Connect with us

ព័ត៌មានជាតិ

កម្ពុជា ​គាំទ្រ​ការ​ធ្វើកំណែទម្រង់​អង្គការ ពាណិជ្ជកម្ម​ពិភពលោក

បានផុស

នៅ

​មន្ត្រីជាន់ខ្ពស់​ក្រសួងពាណិជ្ជកម្ម​បាន​ប្រាប់​សហភាព​អឺរ៉ុប​ថា​កម្ពុជា​គាំទ្រ​ការធ្វើកំណែទម្រង់​អង្គការ​ពាណិជ្ជកម្ម​ពិភពលោក​( WTO )​ទាំង​ក្របខ័ណ្ឌ​ច្បាប់ និង​ដំណើរការស្ថាប័ន ក៏ប៉ុន្តែ​ការធ្វើកំណែទម្រង់​នេះ ត្រូវផ្តោត​និង​គិតគូរ​ជាសំខាន់​ផងដែរ ចំពោះ​រាល់​បញ្ហា​ជាការ​ព្រួយបារម្ភ​របស់​គ្រប់​សមាជិក ជាពិសេស​សមាជិក​ជា​ប្រទេស​កំពុងអភិវឌ្ឍន៍ និង​អភិវឌ្ឍន៍​តិចតួច (LDCs)​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​​ការ​លើ្ឡ​ក​ឡើង​របស់​កម្ពុជា​នេះ​បានធ្វើ​ឡើង​ក្នុងឱកាស​ចូលរួម​ពិភាក្សា​ជាមួយ​តំណាង​ជាន់ខ្ពស់​សហភាព​អឺរ៉ុប លើ​គោ នយោបាយ ពាណិជ្ជកម្ម​សហភាព​អឺរ៉ុប ក្នុងការ​ធ្វើកំណែទម្រង់​អង្គការ​ពាណិជ្ជកម្ម​ពិភពលោក (WTO) និង​ទិសដៅ​អាទិភាព​សម្រាប់​កិច្ចប្រជុំ​សន្និសីទ​ថ្នាក់​រដ្ឋមន្ត្រី​លើក​ទី​១២ នៃ​អង្គការ WTO (MC12)​។

​លោក សុខ សុភ័ក្ត្រ រដ្ឋលេខាធិការ​ក្រសួងពាណិជ្ជកម្ម​ដែល​បាន​ដឹកនាំ​កិច្ចប្រជុំ​ជាមួយ​តំណាង​សហភាព​អឺរ៉ុប​កាលពី​ចុង​សប្តាហ៍​កន្លង​ទៅ​នេះ​បានបញ្ជាក់​អំពី​គោលជំហរ​កម្ពុជា ​ក្នុង​ការ​គាំទ្រ​ការស្តារ​ទ្បើង​វិញ​នូវ​ដំណើរការ​ពេញលេញ​របស់​ប្រព័ន្ធ​ដោះស្រាយ​វិវាទ​អង្គការ WTO ដែល​បាន​ដើរតួនាទី​យ៉ាងសំខាន់​ក្នុងការ​ទប់ស្កាត់​ការប្រើប្រាស់​យន្តការ​ឯក​តោ​ភាគី និង​គោលនយោបាយ​គាំពារ​និយម​។ លោក ប្រធាន​ក៏បាន​បន្តថា​« កម្ពុជា​គាំទ្រ​នូវ​ការធ្វើកំណែទម្រង់​អង្គការ WTO ទាំង​ក្របខ័ណ្ឌ​ច្បាប់ និង​ដំណើរការ ស្ថាប័ន ក៏ប៉ុន្តែ​ការធ្វើកំណែទម្រង់​នេះ ត្រូវផ្តោត​និង​គិតគូរ​ជាសំខាន់​ផងដែរ ចំពោះ​រាល់​បញ្ហា​ជាការ​ព្រួយបារម្ភ​របស់​គ្រប់​សមាជិក ជាពិសេស​សមាជិក​ជា​ប្រទេស​កំពុងអភិវឌ្ឍន៍ និង​អភិវឌ្ឍន៍​តិចតួច (LDCs)»​។​

