ព័ត៌មានជាតិ

អគ្គិភ័យឆាបឆេះផ្ទះ១ខ្នងស្ទើរអស់ទាំងស្រុង នៅស្រុកលំផាត់

បានផុស

៤ years មុន

នៅ

ថ្ងៃអង្គារ ២៤ វិច្ឆិកា ២០២០

ដោយ

ផ្ទះមួយខ្នង ត្រូវអគ្គិភ័យឆាបឆេះអស់ទាំងស្រុង រួមទាំងសម្ភារមួយចំនួនធំ ប៉ុន្តែមិនមានមនុស្សគ្រោះថ្នាក់ទេ។ ហេតុការណ៍នេះ បានកើតឡើងកាលពីវេលាម៉ោង២និង១០នាទីរសៀល ថៃ្ងទី២៣ខែវិច្ឆិកា ឆ្នាំ២០២០ ស្ថិតនៅភូមិកាទៀង ឃុំល្បាំង២ ស្រុកលំផាត់ ខេត្តរតនគិរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនគរបាលបានឲ្យដឹងថា ផ្ទះឆេះ១ខ្នងនេះ មានទំហំ ៤គុណ៥ ម៉ែត្រ ធ្វើអំពីឈើ ប្រក់ស័ង្កសី បាំងជញ្ជាំងឫស្សី ក្រាលក្ដារឈើ បានរងការឆាបឆេះស្ទើរអស់ទាំងស្រុង រួមទាំងសម្ភារៈមួយចំនួនធំ។ ម្ចាស់ផ្ទះឈ្មោះ ក្លង ណ ភេទប្រុស អាយុ៣១ឆ្នាំ ជនជាតិព្រៅ ប្រពន្ធឈ្មោះ ជួយ រឹម អាយុ២៩ឆ្នាំ ជនជាតិព្រៅ និងកូនប្រុស ម្នាក់អាយុ១០ឆ្នាំ មិនមានគ្រោះថ្នាក់នោះទេ។

សមត្ថកិច្ចបន្តថា ឆេះផ្ទះមួយខ្នងនេះ គឺផ្តើមចេញពីចង្ក្រានដាំបាយ ហើយម្ចាស់បានចាកចេញទៅចម្ការបាត់ទៅ ក្រោយពីលឺដំណឹងថា ភ្លើងឆេះផ្ទះអស់ ក៏មានការតក់ស្លុតនិងរន្ធត់តែម្ដង។ ចំណែកសម្ភារៈដែលបានបាត់បង់រួមមាន៖ ម៉ាស៊ីនកាត់ស្មៅចំនួន ១គ្រឿង, ម៉ាស៊ីនបាញ់ថ្នាំចំនួន ១គ្រឿង, ម៉ាស៊ីនត្រង់ស៊ីន័រចំនួន ១គ្រឿង, លុយចំនួន២លានរៀល, ស្រូវចំនួន ៣ បេ, ខ្សែករមាសចំនួន១ខ្សែ តម្លៃ២លានរៀល និងឈើគ្រឿងផ្ទះខូចខាតមួយចំនួនទៀត។ ក្រោយកើតហេតុកម្លាំងប៉ុស្តិ៍រដ្ឋបាលឃុំល្បាំង២ និងប្រជាពលរដ្ឋ បានចុះជួយអន្តរាគមន៍ពន្លត់ ប៉ុន្តែត្រូវបានអគ្គិភ័យឆាប់ឆេះស្ទើរអស់ទាំងស្រុងទៅហើយ៕

អត្ថបទ៖ អ៊ុច សាវុទ្ធ

សូមចុចអាន៖ បើកលឿនមិនប្រយ័ត្នជ្រុលចង្កូតបុកហ៉ីយ៉ាន់ដាយខូចខាតយ៉ាងដំណំ

Related Topics:អគ្គិភ័យ