ព័ត៌មានជាតិ

បាត់ដំបងនៅបន្តរកឃើញអ្នកឆ្លងកូវីដ កម្រិតខ្ពស់ ព្រមទាំងមានអ្នកស្លាប់ ៤ នាក់បន្ថែមទៀត

បានផុស

៤ years មុន

នៅ

ថ្ងៃសុក្រ ៣០ កក្កដា ២០២១

ដោយ

ចំនួនអ្នកឆ្លងកូវីដ-១៩ ក្នុងខេត្តបាត់ដំបង នៅតែមានកំណើនខ្ពស់ដដែល មួយរយៈចុងខែកក្កដានេះ បើយោងតាមសេចក្តីប្រកាសព័ត៌មានរបស់រដ្ឋបាលខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលខេត្តបានចេញសេចក្តីប្រកាសព័ត៌មានជាផ្លូវការនាយប់ថ្ងៃទី២៩ ខែកក្កដា ឆ្នាំ២០២១នេះថា រដ្ឋបាលខេត្តបានរកឃើញអ្នកឆ្លងជំងឺកូវីដ-១៩ បន្ថែមថ្មីចំនួន ៩៩ នាក់ ដែលក្នុងនោះអ្នកពាក់ព័ន្ធនឹងព្រឹត្តិការណ៍ សហគមន៍២០កុម្ភៈមានចំនួន ៩១ នាក់ ពលករមកពីប្រទេសថៃមានចំនួន ៨ នាក់ ដោយឡែកសម្រាប់អ្នកជាសះស្បើយមានចំនួន ៦២ នាក់ និងមានអ្នកស្លាប់ ៤ នាក់ បន្ថែមទៀតផងដែរ។

តាមការប្រកាសព័ត៌មានដែលយើងទទួលបានគឺ រដ្ឋបាលខេត្តបាត់ដំបងបានបង្ហាញតួលេខរួមឲ្យដឹងថា បើគិតមកទល់នឹងថ្ងៃទី២៩ កក្កដានេះ ខេត្តបាត់ដំបងមានអ្នកផ្ទុកមេរោគកូវីដ-១៩សរុបចំនួន ៣,០៤១ នាក់ មានអ្នកជាសះស្បើយសរុបចំនួន ១,៨១៩ នាក់ ស្លាប់បានកើនឡើងរហូតដល់ចំនួន ៣៧ នាក់ និងអ្នកដែលកំពុងសម្រាកព្យាបាលនៅក្នុងមន្ទីរពេទ្យបង្អែកខេត្តមានចំនួន ១,១៨៥ នាក់៕