​អង្គ​ប្រជុំបាន​ផ្លាស់ប្តូរ​យោបល់ និង​ពិភាក្សា​លើ​វឌ្ឍនភាព​នៃ​ពាណិជ្ជកម្ម​អន្តរជាតិ​ក្រោម​ក្របខ័ណ្ឌ​អង្គការ WTO គោលនយោបាយ​ពាណិជ្ជកម្ម​ថ្មី​របស់ EU ក្នុងការ​ធ្វើកំណែទម្រង់​អង្គការ WTO និង​ទិសដៅ​អាទិភាព មួយចំនួន​សម្រាប់​កិច្ចប្រជុំ​សន្និសីទ​ថ្នាក់​រដ្ឋមន្ត្រី​លើក​ទី​១២ នៃ​អង្គការ WTO (MC12) ដែល​នឹង​ប្រព្រឹត្តទៅ​នា​ចុងឆ្នាំ​២០២១ ខាងមុខ នៅ​ទីក្រុង​ហ្សឺ​ណែវ ប្រទេស​ស្វី​ស​។

​លោក Ignacio Garcia Bercero មន្ត្រីជាន់ខ្ពស់ នៃ​អគ្គនាយកដ្ឋាន​ពាណិជ្ជកម្ម​នៃ​គណៈកម្មការ EU និង​លោក Petros Sourmelis ប្រធាន​ផ្នែក​ពាណិជ្ជកម្ម​និង​សេដ្ឋកិច្ច EU បាន​ជម្រាបជូន​អង្គប្រជុំ អំពី​ទិសដៅ​អាទិភាព​នៃ​គោលនយោបាយ​ពាណិជ្ជកម្ម​ថ្មី​របស់ EU ដោយ​ផ្តោត​សំខាន់​លើ​ការដោះស្រាយ​បញ្ហា​ជាប់គាំង​ប្រព័ន្ធ​ដោះស្រាយ​វិវាទ​នៃ​អង្គការ WTO ការកំណត់​និង​សម្រេចបាន​នូវ​សមិទ្ធផល​វិជ្ជមាន​ពី​កិច្ចប្រជុំ MC12 រួមមាន​ជាអាទិ៍ ការបញ្ចប់​ការចរចា​កិច្ចព្រមព្រៀង ស្តីពី​ការឧបត្ថម្ភ​ធន​វិស័យ​ជលផល (Fisheries Subsidies) និង​ការជំរុញ​ការចរចា​ពាណិជ្ជកម្ម​តាម​ប្រព័ន្ធ​អេ​ទ្បិ​ច​ត្រូ​និក (E-Commerce) ជាដើម និង​ការធ្វើកំណែទម្រង់​អង្គការ WTO ឱ្យ​ឆ្លើយតប​ទៅនឹង​បរិការណ៍​នៃ​វិបត្តិ​ជំងឺឆ្លង​សកល និង​ការអភិវឌ្ឍន៍​ប្រកបដោយ​ចីរភាព​។​

​ជាការ​ឆ្លើយតប​លើ​បញ្ហា​វិបត្តិ​ជំងឺឆ្លង​រាតត្បាត​ជាស​កល លោក​រដ្ឋលេខាធិការ​ប្រធាន​អង្គប្រជុំ បានបញ្ជាក់ អំពី​សារៈសំខាន់​នៃ​ការបន្ត​ផ្តល់នូវ​ភាពបត់បែន (Flexibilites) និង​ប្រព្រឹត្តិកម្ម​ពិសេស​និង​ដាច់ដោយឡែក (Special and Differential Treatment – SDT) ផ្សេងទៀត ដល់​ប្រទេស LDCs រួមទាំង កម្ពុជា​ផងដែរ ក្នុង​ពាណិជ្ជកម្ម​អន្តរជាតិ​។

