ព័ត៌មានជាតិ
ក្រុមការងារបូជាសពអ្នកស្លាប់ ដោយសារកូវីដ ខេត្តកោះកុង ដំឡើងឡសម្រាប់បូជារួចរាល់ហើយ
ក្រុមការងារគណៈកម្មការគ្រប់គ្រង និងចាត់ចែងសពអ្នកជំងឺកូវីដ-១៩ ខេត្តកោះកុង បានដំឡើងឡរួចរាល់ហើយ សម្រាប់បូជាអ្នកស្លាប់ ដោយសារជំងឺកូវីដលើផ្ទៃដីចំនួន២ហិចតា នៅឃុំទួលគគីរ ស្រុកមណ្ឌលសីមា។
លោក អ៊ូច ទូច អនុប្រធានអនុគណៈកម្មការគ្រប់គ្រង និងចាត់ចែងបូជាសពអ្នកជំងឺកូវីដ-១៩ ខេត្ត ឱ្យដឹងនៅថ្ងៃទី២២ ខែកក្កដា ឆ្នាំ២០២១ថា ឡបូជាអ្នកស្លាប់កូវីដ គឺបញ្ជាទិញមកពីខេត្តកំពត ចំនួន៣គ្រឿង។ លោក អ៊ូច ទូច អនុគណៈកម្មការគ្រប់គ្រងចាត់ចែងការបូជាសពអ្នកស្លាប់កូវីដខេត្ត និងប្រធានមន្ទីរធម្មការ និងសាសនាខេត្តកោះកុង ពន្យល់ថា ត្បិតដំឡើងឡបូជានេះរួចក៏ពិតមែន តែមិនអាចផ្តើមទទួលបូជាអ្នកស្លាប់កូវីដនៅឡើយ ព្រោះក្រុមការងាររៀបឥដ្ឋជុំវិញឡ សាងរោង និងចាក់សាបបេតុងតាមគម្រោងផែនការបន្តទៀតសិន។
ផ្លូវចូលទីតាំងឈាបនដ្ឋាន គឺផ្តើមចេញពីផ្លូវជាតិលេខ៤៨ ទទឹង១០ម៉ែត្រ ប្រវែង១០០ម៉ែត្រ និងទីតាំងបូជាមានប្រវែង៥០ម៉ែត្របួនជ្រុង ដោយលើផ្ទៃដីបម្រុងទុករបស់ស្រុកមណ្ឌលសីមា។
មិនចំពោះតែទីតាំងបូជានៅស្រុកមណ្ឌលសីមាទេ នៅឯឃុំបឹងព្រាវ ស្រុកស្រែអំបិល និងស្រុកបូទុមសាគរ ក៏មានការដំឡើងឡបូជានេះដូចគ្នា ដែលមានទីតាំងនៅភូមិជីត្រេះ ឃុំអណ្តូងទឹកលើដីបម្រុងទុករបស់រដ្ឋបាលស្រុក។ ចំណែកសពអ្នកស្លាប់កូវីដជាជនជាតិខ្មែរឥស្លាម រដ្ឋបាលបានផ្តល់ដីប្រមាណ៥ហិចតា ដើម្បីរៀបចំធ្វើទីបញ្ចុះសពនៅឃុំត្រពាំងរូង ស្រុកកោះកុង។
កន្លងទៅ ការបូជាអ្នកស្លាប់ដោយសារជំងឺកូវីដនៅខេត្តកោះកុង ធ្វើឡើងនៅតាមវត្តអារាមនានាជាបណ្តោះអាសន្ន គ្រាលោកស្រី មិថុនា ភូថង អភិបាលខេត្ត និងអាជ្ញាធរមន្ត្រីជំនាញពាក់ព័ន្ធស្វែងរកទីតាំងសម្រាប់សាងសង់ឈាបនដ្ឋានដ៏សមស្រប ពុំបង្កផលប៉ះពាល់ដល់បរិស្ថាន ឬជីវភាពរស់នៅពលរដ្ឋឡើយ។
បញ្ហារីករាលដាលជំងឺកូវីដ ក្នុងមូលដ្ឋានខេត្តដែលជាប់ព្រំដែនថៃមួយនេះ កំពុងបង្ហាញក្តីបារម្ភយ៉ាងខ្លាំងណាស់ ព្រោះអត្រានៃការរកឃើញអ្នកឆ្លងថ្មីមានជាបន្តបន្ទាប់ ដែលតម្រូវឱ្យអាជ្ញាធរមន្ត្រីជំនាញស្វែងរកអ្នកប៉ះពាល់ផ្ទាល់និងប្រយោលជារៀងរាល់ថ្ងៃ។ ទន្ទឹមនោះ វិធានការដើម្បីធានាបាននូវការទប់ស្កាត់ជំងឺបានទាន់ពេលវេលា រដ្ឋបាលខេត្ត កំណត់ដល់មន្ត្រីរាជការ កងកម្លាំងទូទាំងខេត្តចូលខ្លួនមកធ្វើតេស្តរហ័ស(Rapit Test)ផងដែរ។
លោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្តកោះកុង បង្ហាញថា គិតត្រឹមថ្ងៃទី២០ ខែកក្កដា ឆ្នាំ២០២១ ស្ថានភាពជំងឺកូវីដ-១៩ក្នុងខេត្តមានសរុបចំនួន៣.៥៧៣នាក់ ស្រី ២.២១៦នាក់ ក្នុងនោះមានអ្នកជំងឺចូលថ្មី៧០នាក់ ស្រី ២៩នាក់។ លោកបន្ថែមថា សម្រាប់អ្នកជាសះស្បើយចំនួន២.៥៣៧នាក់/ស្រី ១.៦៤១នាក់ ស្លាប់ចំនួន២០នាក់ និងកំពុងតែព្យាបាលចំនួន១.០១៦នាក់ /ស្រី ៥៦១នាក់៕
អត្តបទ៖ សិរីវឌ្ឍនៈ
ស្លាប់កម្មករម្នាក់ របួសធ្ងន់ស្រាល៣នាក់ក្នុងករណីបាក់ជញ្ជាំងអាងស្តុកទឹក នៅសង្កាត់គោករកា
លោកបណ្ឌិត លី ធុជ ដឹកនាំកិច្ចប្រជុំតាមប្រព័ន្ធអនឡាញ ដើម្បីជំរុញកិច្ចសហប្រតិបត្តិការ និងពង្រឹងអនុលោមភាពនៃអនុសញ្ញាអូតាវ៉ាក្នុងចំណោមរដ្ឋភាគី
កុំភ្លេចត្រៀម CV! ស្អែកនេះ ឱកាសការងារថ្មីបន្ថែមទៀតជិត ៥០០ កន្លែងក្នុងវេទិកាការងាររបស់ NEA
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលស្តីពីសុវត្ថិភាពអគ្គិភ័យនៅតាមសហគ្រាស គ្រឹះស្ថាន
រដ្ឋមន្ត្រីពាណិជ្ជកម្មកូរ៉េ សរសើរថាកម្ពុជារីកចម្រើនឆាប់រហ័ស និងបង្ហាញបំណងពង្រីក បណ្តាក់ទុនវិនិយោគបន្ថែម
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៤ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