ព័ត៌មានជាតិ
បើកម៉ូតូឆ្លងផ្លូវមិនមើលឆ្វេងស្តាំ ត្រូវរថយន្តធំបុករបួសធ្ងន់ស្រាល៣នាក់
យ៉ាងហោចណាស់ ក៏មានមនុស្សរងរបួសធ្ងន់ស្រាល ចំនួន៣នាក់ដែរ ក្នុងឧបទ្ទវហេតុគ្រោះថ្នាក់ចរាចរណ៍មួយ រវាងម៉ូតូ និងរថយន្តធុនធ្ងន់ក្នុងទិសដៅខ្វែងគ្នា នៅស្រុកថ្មគោល។
ករណីនេះបានកើតឡើង នៅថ្ងៃទី២១ ខែកក្កដា ឆ្នាំ២០២១ វេលាម៉ោង១២ និង ៤០នាទី ថ្ងៃត្រង់លើកំណាត់ផ្លូវជាតិលេខ៥ ដែលកំពុងស្ថាបនា ត្រង់ចំណុចក្រុមទី០៥ ភូមិថ្មគោលជើង ឃុំតាម៉ឺន ស្រុកថ្មគោល ខេត្តបាត់ដំបង រវាងម៉ូតូ និងរថយន្តដឹកទំនិញធុនធ្ងន់។
បើតាមសមត្ថកិច្ចបានបញ្ជាក់ថា នៅមុនពេលកើតហេតុ គឺមានម៉ូតូមួយគ្រឿង ម៉ាកហុងដាឌ្រីម ធុន C១២៥ ពណ៌ខ្មៅ ពាក់ស្លាកលេខ ប.មានជ័យ 1E-9933 ជិះគ្នា៣នាក់បើកបរចេញពីផ្លូវលំឡើងលើផ្លូវជាតិលេខ៥ រួចបត់ឆ្វេងឆ្លងផ្លូវក្នុងល្បឿនលឿន ធ្វើឱ្យរថយន្តដឹកទំនិញធុនធ្ងន់ម៉ាកមីតស៊ុយប៊ីស៊ី ពណ៌ទឹកប្រាក់ ពាក់ស្លាកលេខ កំពង់ចាម 3A-0753 ដែលកំពុងបើកបរពីជើងទៅត្បូង បានបុកម៉ូតូនោះតែម្តងបណ្តាលឱ្យអ្នកបើកបរម៉ូតូ និងអ្នករួមដំណើររងរបួសធ្ងន់ស្រាលចំនួន០៣នាក់។
អ្នករងរបួសទាំង៣នាក់គឺ អ្នកបើកបរម៉ូតូឈ្មោះ សារឿង ប្រុសពេជ្រ ភេទប្រុស អាយុ១៩ឆ្នាំ រស់នៅភូមិវាលទ្រា ឃុំអូរតាគី ស្រុកថ្មគោល អ្នករួមដំណើរឈ្មោះ លាង ហូវ ភេទប្រុស អាយុ១៦ឆ្នាំ រស់នៅភូមិថ្មគោលត្បូង ឃុំតាពូង ស្រុកថ្មគោល និង ឈ្មោះ កែវ វិច្ឆិកា ភេទស្រី អាយុ១៦ឆ្នាំ រស់នៅភូមិកណ្តាលត្បូង ឃុំគោកឃ្មុំ ស្រុកថ្មគោល។ ដោយឡែកអ្នកបើកបររថយន្ត ឈ្មោះ អៀង វ៉ាន់ ភេទប្រុស អាយុ៣២ឆ្នាំ រស់នៅភូមិគោកមន ឃុំដំដែក ស្រុកសូត្រនិគម ខេត្តសៀមរាប ។
ករណីនេះ ជំនាញស្រុកបានយករថយន្តសង្គ្រោះ ដឹកជនរងគ្រោះទាំងបី បញ្ជូនទៅមន្ទីរពេទ្យបង្អែកថ្មគោល និងបានប្រគល់មធ្យោបាយទាំង២ ឱ្យជំនាញនៃការិយាល័យចរាចរណ៍ផ្លូវគោកខេត្តបាត់ដំបង ដើម្បីចាត់ការតាមនីតិវិធី៕
អត្ថបទ៖ សោ និយមរ័ត្ន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១២ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