​លោក​ប្រធាន ក៏បាន​ជម្រាបជូន​នូវ​ផែនការ​គោលនយោបាយ​ស្តារ​សេដ្ឋកិច្ច​ឡើងវិញ​របស់​កម្ពុជា ពី​វិបត្តិ​ជំងឺ​រាតត្បាត​សកល​កូ​វីដ​-១៩ ឆ្នាំ​២០២១-២០២៣ សំដៅ​រក្សា​និង​លើកកម្ពស់​កំណើនសេដ្ឋកិច្ច​ប្រកបដោយ​ចីរភាព និង​បរិ​យា​ប័ន្ន តាមរយៈ​ការធានា​រក្សាបាន​នូវ​សន្តិភាព សន្តិសុខ ស្ថិរភាព​សង្គម និង​សណ្តាប់ធ្នាប់​សាធារណៈ លើ​គន្លង​នៃ​ប្រក្រតីភាព​ថ្មី ព្រមទាំង​លើកកម្ពស់​ភាព​ប្រកួតប្រជែង​ក្នុង​ច្រវាក់​ផ្គត់ផ្គង់​តំបន់ និង​សកលលោក​។ ពាក់ព័ន្ធ​នឹង​ការចរចា​លើ​កិច្ចព្រមព្រៀង ស្តីពី​ការឧបត្ថម្ភ​ធន​វិស័យ​ជលផល (Fisheries Subsidies)​លោក​រដ្ឋលេខាធិការ​ប្រធាន​អង្គប្រជុំ បាន​ជម្រាបជូន អំពី​គោលជំហរ​របស់​កម្ពុជា​ក្នុង​គាំទ្រ​បញ្ចប់​ការចរចា​លើ​ការឧបត្ថម្ភ​ធន​វិស័យ​ជលផល​ឱ្យបាន​ចប់​មុន កិច្ចប្រជុំ MC12 ក៏ប៉ុន្តែ​ស្នើសុំ​ឱ្យ​សមាជិក​ទាំងអស់ ពិចារណា​ផ្ដល់​ភាពបត់បែន​ពេញលេញ​ដល់​ប្រទេស LDCs ជាពិសេស​ការឧបត្ថម្ភ​ធន​វិស័យ​ជលផល​សម្រាប់​ការនេសាទ​ខ្នាតតូច ខ្សត់​ឧបករណ៍ និង​ការនេសាទ​សម្រាប់​បម្រើ​ជីវភាព​ប្រចាំថ្ងៃ​។

​អង្គប្រជុំ​ក៏បាន​ផ្លាស់ប្តូរ​មតិយោបល់ និង​ពិភាក្សា​លើ​វឌ្ឍនភាព​នៃ​ការចរចា E-Commerce ក្រោម​ក្របខ័ណ្ឌ​អង្គការ WTO ហើយ​បានកត់សម្គាល់​ពី​ការចូលរួម​របស់​កម្ពុ​ជា ក្នុងនាម​ជា​អ្នក​អង្កេត​ការណ៍​ក្នុង​កិច្ចចរចា​នេះ និង​កិច្ចខិតខំ​ប្រឹងប្រែង​រប​ស់​កម្ពុជា​ក្នុង​ការកសាង​អភិវឌ្ឍ​ច្បាប់ បទដ្ឋាន​គតិយុត្ត និង​យុទ្ធសាស្ត្រ​ក្នុងការ​លើកកម្ពស់​វិស័យ E-Commerce នៅ​កម្ពុជា ផងដែរ​។​

តំណាង EU បានបង្ហាញ​គោលជំហរ​បន្ត​គាំទ្រ​ដល់​កម្ពុជា​ក្នុង​ប្រព័ន្ធ​ពាណិជ្ជកម្ម​ពហុភាគី ជាពិសេស​ក្នុង​បរិការណ៍​នៃ​ជំងឺឆ្លង​រា​តត្បា​ត​សកល​កូ​វីដ​-១៩ និង​ការស្តារ​ទ្បើង​វិញ​នូវ​សេដ្ឋកិច្ច សង្គម និង​ការបន្ត​ពិភាក្សា​លើ​វឌ្ឍនភាព​ការងារ​ពាក់ព័ន្ធ​នាពេលខាងមុខ​៕

​អត្ថបទ៖ សំអឿន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៧ ម៉ោង មុន

ក្រុមប្រឹក្សាសន្តិសុខអង្គការសហប្រជាជាតិទាមទារឱ្យមានបទឈប់បាញ់ជាបន្ទាន់រវាង អ៊ីស្រាអែល និងក្រុមសកម្មប្រយុទ្ធប៉ាឡេស្ទីន

សន្តិសុខសង្គម៨ ម៉ោង មុន

អគ្គ​លេខាធិការដ្ឋាន​នៃ គ.ល.ក. ជូន​ដំណឹង​ដល់​សាធារណជន​កុំ​​ឱ្យ​ចូល​រួម​សកម្មភាព​កាស៊ីណូអនឡាញ​​

ព័ត៌មានជាតិ៨ ម៉ោង មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៩ ម៉ោង មុន

សមត្ថកិច្ចបញ្ជាក់ករណី​​សំណុំ​រឿង​ក្រុមហ៊ុន CIC ខុស​ពីករណី​សំណុំ​រឿង​ក្រុមហ៊ុន ឡេង ចាន់ណា

ព័ត៌មានជាតិ១០ ម៉ោង មុន

ក្រសួង​ការងារ​នាំ​យក​ឱកាស​ការងារ​ជាង ៨០០០ កន្លែង​ដល់ក​ម្មករ​រោងចក្រ អ​.​ជី ហ៊្វូត​វែ​រ

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ១០ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម