ដោយពុំមានសកម្មភាពការឃោសនានៅតាមដងផ្លូវឡើយ។
កាលពីម្សិលមិញ ដែលជាថ្ងៃទី១ នៃការឃោសនាបោះឆ្នោត ជ្រើសរើសក្រុមប្រឹក្សាក្រុងបូកគោ គណបក្សប្រជាជនកម្ពុជា បានប្រើប្រាស់មានរថយន្តចំនួន៧០គ្រឿង និងម៉ូតូចំនួន៣០គ្រឿង ហើយមានអ្នកចូលរួមមានចំនួន ២០០ នាក់។ ចំណែកគណបក្សសញ្ជាតិកម្ពុជា បានប្រើប្រាស់រថយន្តចំនួន២គ្រឿង និងម៉ូតូចំនួន៥គ្រឿង ហើយមានអ្នកចូលរួមមានចំនួន២០នាក់។ រីឯគណបក្ស២ផ្សេងទៀត មិនបានធ្វើសកម្មភាពឃោសនាឡើយ។
លោកបណ្ឌិត តែ ជិនណារិទ្ធ ប្រធានគណៈកម្មការរៀបចំការបោះឆ្នោតខេត្តកំពត បានថ្លែងប្រាប់អ្នកសារព័ត៌មានកម្ពុជាថ្មី នាព្រឹកថ្ងៃទី១៧ ខែកក្កដានេះថា បើតាមប្រតិទិន ដែលគណបក្សនយោបាយបញ្ជូន មកកាន់លោក គឺនៅថ្ងៃទី២ នៃការឃោសនាបោះឆ្នោត មានគណបក្សនយោបាយចំនួន២ គឺគណបក្សប្រជាជនកម្ពុជា និងគណបក្សសញ្ជាតិកម្ពុជា។ នៅថ្ងៃទី២នេះ គណបក្សប្រជាជនកម្ពុជា មិនបានធ្វើសកម្មភាពឃោសនានៅតាមដងផ្លូវនោះឡើយ គ្រាន់តែបានចាក់មេក្រូ នៅតាមទីស្នាក់ការគណបក្សរបស់ខ្លួនប៉ុណ្ណោះ។ ចំណែកគណបក្សសញ្ជាតិកម្ពុជា ក៏មិនបានធ្វើសកម្មភាពឃោសនាតាមដងផ្លូវនោះដែរ ដោយគ្រាន់តែចាក់មេក្រូនៅតាមទីស្នាក់ការគណបក្សរបស់ខ្លួនដែរ។
បើតាមលោកបណ្ឌិត តែ ជិនណារិទ្ធ អ្នកចូលរួមក្នុងយុទ្ធនាការឃោសនាបោះឆ្នោតបានអនុវត្ត និងគោរពតាមវិធានការបង្ការការឆ្លងរាលដាលនៃជំងឺកូវីដ-១៩ និងតាមសេចក្តីណែនាំ របស់ក្រសួងសុខាភិបាលបានយ៉ាងល្អ ហើយសកម្មភាពឃោសនាប្រព្រឹត្តទៅដោយរលូន មានសណ្តាប់ធ្នាប់ និងបានទៅដល់គោលដៅដែលបានកំណត់ដោយសន្តិវីធី។
សូមជម្រាបថា ការឃោសនាបោះឆ្នោតរយៈពេល៨ថ្ងៃ គឺចាប់ផ្តើមពីថ្ងៃទី១៦ ដល់ថ្ងៃទី២៣ ខែកក្កដា ឆ្នាំ២០២១ ចាប់ពីម៉ោង៦ និង០០ព្រឹក ដល់ម៉ោង១០ និង០០យប់។ គ្រប់សកម្មភាពឃោសនាបោះឆ្នោត ត្រូវបញ្ចប់២៤ម៉ោង មុនថ្ងៃបោះឆ្នោត។ ចំពោះការរៀបចំក្បួនព្យុហយាត្រា ឬក្បួនដំណើរដោយក្រុមថ្មើរជើង ឬដោយយានជំនិះគ្រប់ប្រភេទនៅក្នុងមណ្ឌលត្រូវកំណត់២ដង ក្នុងអំឡុងពេលឃោសនាបោះឆ្នោត៕ (ដោយ)៖ ឃួន សុភ័ក្រ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)